الموضوع: تنقيط زيت تحت فلتر الزيت

المشاركة الأصلية كتبت بواسطة semsem85

معلش يا باشا استحملني انا مش فاهم يعني ايه
ياباشا ال semi-sync وال full- sync بيبقوا خفاف على المكنة وبيحسنوا استهلاك البنزين وبيطولوا من عمر المحرك , وكمان بيقوموا بتنظيف المحرك من اى رواسب

طيب انا ماتوري عدي 100 الف هو ايه الزيت التخليقي واعرف اللي انا حتيته تخليقي ولا لا ازي وللاسف مش عارف ماتوري صوته عالي ولا واطي ومقدرش حاليا اعرف اذا كان بياكل زيت ولا لا لان الفلتر كان مخروم فمحتاج استني شوية
طيب في حالتي دي ممكن حضرتك تقولي نوع ايه المفضل بناء علي ايه وشكرا

semi - sync معناة ان الزيت نصف تخليقى , ومعنى نصف تخليقى ان الزيت بيكون معدنى + مواد اضافية تخليقية ( مصنعة ) بتتضاف علية بنسبة 30%

فبياخد خصائص الزيت المعدنى وبعض من خصائص الزيوت التخليقية بالكامل

وغالبا بتكون نسبة لزوجة الزيت 10w-40 ودة مناسب جداا للمحركات اللى عدى عليها 100 الف كيلو عشان يعوض نسبة الخلوصات اللى زادت شوية نتيجة للاحتكاكات , وانا بعتبرة زيت قريب جداا من كفاءة الزيوت التخليقية

- ال full- sync ودية الزيوت التخليقية بالكامل يعنى زيوت تمت معالجتها كيميائيا , وتم تكوينها من مواد كيميائية مختلفة

معنى بقى انهم بيوفرا فى البنزين : فدة شىء طبيعى لان الزيوت دية بتبقى خفيفة على حركة الكرنك

لان لزوجتها خفيف وكمان خواصها مش بتتفكك بسهولة مع ارتفاع حرارة المكنة ودة بيخلى الزيت يقوم بوظيفة الحفاظ على مكونات المحرك من الاحتكاك فالبالتالى هيديك نعومة - وتحسن فى السحب وكمان استهلاك بنزين افضل عن الزيوت المعدنية

موضوع بقى تنظيف الرواسب ودة بيكون بفضل تكوينة الكيميائى انة مش بيعمل ترسبات كربونية نتيجة الاحتراق الداخلى للمحرك , فبيخلى دائما المكنة نظيفة من الداخل ودة شىء مهم جداا

ماتورك عدى علية 100 الف كيلو , يبقى تشوف هل انت لما بتيجى تقيس الزيت مثلا عند 4000 كيلو هل بيكون ناقص ولا هو هو ؟؟ وكمان انت بقالك قد اية بتستعمل الزيوت المعدنية ؟؟

ولو ماتورك مش بياكل زيت يبقى الاول تحط زيت نصف تخليقى وتشوف هل هينقص ولا لأ , لو تمام يبقى ممكن تجرب بعديها الزيت التخليقى بالكامل لو نقص منك خلص المدة بتاعتة , وانقل لزيت نصف تخليقى

المكنة صوتها عالى : لما تيجى مثلا تحرق على الغيار شوية , هل بتسمع صوت المحرك بصورة عالية ولا صوت طبيعى مسموع بنسبة بسيطة

مع دوارة المحرك صباحا هل بتسمع صوت المحرك عالى ولا بيكون عادى هادى نسبيا