الموضوع: جديد فى السواقه يجيب زيرو ولا مستعمل

هو تقريبا هيأمن عليها تأمين شامل

انا لسه متعلم سواقه جديد وبفكر اتكل على الله واجيب زيرو وربك يسترها ياما ناس حريفه سواقه وعربياتهم اتخبطت واتجرحت

مستعمل مانيول وهقولك ليه؟ مستعمل لان اغلب الزيرو قطع غياره الخارجية غالية علي مايتعلم هيكون صرف قد تمن العربية (لو ناوي علي حاجة من الكوري الجديد) ومانيول لانه لو اتعلم علي اوتوماتيك وسواء لظرف او باارادته حب يسوق بعد كده مانيول ومن اول مره هتبطل منه هيفقد الثقه ف نفسه وهيقفل من السواقه فانا رايي لو الميزانية تجيب لانوس ولا فيرنا مكنتش ماروتي او التو

يجيب حاجه مستعمله حالتها كويسه و سهله في البيع يتعلم عليها و بعد كده يبيعها بعد سنه و لا اتنين و يجيب زيرو لو عايز. الموضوع مش علشان الخبطات و الحكات فقط و لكن علشان رجله تاخد علي العربيه و يعرف يتعامل مضبوط مع الفرامل و الدبرياج و حتي البنزين و الا هيلاقي العربيه الزيرو بتتبهدل منه بالذات في الاول و هي المفروض بتلين و هو بيقرص عليها او بينسي ينقل او بيدوس فرامل زياده عن اللزوم فالتيل بيتاكل بسرعه و شويه و يدخل علي الطنابير و قطع غيار الزيرو اكيد هتبقي أغلي من المستعمل اللي موديله اقدم و حاجاته منتشره في كل حته. كل ده طبعا غير الخبطات و الخرابيش نتيجه عدم التقدير الصحيح للمسافات و اللي بيبقي امر طبيعي لأي حد لسه بيتعلم. كمان نقطه مهمه لما بتبقي بتتعلم علي عربيه مستعمله ده بيقلل توترك كتير عن لو كانت العربيه زيرو و خايف عليها

ما هو هيكون اكيد خايف عشان كده عايز يامن عليها تامين شامل و بالنسبه للمستعمل ناس كتير حذرته عشان المستعمل هتعطل و هتقرفه و هتكره فى حياته