افضل زيت فتيس كوردوبا 2006

**koka77** · 24-03-2014 09:45 AM

العربية اتوماتيك 1400 سي سي 2006
عايز اغير زيت الفتيس
هو اولا احمر ولا ابيض
ثانيا اغير الفلتر ولا لا في ناس بتقول الفلتر لما بيتغير بتاع الفتيس ممكن يخلي الفتيس يبوظ
رجاء الرد
والف شكر ليكو
جزاكم الله كل خير

**ehab_mansour** · 24-03-2014 10:06 AM

مبدئيا لا تشتري الزيت و الفلتر اوريجينال اصلي و حط تحت الكلمتين دول سبعين خط عشان تحافظ علي الفتيس بأدائه و حالته كويسه دون مشاكل و اتمني اعرف منك كود الموتور بالفتيس يكون افضل عشان البحث يكون سليم او علي الاقل شوية تفاصيل عن الموتور و الفتيس زي ... كود الموتور - كام حصان - سعته اللترية - فتيس 4 ولا 6 غير - ستيب ترونيك ولا عادي ... اي تفاصيل و ربنا يكرم ان شاء الله

**ehab_mansour** · 24-03-2014 10:37 AM

المشاركة الأصلية كتبت بواسطة koka77

اجيب منين الكود والتفاصيل ده
وهو فتيس عادي 4 سرعات
الموتور 1400 سي سي

حضرتك لو عندك كاتالوج العربية هتلاقي فيه صفحه في اوله بأكود كل شيء في العربية ممكن تصورها و ترفعها و انا هعرف منها كل حاجه

لو معندكش كود الموتور بيكون موجود علي استيكر ورق ملزوق علي غطاء سير الكاتينة للمحرك او موجود بجانب رقم الموتور اللي مكتوب في الرخصة و دول محفورين في مكان علي بلوكة الموتور و غالبا بيكون تحت شجرة المياة و هو عبارة عن ثلاث احرف انجليزي قبل رقم الموتور

كود الفتيس محفور ايضا علي الفتيس لكن فين محتاج انك تدور كويس لأني معرفش فين في الاوتوماتيك و لو معرفتش قلي هو كام غيار لأن غيارات الاوتوماتيك بتبان مع السواقة و بتحس بيها في السواقة مع تغير صوت و عدد لفات المحرك مع كل غيار

و بالتوفيق لك و للجميع