صديقي العزيز توخي الحذر

**miceg** · 22-03-2014 02:27 AM

السلام عليكم ورحمه الله وبركاته
لدي شركة صغيره ومعي فنيين ومهندسين
وانا مشفق عليهم جداااااااااااااا لما أسمعه منهم
في يوم تم الاعتداء على أحد المهندسين في حادث سرقة بإلاكراه
http://www.nilemotors.net/Nile/388944-a.html
ويوم اخر تم الخروج على ميكروباص في وضح النهار في طريق بلبيس القاهرة
وتثبيت ميكروباص بالكامل بالسلاح وأخذ ممتلكات سائر من كان على متن هذا ألميكروباص
وفقد مهندس اخر غير الذي كان في الحادثة ألاولى مبلغ من المال وموبيله الشخصي .

اخر حادث كان من كام يوم
فني من الفنيين كان بيعمل معاينة فالمعادي
وهو من سكان فيصل وقرر إنه يطلع دائري وبعدين ينزل نزلة البحر ألاعظم ومنها للمنزل
الموضوع كان في الساعه الثامنة مساء
وفي حين الركوب بالميكروباص من عالدائري من مطلع المعادي كورنيش
وجد عصابة كامله بداخل الميكرو باص كان من بينها من يحمل سلاح أبيض (( مطواه ))
واخر يحمل خرطوش واخر يحمل سلاح اّلى وتم شد ألاجزاء لترويع هذا الموظف .
واخذ منه ماله وموبيله اكسبيريا
لما حاول انه يهاودهم حد عوره فرجله الى ان أخرج كل مايملك
وتم نزوله في الطريق بدون مال هو ومن كان معه في نفس الميكروباص

انا مستاء جداااااااااااااا ومش عارف اعمل إيه
الموضوع حصل مع 3 من عندي

الناس دي بتستلم كمان فلوس من العملاء وشيكات وستر ربنا ان الاعتداء مبيحصلش في الوقت ده
توب علينا يارب من اللي بيحصل فالبلد وأشمعنى الحرامية شادة حيلها اليومين دول
انا بقول الساعه 8 مساء وليس 12 ولا 2 بالليل
المهم انا قولت انقل الموضوع عشان الناس تخاف على نفسها وأهل بيتها
دمتم بود

**bmya** · 22-03-2014 02:57 AM

والله الواحد بيبقى ماشي طول الطريق قلقان وبيقول ربنا يسترها الاول كنا بنقول محدش يسافر متأخر دلوقتي بقينا بنقول محدش يسافر اصلا التثبيت بقه ليل ونهار وفي كل الطرق مش المقطوعه بس وكمان جوه البلد تثبيت طيب نعمل ايه
ربنا يسترها معانا جميعا

**تامر.محمد** · 22-03-2014 02:59 AM

البلد مافيهاش شرطة

Sent from my GT-N7000 using Forum Runner

**speed_magnum** · 22-03-2014 03:00 AM

للاسف
اصبح التثبيت والسرقه بالاكراه من لوازم الحياه في مصر
ربنا يسترها معانا ويعمي عنا ولاد الحرام

**ahmedelfeky** · 22-03-2014 03:01 AM

انا نفسي افهم لازه الشرطه ايه دلوقتي يقرفونا مخالفات وخلاص

**saddam** · 22-03-2014 03:27 AM

صديقي المواطن
تحذير ممتاز ونشكرك عليه إلا أنه يزيد حزننا على حال بلدنا ووصلنا مرحلة مش نقضي على المشكلة بقت كل جهودنا متركزة على طرق التعايش معها ونسينا أصل المشكلة
وطبعا من خلال خبرتي مهما حذرت ومهما خدت الناس حذرها فساعة الصدمة لن ينقذك إلا رحمة الله وساعتها هذه الثواني ليست بيدك ستكون تحت وقع الصدمة وكل تصرفاتك غير معلوم ولا متنبئا بها أي بمعنى قدرية
هناك بعض المواقف في السفر الطويل أو الخروج للشارع يعني عندك كذا موبايل وتخصص موبايل أي كلام للخروج والسفر بين اﻷقاليم والهاتف الغالي في البيت ولو مركبتش عربيتك وركبت ميكروباص حط في جيبك مبلغ بسيط وحط باقي فلوسك تحت دواسة الميكروباص لو واخد كرسي أمامي لوحدك وإنت مسافر بين اﻷقاليم بس مش تنزل وتنسى فلوسك وبالنسبة لشركتك وإستلام الفلوس فعشان تتغلب على ضعف نفسيات الموظفين إن كان بهم خونة لتمثيل سرقة عليك فالمركبة تعمل ليها جهاز جي بي إس تراكر ب 1150 جنيه وده ينفعك لو كانت العصابة برانية مش من جوه موظفينك وعشان تضمن فلوسك فحتفصل صندوق صاج قوي جدا وقفل لا يكسر ويركب داخل حوض محرك السيارة وبه فتحة وضع نقود وساعة إستلام موظفك يبلغك العميل أنه تم وضع المال في الصندوق من الفتحة أعلاه بمعرفة موظفك وتاخد منه التمام ولما ترجع العربيات الشركة تفتح الصناديق بنفسك وتعد ملايينك وفيه أفكار كتير غيرها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**miceg** · 22-03-2014 11:42 AM

المشاركة الأصلية كتبت بواسطة saddam

صديقي المواطن
تحذير ممتاز ونشكرك عليه إلا أنه يزيد حزننا على حال بلدنا ووصلنا مرحلة مش نقضي على المشكلة بقت كل جهودنا متركزة على طرق التعايش معها ونسينا أصل المشكلة
وطبعا من خلال خبرتي مهما حذرت ومهما خدت الناس حذرها فساعة الصدمة لن ينقذك إلا رحمة الله وساعتها هذه الثواني ليست بيدك ستكون تحت وقع الصدمة وكل تصرفاتك غير معلوم ولا متنبئا بها أي بمعنى قدرية
هناك بعض المواقف في السفر الطويل أو الخروج للشارع يعني عندك كذا موبايل وتخصص موبايل أي كلام للخروج والسفر بين اﻷقاليم والهاتف الغالي في البيت ولو مركبتش عربيتك وركبت ميكروباص حط في جيبك مبلغ بسيط وحط باقي فلوسك تحت دواسة الميكروباص لو واخد كرسي أمامي لوحدك وإنت مسافر بين اﻷقاليم بس مش تنزل وتنسى فلوسك وبالنسبة لشركتك وإستلام الفلوس فعشان تتغلب على ضعف نفسيات الموظفين إن كان بهم خونة لتمثيل سرقة عليك فالمركبة تعمل ليها جهاز جي بي إس تراكر ب 1150 جنيه وده ينفعك لو كانت العصابة برانية مش من جوه موظفينك وعشان تضمن فلوسك فحتفصل صندوق صاج قوي جدا وقفل لا يكسر ويركب داخل حوض محرك السيارة وبه فتحة وضع نقود وساعة إستلام موظفك يبلغك العميل أنه تم وضع المال في الصندوق من الفتحة أعلاه بمعرفة موظفك وتاخد منه التمام ولما ترجع العربيات الشركة تفتح الصناديق بنفسك وتعد ملايينك وفيه أفكار كتير غيرها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

كلام جميل وموزون من إنسان أجمل
والله ياستاذنا بحاول اشوفلهم عربيات مستعمله صغيره وأساهم معهم بجزء من المال
لكن القدر لا يرحم ماشيا أو راكبااااااااااا
توب علينا يارب من البلد دي