اقتباس المشاركة الأصلية كتبت بواسطة شادى عبدالمنعم مشاهدة المشاركة
شوف يا استاذ طارق كل الحدوته ان المصنع اللى بينتج القشقاى فى انجلترا خفض انتاج الشكل القديم تمهيدا ﻻيقاف انتاجه لهذا الشكل وبالتالى الدول اللى مازلت تستورد الشكل القديم زى مصر كده هيقل عندها الكميات بالنسبه لطلبات الحجز وعليه كان قرار توكيل نيسان أوتو ايجبت ومودرن موتورز انهم يوقفوا الحجز للشكل القديم حتى نزول القشقاى الشكل الجديد المقرر له أواخر السنه دى ان شاء الله تعالى وطبعا هو مختلف خارجيا وداخليا عن الشكل الحالى اما بالنسبه للشكل الحالى فى مصر فكل اللى موجود هتﻻقيه فى المعارض زى القرش وسمير وخﻻفه .
طيب الشكل الجديد سعره هيبقى كام ويا ترى هيبقى افضل ...... يعنى انصحنى اتوكل على الله واخلينى مع الشكل القديم ولا استنى الجديد؟؟ اصل انا خايف كده قطع غيار القديم تقل وفى اعادة البيع سعر العربية ينزل جامد!

على فكرة انا روحت مودرن فرع الحجاز وهناك قالوا فعلا ان الحجز توقف وفى انتظار الشكل الجديد على شهر سبتمبر، ومحدش عارف اى تفاصيل