الموضوع: تحذير من كورولا 2014

المشاركة الأصلية كتبت بواسطة mohamed.hany

استاذ محمد منورنا و نفسي مشاركاتك في قسم تويوتا تزيد عن كدة لنستفيد من خبرتك.

العربية منخفضة لو طرقك مطبات اهالي سيئة بس ليها حل انك تظبط الكاوتش زي مامكتوب علي قايم العربية 34 امامي و 38 خلفي.
موضوع الارتفاع المتعدل ناس كتييييييييير استلمو و اتكلمو في الموضوع ده و اكدو ان خلاص مفيش حك في المطبات نهائيا .
و في واحد معاه العربيتين واحدة قبل التعديل وواحدة بعد و قال رأيه بصراحة و قال ان في فرق شاسع بالتجربة في نفس المطبات السيئة اللي كان بيحك فيها.
وواحد تاني كان معاه العربية قبل التعديل و باعها و مكنش عارف موضوع التعديل و بعدها اشتراها معدلة و اتكلم علي مغامراته مع المطبات و ازاي بقي بكل تهور و اندفاع بيدخل علي المطب مش بيهمه.
و اوعدك بعد مالتعديل يطبق علي العربيات القديمة هكون عاملك تقرير متين و اقولك الاخبار ايه , رغم اني مش متضايق من ارتفاعها .

فعلا اكيد ضغط الاطارات حيفرق كتير, الصراحة انا لسه مظبطش الضغط اللى مكتوب فى كتيب السيارة, و انا اجازتى اللى جايه ان شاء الله اظبته,
وربنا يكرم والتوكيل يعرف يعدل الارتفاع من غير ما يبوظ حاجة فى ثبات العربية, اصل المشكلة انك مش حتعرف تقف على اديهم وتعرف هم بيعملوا ايه, و حيقلك اتفضل ارتاح ولما عربيتك تخلص حنادى عليك.

المشاركة الأصلية كتبت بواسطة Mohamed.Hany

انا بأكدلك لو عملت الكاوتش زي مبيقول المانيوال هتستريح.
بالنسبة للتعديل حبة معلومات هتفرحك شوية :

1. التوكيل مش هيبوظ الثبات لانه مش هيحط علايات, ده هيغير اجزاء كاملة من العفشة و هي المساعدين و السوست و اجزاء اخري بتنزل ف العربية الخليجي اللي ارتفاعها 15.5 سم يعني مجرب قبل كدة في الثبات مش حاجة كدة و السلام .

2. و ليه متقفش علي ايديهم , ما حضرتك بيبقي في شاشات قدامك بتبقي قاعد قدامها و شايف عربيتك و انت في التكيف و قاعد علي النت و بتشرب النيسكافيه بتاعك .

3. معلومة يمكن متعرفهاش برضو ان تويوتا اليابان وافقت علي التعديل يعني ينفع التعديل 100% و بدون مشاكل اللي بيتعمل في المصنع هناك هيتعمل هنا , طيب ايه اللي يضمنلي انهم يعملوه تمام ؟ ان في مهندسين مختصين من اليابان هيجو يعملو التعديل علي كذا عربية بنفسهم في حضور المهندسين و الفنيين المصريين عشان يعرفو بيتعمل ازاي و بعد كدة يبقوا مؤهلين للتعديل و هو مش حاجة يعني ممكن اي صنايعي عفشجي يعملو في ساعة زمن متقلقش خالص .

و بصراحة كتر خيرهم انهم بيعملو التعديل مجاني و علي سرعة استجابتهم , توكيل تاني ولا كان سأل فينا خصوصا انه مش مواجه مشاكل في البيع لأن الجديد متعدل خلاص .

يا ريت يحصل كدة, , كدة يبقى ميه ميهنايل موتورز - NileMotors.net[1].gif

الارتفاع بعد التعديل بقى 15.5 او حتى لو 15 او 14.5 اعتقد بردو انو مناسب جدا

دى صورة كان منزلها العضو المحترم iUsef لعربيتين واحد قبل التعديل و واحدة بعد التعديل

هو الراجل أنا معاه إنه يتضايق من موضوع الإرتفاع عن الأرض لأنه ضايق واحد صاحبي كان من أوائل اللي أشتروا العربيه دي في مصر ..
لكن أنا دخلت أعلق علي نقطه واحده بس .. " لم أجد من ينصحني عند الشراء " !!
أنا متأكد إن حضرتك ساعتها مكنتش علي نايل موتورز يوم ما فكرت في العربيه بتاعتي الحاليه كنت محتار ما بينها و ما بين الأسترا .. دخلت و الناس مشكورين جميعا ساعدوني ..
و قلبي عندك و أتمني تعدل العربيه بما يناسبك و يخليك مرتاح البال و الخاطر :)

و حقيقي حركه محترمه جدا موضوع إستدعاء تويوتا إيجبت للعربيات لتعديلها .. لكن هي مجبره علي كده .. لأنها المفروض كانت تنزل متعدله أساسا .. أنا بنزل العربيه بما يناسب طرقي و حاجتي في البلد ..
و هي طالما عرفت كده يبقي عرفت إنه بيضايق الناس ..