بعض الاستفسارات عن الفيرنا+مشكلة
السلام عليكم ورحمة الله وبركاتة
الحمد لله ربنا كرمنى واشتريت عربية فيرنا جديدة موديل 2014 ودى اول تجربة ليا فى العربيات يعنى مفهمش فيهم كتير عشان كدة قلت استفسر وكمان قابلتنى مشكلة وقلت اخد رأيكم هل دى مشكلة عامة ولا مشكلة عادية
اولا هبدء بالمشكلة لانه هى الاهم وبعدين هكتب بعض الاستفسارات
انا اشتريت العربية من شهر والمشكلة حاليا فى مية الرداتير
اول ما اشتريت العربية مية الرداتير كان لونها اخضر وفجأة النهاردة بشوف مقياس الزيت لاحظت لون مية الرداتير بقى لونها بنى من الصدافبصراحة معرفش لية بقى لونها بنى ومن فين الصدا دا وبقيت محتار لان العربية جديدة فسئلت ناس صحابى فيهم اللى قلى دا عادى جدا ومفيهوش اى مشكلة وناس قالتلى الموضوع غريب وناس تانية قالتلى فضى المية كلها ونضف مكانها واعبيها مية خضرا وكمان عرفت ان المية الاصلية بتقعد 4 سنين بدون ما تحتاج تغيير
فانا دلوقتى مش عارف اعمل ايه وخايف اروح لاى حد بتاع لداتير يقوم يفتى فيها وانا خايف عالعربية لانها جديدة فانا دلوقتى عايز اعرف هل دى مشكلة فعلا ولا دا عادى مفيهاش مشاكل ولو دى مشكلة ايه هيكون حلها عشان اكون فاهم
واعتذر على الاطالة واتمنى من حضراتكم تفيدونى واعذرونى دى اول تجربة ليا وخايف عالعربية وجزاكم الله كل خير مقدما