موقف حصل معايا بالامس و عايز أعرف هل أنا صح و لا غلط ؟
الاخوة و الاخوات الكرام / أعضاء نايل موتورز
أسعد الله يومكم بكل الخير ....
ووقانا ووقاكم من شر الطريق و شر أنفسنا و أعمالنا
------------------
موقف حصل معايا أمبارح و عايز اخد رأيكم فيه
الموقف بتوضحه الصورة التالية :
زي ماحضراتكم شايفين ده طريق أربع حارات و السرعة القصوي 90 كم/س و في نهايته مطب صناعي عريض (المظلل باللون البرتقالي)
- العربية رقم (1) فجأة هدت سرعتها لدرجة أنها تكاد أن تتوقف قبل المطب بمسافة تزيد عن 20 متر من المطب
- أنا كنت في العربية رقم (2) و ماشي بسرعة الطريق 90 كم/س و فجأة وجدت السيارة التي أمامي (رقم 1) بتتوقف
نظرت في المراية الشمال وجدت السيارة رقم (3) قادمة بسرعة (حوالي 100 كم/س) في الحارة التي علي يساري مباشرة
ياتري ماهو التصرف الصحيح و القانوني في هذه الحالة لكلا من قائدي السيارتين (2 و 3) ؟
عايز اعرف رأيكوا علشان أشوف أنا تصرفي كان سليم و لا لأ ؟
** ملحوظة مهمة جدا : نسيت أقول ان الحارة اليمين (أول حارة) مقفولة بحواجز لوجود أعمال ترميم و اشغال بالطريق