بص يا فندم. انا المهندس محمد عبد الجواد . وعندى مركز صيانه . والحمد لله محترفين جدا فى جميع مشاكل الفيرنا.
لكن انا عاوز انصح حضرتك فى حاجه مهمه. الموضوع اللى انت فيه ده مشكله ومش سهله وانت عربية حضرتك موديل 2014 . ولسه فى الضمان.
اوعى تروح عند حد. توكل على الله واطلع على التوكيل . واعمل معاهم مشكله. وخليها مش سهله. علشان انت كده عندك صدأ يا اما فى الغرف او فى الريداتير نفسه . وطبيعى انى عربية حضرتك تفضل سليمه علىالاقل 4 سنوات . واللى انت فيه ده لو ما اشتكتش . وكتبت تقرير فى التوكيل ممكن يحصل فى ناس كتير. ومش كل الناس بيفتحو الكبوت فى العربيات الزيرو.
انا طبعا انت فاهم مصلحه بالنسبه لاصحاب المراكز الخارجيه انك ماتروحش التوكيل .
بس ديه شهاده يحاسبنى عليها ربنا سبحانه وتعالى . لا تترك حقك مع الضمان. ولا تضيع حقك فى تغيير الريداتير. وحتى لو سيقوموا بتغيير الماكينه كامله.
انا عندى 2 فنيين بيشتغلو فى هيونداى فرع قليوب لو محتاج حاجه ممكن اخاليهم يقابلوك هناك .
وبلاش تروح مركز معتمد. اطلع على التوكيل نفسه قليوب او ابو رواش او العبور او القطاميه
دول وبس. وماتسبش حقك حتى لو هاتقدم شكوى للمهندس رؤوف غبور نفسه . اعمل كل حاجه علشان تنهى الموضوع ده . والا هاتلاقى نفسك بتفتح الموتور تعمل جوان وش سلندر اعوذب الله فى اقرب وقت.
اترك اى شئ ورائك واحجز فى اقرب وقت فى التوكيل واجرى على هناك