رحت اغير الزيت فى البنزينه لقيته جاب جهاز الشفط وفتح غطاء الموتور بتاع الزيت ودخل ماسوره طويله علشان تشفط الزيت السؤال هنا هل ده افضل ولا الطريقه التقليديه عن طريق فك الطبه ؟؟
عرض للطباعة
رحت اغير الزيت فى البنزينه لقيته جاب جهاز الشفط وفتح غطاء الموتور بتاع الزيت ودخل ماسوره طويله علشان تشفط الزيت السؤال هنا هل ده افضل ولا الطريقه التقليديه عن طريق فك الطبه ؟؟
زيت الموتور بيتشفط كلة؟!! اول مرة اسمع الحكاية دي!
بنزينة اية دي؟
بنزينه كالتيكس
طيب ما يشفط الزيت من الطبه!!؟ولا مينفعش
دى موجوده من زماااااااااااااات على فكره بس اعتقد انها طريقه مش كويسه للدرجه لانه اكيد بتفضل بعض الشوائب فى القاع
انا بغير كتير في كالتكس وعمري ما شوفت اللي انت بتقول علية دة في تغيير الزيت
احياناً عند اكتشاف كمية من الزيت اكثر من اللازم بيتشفط الزيت لحد ما يوصل لمستواة
لكن شفط الزيت كلة دي اللي مشفتهاش قبل كدة، اكيد رواسب الموجودة بالزيت القديم
هتفضل.
ده جهاز لشفط الزيت عبارة عن تانك من المعدن وله جزء علوى شفاف عليه تدريج باللترات ويعمل بالكهرباء ويدخل ماسورة شفط الزيت الرفيعة من مكان عصا قياس الزيت وليس من فتحة تعبئة الزيت
والحقيقة انا رفضت استخدمها وانا بغير الزيت لانه فى اعتقادى ان نزول الزيت من الطبة بيخرج كامل الزيت والرواسب الثقيلة المترسبة فى الكرتير
دى صور لبعض انواع اجهزة شقط زيت الموتور
http://www.unchang.com/015.jpg
http://images.asia.ru/img/alibaba/ph..._Oil_Drain.jpg
http://www.northstarase.com/upload/20080411064517.jpg
وان كان من الافضل تفريغ الزيت من الطبة لازالة كامل الرواسب وتنظيف الطبة من الرواسب المعدنية من مغنطيس الطبة
http://tsunami.members.winisp.net/bm...ain%20plug.jpg
شكرا يا احمد للتوضيح بالصور
اخوك يوسف
الموضوع ده موجود من زمان جدا. على فكره فيه عربيات مبتغيرش زيت غير كده.. و منها المرسيديس (الزلموكه) و اظن الموديلات اللي بعدها كمان بس مش متأكد. العربيات دي علشان تغير زيت بالطريقه التقليديه لازم تفك التصفيح اللي تحت... يعني شغلانه.
موضوع جميل جدا
شكرا على التوضيح
بالمناسبة انا مره خليتة بفتحلي الطبة بعد ما شفط الزيت كلة لاني كنت متخيل ان اكيد ف جزء و لو بسيط لسة موجود في الكارتيره من الزيت القديم المهم فتحنا الطابة و كانت المفاجأه ان و لا نقطة زيت نزلت و لا نقطة بمعني الكلمة
الطريقة دى موجودة من زمان
هى فعلا بتشفط الزيت كله وكمان الرواسب لان و العربية لسه طافية الموتور الرواسب لاتكون قد ترسبت فعلا و تكون مختلطة بالزيت
وهى مفيدة فى حالات الاستعجال وتوفير الوقت , وبعض الحالات الخاصة كما ذكر احد الاعضاء بالنسبة لسيارات المرسيدس
أنا بفضل الطريقه العاديه علشان أخلص من الرواسب
اللى بعد سوق القنال جسر السويس
الموضوع موجود من زمان فعلا ً
أنا آخر مرة في غيار الزيت قلت أفك الطبة أحسن عشان لو فيه رواسب تنزل - طلع اعتقاد خاطيء- ...
طبعا ً لازم تفك ذراع حديدية موجودة تحت الكارتيرة لحمايتها وبعدين تفك الطبة
الطريقة التانية أسهل كتير ، وتقريبا ً الشفاط ده عند كل الناس دلوقتي
أنا اعتمدت علي طريقة تغيير الزيت بالشفط من بعد ما تلفت الطبة بسبب خطأ العامل بعد غيار الزيت و كنت مسافر بورسعيد و الزيت اتصفي بالكامل لما وصلت بورسعيد و ربنا ستر و الماكنة لم تقفش و من وقتها باغير الزيت بالشفط و هي طريقة ناجحة
انا بغير الزيت بالطريقة التقليدية بس بأكون متابع تركيبها مرة تانية و بقيس الزيت لمدة يومين علشان اتأكد أن مافيش تسريب
أكيد اللي عملوا الطبب دول فاهمين هما عملوها ليه و الا ماكانش يبقي في داعي ليها و كان تغيير الزيت يبقي بالشفط و خلاص:chris:
اصل الطبة دية من زمان انما الشفاط نظام جديد و بعدين ماركة زي مارسيدس يخافوا علي سمعتهم و حاجتهم مكنوش حيعملوا النظام دا و بعدين تغيير الزيت عن طريق فك الطابة حيحتاج متابعة اسبوع بعدها علشان تشوف مستوي الزيت احسن تكون الطابة مش راكبة كويس او فية تسريب لحد ما تتاكد ان كلة تمام
انما الشفاط ممكن تغير و تسافر بعدها عادي
و بالنسبة للرواسب اكيد مش حتلحق تكون اترسبت لان الزيت لسة سخن و ما لحقش حتي يتجمع تحت كلة
و بعدين رواسب اية الي نقلق منها امال الفلتر بيعمل اية ؟
لو الفلتر تمام و ميعاد التغيير مضبوط و زيت نوع كويس و مقاسة تمام مش بينقص يبقي مفيش مشاكل من الرواسب دية خالص
و لا اية ؟
و بعدين احنا نمسك العصاية من النص يعني ممكن كل كام غيار زيت نروح نفتح الطابة و نفضي الزيت منها
طيب عربية زي الاوكتافيا عربية ليها اسمها برضة اكيد ما دام اعتمدوا فيها الطريقة دية زي المرسيدس لتغيير الزيت تبقي الطريقة دية مش سيئة و لا ليها اعراض جانبة او اضرار
تقليدي للابد
شل كده برده عندهم الجهاز بتاع الشفط ده
عملتها في شل شارع الطيران و مصطفى النحاس
انا الطبه عندي من كتر الفتح والقفل فعلا بقت بتسرب يعني انا شايف ان الشفاط ده اضمن
أعتقد الطبة أفضل عشان نزول الزيت كأنه بيغسل جدران أجزاء المحرك من الداخل وياخد معاه أى شوائب
بصراحة انا اول ما فتحت الموضوع ده وشفت الاستطلاع اخترت الاختيار الاول بدون تفكير لاني كنت متخيل ان ده الاسلوب الوحيد المتبع لاني بصراحة مشفتش موضوع الشفط ده قبل كده لكن بعد قراءة اراء الاعضاء المحترمين وبالذات احمد سو وصوره الجميلة اقتنعت فعلا ان الشفط أفضل من الطبة لان الزيت بيكون منتشر في الموتور وبيكون عايز وقت طويل نسبيا علشان يتصفي نت فتحة الطبة وطبعا العامل بيكون مستعجل وبينجز ويقفل الطبة بسرعة ويكون في نسبة زيت قديمة بشوائبها داخل الموتور بينما الشفط اظن انه بيسحب كل الزيت مادام الجهاز قوي الشفط . وطبعا اللي عمل الجهاز ده ادري والله فوقه أعلم .
تقليييييييييييدي
على فكرة طريقة الشفط ديه موجوده من زمان و انا عندى مكتوب فى الكتالوج ان الزيت لازم يتشفط و ده اللى احيانآ بعمله
حقيقى تسلم ahmed_su رد 100 100
طبعا تغيير الزيت من الطبة احسسسسسسسسسسسسسسن مية مرة علشا لو ى اى رواسب تنزل لكن كدة ممكن الالة مش تشفط كل الزيت القديم ورواسبة ؟
السلام عليكم
بالنسبة للاخوة الذين جربوا الشفط ... ماهى كمية الزيت التى تم شفطها؟ وهل هناك نقص أم لا ؟
لاننى كنت قد اثرت هذا الموضوع من قبل 30-8-2008 وتلقيت بعض الردود
برجاء زيارة الرابط التالى
http://www.nilemotors.net/Nile/showthread.php?t=36910
وفى انتظار افاداتكم مع جزيل شكرى مقدما
طيب ازاي بيكون في رواسب في الزيت وهوا في فلتر زيت عشان الموضوع ده
ارجو الافادة
ملحق السيارات بأهرام الجمعة يوم 14 نوفمبر 2008 فيما ذكر ضمن موضوع (العلاقة بين السوائل و لونها و صوت المحرك)
يذكر المهندس محمد حمزة أن أفضل طريقة لتغيير الزيت هى عن طريق ماكينة سحب الزيت و تجنب الطريقة التقليدية التى تعتمد على فك طبة الزيت لأسباب يطول شرحها
أرجو من السيد المهندس محمد حمزة إذا كان من المتابعين للمنتدى أن شرح لنا تلك الأسباب بالتفصيل
موجود الشفط من زمان
وأسمه المشهور
ووممكن تكونو شوفتوه قبل كده
(غيار زيت سريع)
فعلا الرواسب الثقيلة كلها بتبقى في الأسفل، فالأفضل إن الطبة تتفك