أرجوا المساعده يا أهل الخبره فى السبارك 2008

**Eng.Mohamed Amen** · 04-10-2008 02:03 AM

بسم الله الرحمن الرحيم

أخوانى الأعزاء أهل المنتدى وأهل الخبره .

الشيفورليه سبارك اللى معايا لما 3 يقعدوا على الكنبه وواحد قدام العربيه بتحك وبتتخبط

وتترزع فى المطبات وبيحصل رزع جامد قوى وصوت إحتكاك فظيع بحاول أتفادى المطبات

ومفيش فايده . أنا مش عارف أعمل إيه علشان أحل الموضوع ده أرجوا من الإخوه الأعضاء والخبراء إنصحونى على الحل ربنا يباركلكم .

أرجوا الإفاده وجزاكم الله خيرا

**Eng.Mohamed Amen** · 05-10-2008 02:23 PM

إيه يا جماعه محدش عايز يرد عليا ليه

05-10-2008 02:34 PM

مقاس الكاوتش كام ؟؟
الاحتكاك اسفل العربيه (فى المطبات الصناعية)؟؟
الاحتكاك فى كارتيرات الرفارف (تجويف الرفرف) فى مطبات الهوا ؟؟
العربية فى الضمان ؟؟؟

**أبو عبدالله** · 05-10-2008 03:16 PM

هو المفروض ان بيبقى في جلد داخل السوست بتاعت العربيه
بحيث ان العربيه لو نزلت لأقل ارتفاع لها الكاوتش ده بيوقفها عن حد معين علشان متحكش كده
فمش عارف مش عندك ولا ايه

عالعموم ياريت توضيح اكتر مكان الحك فين ومقاسات الكاوتش والجنط

**Eng.Mohamed Amen** · 08-10-2008 05:41 PM

إخوانى الأعزاء آسف على التأخير فى الرد عليكم

أخى الفاضل

مقاس الكاوتش 15 ومكتوب على عتب الباب اللى جنب السواق 0

سبب الإحتكاك المطبات الصناعيه من نوع خرسانه مش حديد والمطبات موجوده

لما بسافر من القاهره إلى محافظه الشرقيه 0 والخبطات والإحتكاك فى وسط العربيه

بالنسبه للكرتيرات اللى قدام مابتحكش خالص ولا حتى الدلايات 0

العربيه أكيد طبعا فى الضمان أنا جايبها من 3 شهور ونص والضمان بتاعها 3سنين

أو 60.000 كيلو 0

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــ

أخى الفاضل أبو عبد الله .معنديش معلومات عن الجلد بتاع السوست ده وبمعنى أصح

معنديش فكره عن أى معالجه مشاكل فى العربيه علشان أنا لسه جديد ودى أول عربيه أشتريها .وشكرا