هااام جدا بخصوص طقم الدبرياج الديسك و الاسطوانه و البليه

السلام عليكم

معلش يا رجاله انا عندى استفسار وارجوا من خبراء الموضوع المتابعه معايه جيدا

المشكله :

علشان ادوس على البرياج عايز 5 او 6 رجاله يدوسوا معايه تقيل بجد بطريقه فظيعه جدا جدا جدا
و كمان حاسس ان المتور ده وهو 1600 ولما جريت بيه جاب اخره معايه 160 حاسس ان السحب
مش الاى هو حاسس انه ضعيف و العربيه بتجمع بصعوبه

العيب :
انا حاسس او شبه متاكد انه عيب طقم دبرياج و نويت ان شاء الله انى اغير الطقم كله
بس هل بعد مغير الطقم لما اجى ادوس على البرياج هحس كانى راكب عربيه نضيفه
ولا دبرياج العربيه الطبيعى بتاعه رخم كده مع العلم انى شارى العربيه من سنه
وكان الدبرياج تقيل برده كده

ولو هو ده العيب اشترى طقم دبرياج منين و بكام و نوعه ايه وشكرا ومعلش انى طولت عليكوا

اه صحيح انا قريب جدا من الحرفيين بس الشخص الاى بتعامل معاه ربنا يسمحه لما بقوله هتاخد كام مصنعيه

قالى 350 جنيه لانه هيفك الفتيس و مش عارف ايه و انا متاكد ان الرقم ده كتتتتتتتتير جدا مع العلم المتور جولف 3

ارجو الرد فى اقرب وقت لانى ان شاء الله هغيره الاسبوع ده

هو تقل الدبرياج السبب الوحيد اللى اعرفه هو مشاكل فى طقم الدبرياج
ان شاء الله لما تغيره الموضوع يظبط معاك
انا عملته مره واحده السنه اللى فاتت و كلفنى فك و تركيب 250 جنيه - بس انا عربيتي 504 بس يتهيألى مش حتفرق كتير
هو غلاسه الحوار ده انه بيفك الموتور و يطلعه و علشان كده بياخد المبلغ ده
بس يفضل تخليه يجلخ الاسطوانه قبل ما تركب علشان لو كان فيها عالى وواطى

شكرا على النصيحه جدا بس انا برده شايف ان الملبغ كبير و عايز حد يقولى افضل الانواع و اجيبه منين و هيكلفنى كام

هيا عربية حضرتك ايه؟

ابيزا 94 متور جولف 1600 كربترتير

انواع اطقم الدبرياج فليو وده اسبانى وفى ساكس وفيه لوك
المهم انك تجيب الحاجه اصلى فيه واحد جنب فتحى الباب محل اسمه عواد ( شكرى عواد ) اساله
انا لسى جايب منه حساس الشكمان بس اصلى تمام ممكن يكون غالى بس بيريح مره واحده لانك مش كل يوم هتفك الفتيس وربنا يوفقك

فين طيب فتحى الباب ده اصلا علشان مش عارف مكانه وياريت تقولى انهى احسن الانواع لانى فعلا مش عارف
وبصراحه خايف ادفع فى حاجه ملهاش لزمه :(

عواد ده فى الشارع الى امام سنترال رمسيس
6 ش سليمان الحلبى التوفيقيه 25754924 -01005172543
هوا اللوك اسمع انه لسى ماضربش
عمتا النوع الى هيدهولك الى هيكون متوفرله ومتاكد من اصليته خده سواء ساكس او اللوك او فليو
الحساس لما جبته من عنده قلى ده الاصلى بتاع الفريكه بالكود وقرنه بالتنيين لو لقته شبه خد من بره هيكون ارخصلك بس اعرف ان ده تقليد وعادى ممكن يمشى بردو ده لانه متاكد من حاجته لان كان الفرق فى السعر 200 الى 250 ج

خلاص ان شاء الله اعدى عليه النهرده و اشوف الاسعار ايه و هقولكوا

خلاص وبالمره اسالى على طقم الدبرياج الأصلى لابيزا 2000 ماتور 1000cc عامل كام هوا عندى كويس الحمد لله بس للعلم بالشىء
وكمان لان فى صديق معانه فى القسم عاوز واحد عنده نفس مشكلتك ومتشابه فى الأعرض وعربيته ابيزا 2001 1000CC يعنى نفس ماتورى
اه وكمان سلك الدبرياج ( الى هوا بيظبط نفسه اتوماتيك مش العادى )

وربنا يوفقك ان شاء الله

طيب يعنى هى لو مفهاش رزاله انا هسالك بس لو تكلمنى الساعه 5 كده تفكرنى علشان ممكن انسى يكون احسن
........... كلمنى بس وقولى عايز تسال على ايه و انا اسالك عليه عينيا ليك و لرجاله المنتدى كله

تسلم يا امير ان شاء الله اكلمك بكره فى المعاد وافكرك انا فى الوقت ده هكون باستلم عربيتى بعد عمرة الماتور
لو تفتكر موضوعى هيا اخيرا خلصت وبتلين وكله تمام بحمد الله

الحمد لله و ربنا يديك خيرها و يكفيك شرها و براحه بقى عليها :d

السلام عليكم
ياريت يا كبير تقول الاسعار اللي لقيتها عشان العربية عندي جابت ديسك واسطوانه ورايح اعملها انهارده

انا غيرت طقم الدبرياج

اسمع بقى يا سيد

عندك على الترتيب .. ساكس - فاليو - لوك

ساكس المانى اصلى ومش مضروب وسعرة كان 700 جنيه فى التوفيقية جديد

فاليو اسبانى وبقى مضروب فى السوق وسعره كان 625 او 650 جنيه فى التوفيقية جديد

اللوك المانى وبقى كتير منه مضروب فى السوق وسعره كان 600 جنيه تقريبا

المصنعية فك وتركيب 180 جنيه وهو اصلا بيبقى مصنعيته 150 جنيه ..

انا عربيتى 94 ، وجبت فاليو وكان راكب عندى قبل الفاليو الساكس، ولكن كان قديم جدا وكان الدواسة تقيله بس النقل زى الملبن، اما لما جبت الفاليو الدواسة خفيفه لانه جديد والنقل زى الزفت .. مجرد ما العربية بتسخن معاك فى المشئ تجيب الأول على 3 مرات !!

طبعا تقل الدواسه ده نتيجة طقم الدبرياج وضعف السحب فى الحالة دى يبقى بسبب اسطوانة الطقم، وهتلاحظ ده خصوصا فى المطالع تلاقى العربية بتبطئ جامد ..

فى حل تانى لو مش عايز تكاليف كبيرة بيبقى فيه مستعمل ولكن معالج، بمعنى انه بحاله كويسه وبيبقى اصلى ، وشغال تمام روح لعصام الميكانيكى فى آخر الهرم وهو بيركبه وعلى ضمانته وساعتها لما سألته الديسك بكام كان 150 جنيه تقريبا يعنى كان الطقم كله ساعتها مش هيكلف كتير.، وبالمناسبة انا مركبتش عنده لأنى مكنتش اعرفه ولكن قدر الله وما شاء فعل.

وفى كل الاحوال روح لعصام الميكانيكى عشان الفك والتركيب سعره ممتاز فى كل شئ وصنيعى امين جدا.. وفى الآخر أنصحك بطقم جديد نوعه ساكس ألمانى وتركبه عند عصام الميكانيكى ...


وربنا يوفقك

شكرا جدا على المعلومات المهمه ديه و ان شاء الله اجيب ساكس

اقتباس:

---

المشاركة الأصلية كتبت بواسطة mohammad isdf

انا غيرت طقم الدبرياج

اسمع بقى يا سيد

عندك على الترتيب .. ساكس - فاليو - لوك

ساكس المانى اصلى ومش مضروب وسعرة كان 700 جنيه فى التوفيقية جديد

فاليو اسبانى وبقى مضروب فى السوق وسعره كان 625 او 650 جنيه فى التوفيقية جديد

اللوك المانى وبقى كتير منه مضروب فى السوق وسعره كان 600 جنيه تقريبا

المصنعية فك وتركيب 180 جنيه وهو اصلا بيبقى مصنعيته 150 جنيه ..

انا عربيتى 94 ، وجبت فاليو وكان راكب عندى قبل الفاليو الساكس، ولكن كان قديم جدا وكان الدواسة تقيله بس النقل زى الملبن، اما لما جبت الفاليو الدواسة خفيفه لانه جديد والنقل زى الزفت .. مجرد ما العربية بتسخن معاك فى المشئ تجيب الأول على 3 مرات !!

طبعا تقل الدواسه ده نتيجة طقم الدبرياج وضعف السحب فى الحالة دى يبقى بسبب اسطوانة الطقم، وهتلاحظ ده خصوصا فى المطالع تلاقى العربية بتبطئ جامد ..

فى حل تانى لو مش عايز تكاليف كبيرة بيبقى فيه مستعمل ولكن معالج، بمعنى انه بحاله كويسه وبيبقى اصلى ، وشغال تمام روح لعصام الميكانيكى فى آخر الهرم وهو بيركبه وعلى ضمانته وساعتها لما سألته الديسك بكام كان 150 جنيه تقريبا يعنى كان الطقم كله ساعتها مش هيكلف كتير.، وبالمناسبة انا مركبتش عنده لأنى مكنتش اعرفه ولكن قدر الله وما شاء فعل.

وفى كل الاحوال روح لعصام الميكانيكى عشان الفك والتركيب سعره ممتاز فى كل شئ وصنيعى امين جدا.. وفى الآخر أنصحك بطقم جديد نوعه ساكس ألمانى وتركبه عند عصام الميكانيكى ...


وربنا يوفقك

---

الف شكر ليك انا فعلاً رايح لعصام انهارده
طيب الساكس ده موجود عند مين؟؟
ومشكور ليك وعلي النصيحه

النهارده بحمد الله جبت ديسك نوعه ساكس فقط لان حالة الديسك والاسطوانه كانت كويسه جدا بعد ماكشف عليها محمد ابوكف أخصائى المواتير الالمانى وقلى حاول تجيب الديسك فقط لاغير وهيكون اوفر والاداء مش هيتاثر بسبب الاسطوانه لان حلتها كويسه

المهم جبت الديسك اصلى نوعه ساكس ب 400 جنيه ( خارج من علبة الطقم ) والطقم كان ديسك واسطوانه وبليه ب 750ج
وركبته فى مركز الاستاذ محمد طنانى على يد م / محمد ابو كف والتكلفه من ضمن تكلفة العمره الى بعملها عنده

ملحوظه مهمه الى يجيب ديسك فقط لازم يكون خارج من علبة الطقم امامك هوا صعب بس اضمن
اضمن من انه يجيبه لوحده خارجى ومتعرفش مصدره ونفس الشيء ينطبق على السطوانه وبلاش موضوع الديسك والسطوانه إستيراد لان فيه حجات مينفعش فيها الإستيراد وكمان مش كل يوم بتفك الفتيس وتتكلف مصنعيه عشان كده الجديد لو حسبتها على المدى الزمنى الطويل اوفر وافضل اداء فى نفس الفتره كمان ، يارب تكون وصلت المعلومه

الله الموفق وتحياتى للجميع

زى ما مالمهندس حسام قال
وبردوا أى حد بتاع قطع غيار المانى فولكس هتلاقى عنده، فتح الباب فى رمسيس وابحث فى النت عن فروعه، أو الصفوة فى التوفيقية

شوف الموضوع ده وانت تعرف

http://www.nilemotors.net/Nile/365862-a.html

ولف مبروك مهندس حسام ويا ريت تقولنا اخبار الأداء ايه انا متأكد ان شاء الله ان الساكس انضف نوع فى السوق دلوقتى

الاسعار الاى سالت عليها عند عواد بالحرفيين بالقرب من فتح الباب طقم ساكس المانى لمتور 1600 سى سى قالى 950 جنيه و طقم ساكس المانى لمتور 1000 سى سى 850 جنيه اظن انه غالى كده

اعتقد انه غالى
اتصل واتأكد عند دول
http://www.nilemotors.net/Nile/365862-a-2.html

هوا فعلا غالى كده
بس انا لما سالت عواد قلى 780ج !! هوا يمكن عاوز شويت فصال وعند فتحى الباب 750ج للطقم ال 1000cc

السلام عليكم
الحمد لله غيرت طقم الدبرياج كامل (ديسك- اسطوانه- بليه)
جبت نوع ساكس
http://imagizer.imageshack.us/a/img823/121/3ape.jpg

من عند فتح الباب - فيصل
وصمم علي 750ج ومرديش ينزل شلن
هو البليه محفور عليها made in germany
والاسطوانه كتابه عليها
http://imagizer.imageshack.us/a/img513/7596/a1fh.jpg
تم التركيب والدبرياج دلوقت خفيف جدا والسحب الحمد لله بقي تمام
في سؤال بس هو طقم الدبرياج مرتبط بالفتيس ولا بالموتور
عشان الطقم اللي انا جبته الكل بيقول عليه 1300-1400 وانا الموتور عندي 1600 AEE
بس الفتيس عندي متغيير لل 1400!!!
هل عشان كده طقم الدبرياج بتاع 1300؟
وياترا انا لو غيرت الفتيس هغير الطقم ده تاني وهيأثر معي في ايه؟؟؟
الحمد لله الموضوع اقفل ال 1000 ج بالتمام:oops2:

اقتباس:

---

المشاركة الأصلية كتبت بواسطة zika99_eg

السلام عليكم
الحمد لله غيرت طقم الدبرياج كامل (ديسك- اسطوانه- بليه)
جبت نوع ساكس
http://imagizer.imageshack.us/a/img823/121/3ape.jpg

من عند فتح الباب - فيصل
وصمم علي 750ج ومرديش ينزل شلن
هو البليه محفور عليها made in germany
والاسطوانه كتابه عليها
http://imagizer.imageshack.us/a/img513/7596/a1fh.jpg
تم التركيب والدبرياج دلوقت خفيف جدا والسحب الحمد لله بقي تمام
في سؤال بس هو طقم الدبرياج مرتبط بالفتيس ولا بالموتور
عشان الطقم اللي انا جبته الكل بيقول عليه 1300-1400 وانا الموتور عندي 1600 aee
بس الفتيس عندي متغيير لل 1400!!!
هل عشان كده طقم الدبرياج بتاع 1300؟
وياترا انا لو غيرت الفتيس هغير الطقم ده تاني وهيأثر معي في ايه؟؟؟
الحمد لله الموضوع اقفل ال 1000 ج بالتمام:oops2:

---

السلام عليكم
أولا بخصوص الموضوع من اساسه فأنا غير مقتنع بقصة اوريجينال و الماني من عدمه او صيني ... الكتابه و الطباعه مش اساس ان القطع تكون فعلا الماني لأن اي حد بيطبع الكلام ده
انا شاري نفس الطقم اللي محفور و مكتوب عليه البارت نمبر و انه الماني و ساكس ب 700 جنيه بالضبط من فترة حوالي شهرين او اكثر قليلا
الشركات المغذية للسيارات زي ساكس و فاليو و مايلي لم تعد تستطيع تصنيع تلك الاشياء بألمانيا و لكنها تقوم بتصنيعها بنفس الجوده ببعض دول الاتحاد الاوروبي و دول شرق اسيا

عل العموم مش هنختلف كثيرا و لصاحب الموضوع متزعلش من كلامي و لكني امس الصناعه في اوجه كثيرة و لدي خبره معقوله بما يحدث فيها

اما بخصوص ان فيه اطقم اسعارها غالية و اخري رخيصة فده انا ذكرتي في موضوعي من قبل فيما يخص تغيير طقم الدبرياج ....
اطقم الدبرياج بيختلف سعرها حسب هتتركب علي انهي محرك و حسب قوة و عزم كل محرك و في اكثر المحركات انتشارا لدي مجموعة فولكس فيوجد نوعان الاول قطر الديسك و الاسطوانه 19 ملليمتر و ده لكل المحركات ال 1000 سيسي و معظم ال 1400 و بعض ال 1600 و الاخر 20 ملليمتر و ده للمحركات اللي بتعدي 100 حصان قوة تقريبا (الموضوع محتاج بحث اقوي لبيان الانواع و ما يناسبها بالضبط )

اما بخصوص الطقم بيركب فين فهو بيركب كله علي ترس الفلام اللي هو جزء من المحرك بيدور علي عمود الكرنك فقط اكس الفتيس المسنن بيكون له تجويف بيدخل في فتحه مسننه في الاسطوانه و ايضا البلية بتركب علي فرش (حامل معدني ) الفتيس اللي بيحركه الدراع اللي بره بيحركه سلك الدبرياج

بمعني ان اللي بيحدد نوع الطقم هو مقاسات تثبيته علي ترس الفلام اي نوع المحرك يعني لو فتيس راكب مش بتاع محرك معين مش هيفرق في نوع الطقم

و اي سؤال تحت امركم و بالتوفيق للجميع

اقتباس:

---

المشاركة الأصلية كتبت بواسطة zika99_eg

السلام عليكم
الحمد لله غيرت طقم الدبرياج كامل (ديسك- اسطوانه- بليه)
جبت نوع ساكس
http://imagizer.imageshack.us/a/img823/121/3ape.jpg

من عند فتح الباب - فيصل
وصمم علي 750ج ومرديش ينزل شلن
هو البليه محفور عليها made in germany
والاسطوانه كتابه عليها
http://imagizer.imageshack.us/a/img513/7596/a1fh.jpg
تم التركيب والدبرياج دلوقت خفيف جدا والسحب الحمد لله بقي تمام
في سؤال بس هو طقم الدبرياج مرتبط بالفتيس ولا بالموتور
عشان الطقم اللي انا جبته الكل بيقول عليه 1300-1400 وانا الموتور عندي 1600 aee
بس الفتيس عندي متغيير لل 1400!!!
هل عشان كده طقم الدبرياج بتاع 1300؟
وياترا انا لو غيرت الفتيس هغير الطقم ده تاني وهيأثر معي في ايه؟؟؟
الحمد لله الموضوع اقفل ال 1000 ج بالتمام:oops2:

---

مبروك يا كبير وان شاء الله الدنيا تبقى تمام معاك

مبروك على طقم الدبرياج
طبعا كلام م / إيهاب مظبوط لاتعليق عليه
بالنسبه للصناعه وبلد منشأ قطعة الغيار أحنا بنحاول نجتهد قدر المستطاع وأعرف ان كل ماكان القطعه صحبها عارف انها اصلى بيرفع فى سعرها ومن امثلة ذلك التوكيل وأحيانا الواحد منعا للشك بيبعت يجبها مخصوص من بره مصر وده من عدة طرق زى صديق مسافر او من مواقع قطع الغيار المعروفه والمؤمونه ويشحنها وهكذا