هقدم شكوى فى جهاز حمايه المستهلك ، فاستفسار ؟
انا كنت كاتب مشكلتى فى كذا موضوع حسب تسلسل الاحداث فهختصر ليكم المشكله على قد ما اقدر :
كنت شارى جوك زيرو من اول اول ما جبتها و حسيت فيها بشويه حاجات اول حاجه كانت خبط جوه الدريكسيون عند النقر او مطب غير مستوى و كان خبط بسيط بس محسوس المهم انا قولت دى حاجات هتظظبط مع صيانه ال ١٠٠٠ كيلو ممكن ولما اروح هقولهم عليها ، عملت الصيانه عند اوتو ايجيبت و قولت للمهندس عن المشكله دى و كذا حاجه تانيه كده ذى مثلا لما العربيه تبقى على البى بحس برعشه خفيفه فى العربيه ، قالى بالنسبه للمشكله الاولى هتبقى ترصيص قولتله اظن مش ترصيص علشان الى بيحصل ده على حد علمى مش شئ فى الترصيص المهم قولت يمكن اهو هو برده توكيل الصيانه و هيفهم احسن منى و بالنسبه للمشكله التلنيه طلع يشوفها معايا بره قالى مش حاسس بيها قولته وانا حاسس بيها المهم قالى هتدخل الصيانه و نشوف العربيه طبعا طلعت ذى ما دخلت فى الاول محستيش بالخبط ده بس حسيت بعدها مثلا ب ٣ ساعات بعد ما مشيت ، المهم جيت سالت هنا فى المنتدى فقلولى ده اسمه نقر فى عمود الدريكسيون ، قولت تمام وانا بعمل صيانه ال ٥٠٠٠ اقولهم ، روحت صيانه ال ٥٠٠٠ قولتلهم انا جيت و قولتكم على المشكله و حلتوها غلط و لما سالت الناس قالولى ده نقر فى عمود الدريكسيون ، فمهندس الاستقبال قالى تمام هتدخل الفحص و نشوف و نقولك ، المهم بعد ما خلصت الصيانه المهندس قالى ده قطمه الدريكسيون عايزه تتغير و هيا مش موجوده عندنا و هنطلب نجيبها من بره قولتله ماشى ، عند صيانه ال ١٠٠٠٠ كانت القطعه وصلت روحت اعمل الصيانه و اغير قطمه الدريكسيون ، بعد ما العربيه خرجت من الصيانه المهندس قالى ان قطمه الدريكسيون لما راحوا يغيروحها لاقوها مش رامبه على العربيه قولتله ازاى يعنى مش راكبه على العربيه قالى معرفش هو كل قطعه ليها بارت نمبر بنبعت بيه تجلنا القطعه و هيا مش راكبه العربيه فاحنا هنبعت تلنى نجبلك القطعه بس برقم شاسيه عربيتك و معلشى و مش عارف ايه و كلام من ده و قالى تابع مع المصنع برده قولتله طيب ، بعدها باسبوعين كده قولت اتصل على المصنع الى هو على ١٦٢٤٤ اشوف وصلوا لفين كلمتهم و قالولى ان حد من الشكاوى هيتصل بيك النهرده و فعلا كلمنى واحد من قسم الشكاوى و و عملت شكوى و قالى ان الاداره هتتصل بيا فى خلال ٣ ايام تحللى مشكلتى ، فات ال ٣ ايام و محدش اتصل بيا فى اليوم الخامس اتصلت بيهم قولتلهم انا محدش كلمنى و المفروض كنتوا هتتلصوا بيا بعد ٣ ايام قالولى هنتصل بيك يا انفدم تانى النهرده و نقولك المهم اتصلوا بيا تانى بوم حاجه كده و قالولى ان الاداره هتبقى تتصل بيك تحدد معاك ميعاد تقواك القطعه هتيجى امتى فقولتهم ايوه يعنى هيتصلوا بيا امتى فى حدود قد ابه قالولى الاسبوع ده او الاسبوع الجاى ، فات اسبوعين و محدش كلمنى اتصلت بيهم قالولى حد كن قسم الشكاوى هيكلمك النهرده و محدش اتصل بيا و كلمتهم تانى يوم قالولى ان حد من قسم الشكاوى هيتصل بيك و محدش برده اتصل بيا كنا يوم الخميس ، كلمتهم تالت مره يوم الحد قالولى هبتصلوا بيك حالا النهرده ، و المره دى اتصلوا بيا فعلا -حاسس انى بشحت منهم- المهم قالولى ان القطعه و صلت المصنع و هيبعتوها الاسبوع ده فى اوتو ايجيبت و هيتصلوا بيك يحددوا معاك ميعاد قولتلهم طيب لو متصلوش بيا اعمل ايه فقلولى لا لا يا فندم اكيد هيتصلوا بيك قلولتهم معلش فرضا متصلوش بيا اعمل ايه راحوا قالولى لو متصلوش بيك كلمهم انت يوم الاربع ولو فيه حاجه ابقى اتصل بينا قولتلهم ماشى شكرا ، و طبعا محدش اتصل بيا روحت مكلم اوتو ايجيبت يوم الاربع فادونى تيلفون مهندس اتصل بيه اقوله وهو هيوجهنى اعمل ايه ، اتصلت بيه و قولتله الحكايه قالى هراجع قسم قطع الغيار اشوف القطعه و اكلمك قولتله ماشى شكرا ، فات ساعه و نص و متصلش بيا قمت انا متصل بيه قالى ابه ده هو المهندس محمود متصلش بيك -مهندس محمود ده الى كنت عامل معاه صيانه ال١٠٠٠٠ و احين حد اتعاملت معاه هناك- المهم قولتله لا متصلش بيا انا معايا رقمه اتصل بيه ؟ قالى لا لا اقفل و هو هيتصل بيك حالا على طول قولتله طيب ، بعده بنص ساعه كلمنى نفس المهندس ده مش المهندس محمود و قالى يا فندم القطعه موجوده بس مش بتاعتك دى مبعوته على رقم شاسيه تانى قولتله ازاى اذا كان فى المصنع هما الى قايلين ليا انها بتاعتى قالى يا افندم ده الى مكتوب عندى انها برقم شاسيه عربيه تانيه مش رقم شاسيه عربيتك المهم قفلت معاه و كلمت المصنع و قولتلهم ان فى اوتو ايجيبت بيقولولى انها مش القطعه بتاعتى و انها مبعوته على رقم شاسيه تانى قالولى لا ازاى انت مقولتلهمش طيب رقم الشكوى بتاعتك قولتلهم ان انا قولت لاوتو ايجيبت رفم الشكوى بتاعتى و قالولى ان مفيش حاجه عندهم برقم الشكوى ده ، فبتوع قسم الشكاوى فى المصنع او الكول سنتر بتاع نيسان قالولى طيب يا فندم هنتصل بيك بكره الى هو يوم الخميس او الحد بالكتير نقولك الموضوع فيه ايه ! قمت متثلش بمهندس محمود بتاع اوتو ايجيبت اقوله برده يمكن يكون عارف حاجه قالى هراجع قسم قطع الغيار و اقولك اتصل بيا بعدها بربع ساعه و قالى فعلا القطعه مش مبعوته على رقم الشاسيه بتاعك و مبعوته على رقم شاسيه تانى ، فات الجميس و الحد محدش كلمنى اتصلت بيهم يوم الاتنين قالولى قسم الشكاوى هيتصل بيك النهرده و محدش اتصل بيا برده يوم التلات الصبح قسم الشكاوى اتصل بيا و قالى يا فندم احنا هنبعت اننا نجيب القطعه بايرع وقت ممكن و هنجبها فى اقرب وفت و كلام فارغ من ده كالعاده ، قولتلهم انا ليه هستنى اكتر من كده ؟ انا بقالى ٨ شهور العربيه بايظه و عامله ١٥٠٠٠٠ كيلو وهيا بايظه انا هعمل شكوى فى جهاز حمايه المستهلك و انهم بجبركوا على تغيير العربيه و يحولوكوا للنيابه بتهمه الغش التجارى راحت ردت عليها و قالتى ماشى يا فندم قولتها ماشى شكرا سلام ، الكلام ده كان الاسبوع الى فات ، بصراحه ايتغربت من رد فعلها انه عادى كده ههههههه المهم بحكى لاصاحبى قالولى متعملش شكوى فى جهاز حمايه المستهلك لانهم فى نيسان هيضايقوك اكتر و ممكن يعندوا و ياخروك اكتر من كده بكتير فى حل العربيه و ان جهاز حمايه المستهلك لما بيعتلهم هيقولوا فى نيسان اننا بنحاول نحلها اهو بس هيا مساله وقت و بتاع و يعدوا ياخروا فى الحل و ان الصح انى اطلع على المصنع الى هو فيه الكول سنتر و اداره نيسان و اقولهم حلولى المشكله و اروح اكلمهم عندهم و بلاش حكايه التيلفون و كده و. جهاز حمايه المستهلك
فانا دلوقتى مش عارف ايه اروح بكره لمصنع نيسان ولا اروح بكره اعمل شكوى فى جهاز حمايه المستهلك خصوصا انى بقيت شبه متاكد ان العفشه بقى فيها حاجات باظت بسبب قطمه الدريكسيون لانها بقت بترج كل العربيه على اتفه حاجه العربيه بتدوس عليها و بقت العربيه كلها سايبه فى بعض ، يعنى جهاز حمايه المستهلك ممكن يحلى المشكله الى بقت اكتر من انها قطمه دريكسيون ده غير ان الرعشه بتاعت الماتور لسه موجوده برده وهو الجهاز حمايه المستهلك اقصى شئ ممكن يعمله ايه ؟ ولا اروح لاداره نيسان الى فاهمه انها مشكله قطمه دريكسبون يس و ممكن لا قدر الله اكتشف ان بقى فيه حاجه فى العقشه ؟
اخر حاجه عايز عنوان مصنع نيسان الى هو فيه الاداره ؟
و عنوان جهاز حمايه المستهلك ؟
شكرا و معلش طولت عليكوا :)
