إلى أى مدى كان لفخامة الفلوانس دور فى تنفيذ قرارك بالشراء؟
أهو عمالين بنجدد فى المواضيع علشان نكسر الملل شوية.....
طبعاً قرارك بشراء سيارة جديدة بتحكمه عوامل كتيرة، من أهمها ال budget اللى أنت حطه ليها، قوة الموتور، نوع الفتيس مانيوال و لا أتوماتيك طيب و لو أتوماتيك يبقى DSG و لا أستيب ترونيك و لا CVT...كمية الأوبشنز الموجودة و طبعاً كلنا عايزين أعلى أوبشنز بالفلوس بتاعتنا، أيه الأوبشنز اللى ممكن تتغاضى عنها و أيه اللى مش ممكن، نوع العربية هاتش باك و لا سيدان....و حاجات تانية كتيرة طبعاً و من أهمها و أخطرها على الأطلاق
تشويق
تشويق
رأى المدام طبعاً..........ها حد عنده أعتراض؟؟!! معلش أحنا وحوش فى العربيات فقط أما فى البيت..." خلاص تنزل المرة دى" على رأى الراحل العظيم عبد الفتاح القصرى......
فيه عامل خطير ممكن نكون واخدين بالنا منه أو لأ و لكنه مؤثر جداً و هو أن العربية غير أنها وسيلة أنتقال مريحة لينا و للأسرة و لكنها أيضاً نوع من الوجهاهة الأجتماعية و فيها جزء كبير من التعبير عن شخصيتك....سنك و مركزك الأحتماعى، طبيعة شغلك كمان بيحدد و بشدة نوع العربية اللى بتختارها و مش بس كده..لأ و كمان لونها......
فخامة الفلوانس فيس ليفت لافتة و لا تخطئها العين، ساهم فى ذلك طول قاعدة عجلاتها و الزوائد الجنابية فى الرفارف....من الداخل و مع الأنوار الهادئة و فخامة الصالون، خامات الفرش الداخلى التى تحسها بيدك و شكل المفاتيح، كل هذا أعطى نوع من الفخامة الفرنسية المميزة يشعر و يحس بيها ليس مالك السيارة فقط و لكن كل ضيوفه أيضاً....
تم أضافة شبكة هجومية أماميةو LED مع عدادات ديجيتال و زيادة حليات النيكل...كما تم أضافة ال piano finish فى التابلوه كل هذا جعل الفلوانس فيس ليفت سيارة راقية فخمة مثالية للفئة العمرية من 35 إلى 50 سنة، أسرة بها أطفال متوسطى العمر، مناسبة جداً أنها تكون سيارة Executive أو للمديرين الشباب و طبعاً كلما تم أختيار الغوامق منها كلما كان هذا مناسباً للمديرين، للسن الأعلى أو أن مطلب الفخامة مطلوب جداً منها....
و العكس صحيح، كلما كان أختيار اللون فاتح كلما كان صاحب السيارة يحتاج أن يخفف من حدة هذه الفخامة و يتجه إلى اللمسة الشبابية فى هذه السيارة الرائعة، يريد أن يقول أنه بالرغم من فخامة سيارتى و لكن بداخلى روح شاب يريد أن ينطلق......
أنا واحد من الناس كان هذا الموضوع فى تفكيرى جداً و أثر جداً على أختيارى للفلوانس و لونها...شىء لم أجده فى مثيلاتها من السيارات فى نفس الفئة السعرية...أما وجدتهم شبابيين جداً شكلاً أو أصغر حجماً فزال وقار السيارة......
يا ترى كام واحد بيشاركنى الرأى ده أو حس الأحساس ده و هو بياخد قرار الشراء؟