استشاره و فضفضة ف نفس الوقت

**speed_magnum** · 23-03-2014 03:15 AM

اقلك انا على الخلاصه
مبدئيا لازم تفهم ان مالا يؤخذ كله لا يترك كله ..
انت تبدأ الكلام مع والدك بانك محتاج العربيه وانك حاسس انك اقل من اصحابك اللي معاك وان الاحساس دا مدايقك دا غير تعب المواصلات
تبدا الاول بانك محتاجها مرة كل اسبوع وتختار يوم يكون عندك كورسات فيه وهتتاخر علشان تظبط الدور
ممكن ما يرضاش يديهالك من اول مرة
قعدتين من دول على كلمتين منك انك عارف هو تعب في فلوس العربيه ازاي وانك هتحافظ عليها .وهتسوق براحتك. ولازم تطمنه انك هتركنها في مكان امين
مرتين بالظبط وهتلاقي العربيه معاك يوم في الاسبوع
ولو عرفت تاخدها يوم اكيد مع الوقت هتاخدها كل يوم
وحافظ على عربيتك وما تخليش حد يسوقها غيرك لان مالك هو اللي هينفعك

**shiko85** · 23-03-2014 08:37 AM

نفس الكلام حصل معايا
بابا كان مسافر و بيرجع اسبوع كل شهر او شهرين والعربيه كانت مركونه فالجراج بس الفرق ان انا ليا اخ كبير و طبعا كان سبب الرفض المعلن ان مين اللى هيسوق العربيه
و فضلنا فتره طويله كده و كل ما نتكلم فالموضوع كان الرد ان شاء الله تشترى عربيه ليك طبعا كنا بنقول ما فيه عربيه مركونه ما نمشى بيها و خلاص
لما اخويا خلص الكليه و اشتغل جمع مبلغ و خد قرض علشان يشترى عربيه لان الشغل بعيد و مفيش مواصلات غير تاكسى فا كان هيدفع فلوس على المرتب علشان يكفى التاكسى
المهم بعد ما جمع الفلوس كان فاضل مبلغ كبير علشان يجيب عربيه جديده مش مستعمله و على الأقل فيها تكييف بابا اداله الفلوس دى و قاله انا مش عايزهم منك دلوقتى و ادفعهم براحتك و المبلغ ده كان تقريبا نص تمن العربيه و فضلت انا من غير عربيه لحد ما اخويا اشترى عربية بابا و خدت انا عربية اخويا و انا كنت فالكليه و دفعت فيها كل الفلوس اللى كنت محوشها (مبلغ خايب كده) و بابا دفع باقى تمن العربيه لأخويا بس ساعتها انا فهمت هو عمل كده ليه و افتكرت لما كان بيقولى بكره تشترى عربيه من فلوسك كنت بقول هو انا هجيب الفلوس منين !!! كان بيقولى حتى لو هتدفع جنيه و انا اكملك الباقى و بجد احساس مختلف انا حاسيت انه عنده حق فده
انا عايز اقولك ان اى اب و ام بيحبوا ولادهم و بيخافوا عليهم جدا و اولادهم اغلى عندهم من الدنيا كلها
بس حاول تتكلم معاه تانى علشان انت هتحتاج عربيه فالمشروع

**eng.salama93** · 23-03-2014 02:11 PM

المشاركة الأصلية كتبت بواسطة speed_magnum

اقلك انا على الخلاصه
مبدئيا لازم تفهم ان مالا يؤخذ كله لا يترك كله ..
انت تبدأ الكلام مع والدك بانك محتاج العربيه وانك حاسس انك اقل من اصحابك اللي معاك وان الاحساس دا مدايقك دا غير تعب المواصلات
تبدا الاول بانك محتاجها مرة كل اسبوع وتختار يوم يكون عندك كورسات فيه وهتتاخر علشان تظبط الدور
ممكن ما يرضاش يديهالك من اول مرة
قعدتين من دول على كلمتين منك انك عارف هو تعب في فلوس العربيه ازاي وانك هتحافظ عليها .وهتسوق براحتك. ولازم تطمنه انك هتركنها في مكان امين
مرتين بالظبط وهتلاقي العربيه معاك يوم في الاسبوع
ولو عرفت تاخدها يوم اكيد مع الوقت هتاخدها كل يوم
وحافظ على عربيتك وما تخليش حد يسوقها غيرك لان مالك هو اللي هينفعك

هو دا حصل للأسف و حاولت معاه برضو بس موضوع اقل من اصحابك دي هو مش مقتنع بيها ولا انا اقدر اتكلم معاه فيها لأنه بيقولي و الناس اللي معندهاش عربيات ؟ و الناس اللي مش قادره تشتري تعمل ايه !! خليك زيهم
و حاولت معاه ف موضوع المره ف الأسبوع دا او حتي ف المواقف المهمه جدا و مبيرضاش برضو
موضوع الفلوس و التعب انا بشقي من زمان و هو معلمني قيمة القرش كويس و كنت بشتغل من و انا صغير جدا حتي ولو صبي ميكانيكي

**eng.salama93** · 23-03-2014 02:11 PM

المشاركة الأصلية كتبت بواسطة samehafez

اولا ... تحية خاصة عشان هندسة شبرا ... اخوك دفعة 2002 ...ثانيا فيه حاجات بتيجي في دماغ الاباء عمرها ماهتخطر في بال الابناء .. وصعب انه يشرحهالك ... و حتي لو شرحهالك ... مش هتفهمها ...

اكيد والدك شايف حاجة انت مش شايفها علي فكرة الموضوع بالنسبة لوالدك مش العربية .. ممكن هو شايف انك لازم تمر بظروف معينة و تجارب معينة عشان تتعلم حاجة
و الايام هتثبتلك انه كان علي حق
فيه حاجات كدة عمر الواحد مننا ما هيفهمها من ابوه الا لما هو شخصيا يبقي اب

دا اللي انا بقوله لنفسي

**eng.salama93** · 23-03-2014 02:13 PM

المشاركة الأصلية كتبت بواسطة shiko85

نفس الكلام حصل معايا
بابا كان مسافر و بيرجع اسبوع كل شهر او شهرين والعربيه كانت مركونه فالجراج بس الفرق ان انا ليا اخ كبير و طبعا كان سبب الرفض المعلن ان مين اللى هيسوق العربيه
و فضلنا فتره طويله كده و كل ما نتكلم فالموضوع كان الرد ان شاء الله تشترى عربيه ليك طبعا كنا بنقول ما فيه عربيه مركونه ما نمشى بيها و خلاص
لما اخويا خلص الكليه و اشتغل جمع مبلغ و خد قرض علشان يشترى عربيه لان الشغل بعيد و مفيش مواصلات غير تاكسى فا كان هيدفع فلوس على المرتب علشان يكفى التاكسى
المهم بعد ما جمع الفلوس كان فاضل مبلغ كبير علشان يجيب عربيه جديده مش مستعمله و على الأقل فيها تكييف بابا اداله الفلوس دى و قاله انا مش عايزهم منك دلوقتى و ادفعهم براحتك و المبلغ ده كان تقريبا نص تمن العربيه و فضلت انا من غير عربيه لحد ما اخويا اشترى عربية بابا و خدت انا عربية اخويا و انا كنت فالكليه و دفعت فيها كل الفلوس اللى كنت محوشها (مبلغ خايب كده) و بابا دفع باقى تمن العربيه لأخويا بس ساعتها انا فهمت هو عمل كده ليه و افتكرت لما كان بيقولى بكره تشترى عربيه من فلوسك كنت بقول هو انا هجيب الفلوس منين !!! كان بيقولى حتى لو هتدفع جنيه و انا اكملك الباقى و بجد احساس مختلف انا حاسيت انه عنده حق فده
انا عايز اقولك ان اى اب و ام بيحبوا ولادهم و بيخافوا عليهم جدا و اولادهم اغلى عندهم من الدنيا كلها
بس حاول تتكلم معاه تانى علشان انت هتحتاج عربيه فالمشروع

يامسهل الحال يارب .. هفوت شوية وقت و هحاول معاه
بس المشكلة انه بيقولي و زمايلك اللي معندهمش عربيات !! خليك زيك زيهم
مع ان العربية بتاعتي انا هو مبيركبهاش اساسا و جايبها عشاني المفروض و بطل يركب عربيات من زمان
و كان هيجيبلي زيرو اول ما دخلت الكلية بس النصيب بقي