عاجل .بخصوص شاليهات موسي كوست مصر ايطاليا

**hitman235** · 02-08-2014 06:38 AM

طيب ايه افضل راس سدر ولا العين السخنه

**mfe** · 02-08-2014 06:50 AM

المشاركة الأصلية كتبت بواسطة shiko85

يا باشا انا متشكر جدا جدا جدا على اهتمامك و ردك الوافى
بخصوص المطار فأعتقد انه قريب ان شاء الله و اكيد حضرتك معاك حق ان الأسعار هتزيد جامد
بكرر شكرى و هبدأ ان شاء الله بالترتيب و اشوف الأسعار و هتابع مع حضرتك

اى خدمة ياباشا و لو استقريت على حاجة ادينى خبر لان انا ليه علاقات بحكم العمل مع بعض الشركات المالكة لهذه القرى فممكن اخدمك فى حاجات كتير
نصيحتى انزل يوم كده انت و المدام لو كنت متجوز و خدهم قرية قرية بالترتيب و احكم عليهم بنفسك و لو عايز اى مساعدة قولى

**mfe** · 02-08-2014 07:35 AM

المشاركة الأصلية كتبت بواسطة hitman235

طيب ايه افضل راس سدر ولا العين السخنه

مزايا السخنة
اقرب للقاهرة نصف ساعة سواقة علي الاقل
قري اكتر
الطريق لا يوجد به تفتيش امني شديد و انتظار زي راس سدر
العيوب
حر جدا في الصيف
لا توجد بها مدينة في حالات الطوارئ و اقرب مدينة هي السويس
الناموس بشع
اغلي في السعر بحوالي ٥٠٪ من راس سدر
مزايا راس سدر
بالقرب منك مدينة كاملة فيها كل حاجة من الابرة للصاروخ
الهوا فيها شديد يجعل الحرارة محتملة حتي في عز الصيف
فيها مزارات كتير تتسلي فيها
السعر فيها اقل من السخنة
يوجد بها مشروع المطار الي لو اتنفذ هتبقي زي شارم و الغردقة
عيوب راس سدر
الطريق اطول كتير و النفق بيعطل خاصة الجمعة
مفيهاش اماكن للترفيه كتير زي السخنة
الشواطئ اقل جمالا من السخنة بس مش قاعدة

**shiko85** · 02-08-2014 09:29 AM

المشاركة الأصلية كتبت بواسطة mfe

اى خدمة ياباشا و لو استقريت على حاجة ادينى خبر لان انا ليه علاقات بحكم العمل مع بعض الشركات المالكة لهذه القرى فممكن اخدمك فى حاجات كتير
نصيحتى انزل يوم كده انت و المدام لو كنت متجوز و خدهم قرية قرية بالترتيب و احكم عليهم بنفسك و لو عايز اى مساعدة قولى

لا مش متجوز لسه
اللى حصل ان بابا اشترى فيلا فـ spring land علشان الهدوء بس لما راح اخويا و مراته و اولاده علشان يقضوا اجازه العيد كان الموضوع مش ممتع خالص خصوصا للأولاد لانهم عايزين حمامات سباحه و ملاهى مائيه و مطاعم و هكذا و ده مش متوفر لسه او مش بنفس المستوى المطلوب
و هم متعودين على موسى كوست فالفرق يعتبر كبير بين الـ 2
فا بابا قرر انه يبيع الفيلا او يرجعها للشركه و يشوف حاجه زى موسى كوست
دلوقتى الأختيارات موسى كوست - اميرة سدر (من الصور شايف انها ممتازه) و بعد كده ريفيرا سدر , هوليداى فانتازيا , جولدن بيتش ١ و لابلايا سدر لانى مش لاقى اى معلومات عنها على النت فحاول اروح اشوف على الطبيعه
طيب معلش يا باشا انا عارف انى هتقل عليك لو تقدر تكلم حد معرفه فالأماكن دى و تعرف هل فيه حاجه متاحه خصوصا اميره اكون شاكر لك جدا لان بحكم التجربه المبيعات بتكون شايله حاجات للحبايب معلش يا باشا استحملنى بس المشكله كلها اننا عايزين نشوف حاجه علشان ان شاء ننقل العفش فيها على طول و معنديش خبره بالمكان هناك خالص و الوقت مش سامح انى اروح الف و ادور فا هعتمد على المتاح من معلومات و اكلمهم ان شاء الله و لو حضرتك ساعدتنى بحكم علاقاتك و معارفك اكون شاكر لك جدا

**M.Hosni** · 02-08-2014 10:51 AM

أميرة مفيهاش شاليهات فاضية ، كلها متباعة

يمكن قريب يبدأوا في المرحلة الثانية بس مش أكيد علشلن بقالهم اكتر من سنتين بيفكروا فيها و معملوش حاجة لحد الان

**shiko85** · 02-08-2014 11:12 AM

المشاركة الأصلية كتبت بواسطة M.Hosni

أميرة مفيهاش شاليهات فاضية ، كلها متباعة
يمكن قريب يبدأوا في المرحلة الثانية بس مش أكيد علشلن بقالهم اكتر من سنتين بيفكروا فيها و معملوش حاجة لحد الان

**shiko85** · 02-08-2014 12:02 PM

المشاركة الأصلية كتبت بواسطة m.hosni

أميرة مفيهاش شاليهات فاضية ، كلها متباعة
يمكن قريب يبدأوا في المرحلة الثانية بس مش أكيد علشلن بقالهم اكتر من سنتين بيفكروا فيها و معملوش حاجة لحد الان

حضرتك عندك ارقام التليفونات ؟؟ لانى جبت 5 ارقام و الـ 5 مفيش حد بيرد

**shiko85** · 02-08-2014 12:05 PM

انا سألت فـ بلو لاجون و الأستلام بعد سنه و نص و ده مرفوض طبعا
و سألت فـ ريفيرا 1 & 2 و فيه عدد محدود لكن الكلام مقبول ان شاء الله هروح اشوفها فأقرب وقت
كمان وصلت لقريه اسمها جراند بيتش مش عارف دى المستوى الكام

**egyptawy2010** · 02-08-2014 12:16 PM

طيب هو حضرتك ليه مش بتفكر فى الساحل

السعر ده يجيبلك حاجة كويسة هناك

**shiko85** · 02-08-2014 12:44 PM

المشاركة الأصلية كتبت بواسطة egyptawy2010

طيب هو حضرتك ليه مش بتفكر فى الساحل
السعر ده يجيبلك حاجة كويسة هناك

الساحل بعيد

الموضوع: عاجل .بخصوص شاليهات موسي كوست مصر ايطاليا

LinkBack

أدوات الموضوع

عرض

-

-

-

-

-

-

-

المواضيع المتشابهه

مساعده فى فنادق أو شاليهات فى مرسى مطروح!!

تايم شير او تأجير شاليهات في العين السخنه

شاليه تحفة للبيع بموسى كوست راس سدر

للبيع او الايجار شاليهات بالعين السخنة

حد يعرف حد ليه في بيع و شراء شاليهات الساحل الشمالي

الكلمات الدلالية لهذا الموضوع

المفضلات

المفضلات

ضوابط المشاركة