استفسار عن القشقاى ضرورى جدا
الاخوة الاعزاء ،،،،
انا حاجز قشقاى بقالى شهرين ونص والمفروض استلمها خلال الاسبوع المقبل حسب كلام مودرن موتورز. المهم آخر مرة وانا بتابع مع رجل المبيعات للسؤال عن ميعاد الاستلام اكد لى انه الاسبوع القادم وقالى "انت حظك حلو علشان دى آخر دفعة قشقاى جاية والشركة مش هتنتجها تانى"!!!! قولتله يعنى هتنزلوا الشكل الجديد؟؟؟ قالى "لأ دول مش هيجيبوا قشقاى خالص واحنا بنحاول نقنع الشركة الام انها عربية شغالة فى مصر كويس ومينفعش تقف"!!!
بصراحة انا اتصدمت من الكلام ده لأن كده بالنسبالى مش ميزة و لا حاجة ولو الموضوع ده صح انا مش هيجيبها وهفكر فى حاجة تانية.
ياريت يا جماعة تفيدونى لو حد سمع الكلام ده وتقولوا رأيكم لأن انا بصراحة محتار ومش لاقى سبب ان الراجل بتاع مودرن موتورز يقول الكلام ده ليه؟؟!