هااام جدا بخصوص طقم الدبرياج الديسك و الاسطوانه و البليه

**AmirCode** · 25-03-2014 01:47 AM

السلام عليكم

معلش يا رجاله انا عندى استفسار وارجوا من خبراء الموضوع المتابعه معايه جيدا

المشكله :

علشان ادوس على البرياج عايز 5 او 6 رجاله يدوسوا معايه تقيل بجد بطريقه فظيعه جدا جدا جدا
و كمان حاسس ان المتور ده وهو 1600 ولما جريت بيه جاب اخره معايه 160 حاسس ان السحب
مش الاى هو حاسس انه ضعيف و العربيه بتجمع بصعوبه

العيب :
انا حاسس او شبه متاكد انه عيب طقم دبرياج و نويت ان شاء الله انى اغير الطقم كله
بس هل بعد مغير الطقم لما اجى ادوس على البرياج هحس كانى راكب عربيه نضيفه
ولا دبرياج العربيه الطبيعى بتاعه رخم كده مع العلم انى شارى العربيه من سنه
وكان الدبرياج تقيل برده كده

ولو هو ده العيب اشترى طقم دبرياج منين و بكام و نوعه ايه وشكرا ومعلش انى طولت عليكوا

**AmirCode** · 25-03-2014 01:49 AM

اه صحيح انا قريب جدا من الحرفيين بس الشخص الاى بتعامل معاه ربنا يسمحه لما بقوله هتاخد كام مصنعيه

قالى 350 جنيه لانه هيفك الفتيس و مش عارف ايه و انا متاكد ان الرقم ده كتتتتتتتتير جدا مع العلم المتور جولف 3

ارجو الرد فى اقرب وقت لانى ان شاء الله هغيره الاسبوع ده

**khaled_sabry** · 25-03-2014 02:14 AM

هو تقل الدبرياج السبب الوحيد اللى اعرفه هو مشاكل فى طقم الدبرياج
ان شاء الله لما تغيره الموضوع يظبط معاك
انا عملته مره واحده السنه اللى فاتت و كلفنى فك و تركيب 250 جنيه - بس انا عربيتي 504 بس يتهيألى مش حتفرق كتير
هو غلاسه الحوار ده انه بيفك الموتور و يطلعه و علشان كده بياخد المبلغ ده
بس يفضل تخليه يجلخ الاسطوانه قبل ما تركب علشان لو كان فيها عالى وواطى

**AmirCode** · 25-03-2014 02:15 AM

شكرا على النصيحه جدا بس انا برده شايف ان الملبغ كبير و عايز حد يقولى افضل الانواع و اجيبه منين و هيكلفنى كام

**mahmoud_ali** · 25-03-2014 03:13 AM

هيا عربية حضرتك ايه؟

**AmirCode** · 25-03-2014 03:16 AM

ابيزا 94 متور جولف 1600 كربترتير

**hossamalsadik** · 25-03-2014 03:19 AM

انواع اطقم الدبرياج فليو وده اسبانى وفى ساكس وفيه لوك
المهم انك تجيب الحاجه اصلى فيه واحد جنب فتحى الباب محل اسمه عواد ( شكرى عواد ) اساله
انا لسى جايب منه حساس الشكمان بس اصلى تمام ممكن يكون غالى بس بيريح مره واحده لانك مش كل يوم هتفك الفتيس وربنا يوفقك

**hossamalsadik** · 25-03-2014 03:30 AM

عواد ده فى الشارع الى امام سنترال رمسيس
6 ش سليمان الحلبى التوفيقيه 25754924 -01005172543
هوا اللوك اسمع انه لسى ماضربش
عمتا النوع الى هيدهولك الى هيكون متوفرله ومتاكد من اصليته خده سواء ساكس او اللوك او فليو
الحساس لما جبته من عنده قلى ده الاصلى بتاع الفريكه بالكود وقرنه بالتنيين لو لقته شبه خد من بره هيكون ارخصلك بس اعرف ان ده تقليد وعادى ممكن يمشى بردو ده لانه متاكد من حاجته لان كان الفرق فى السعر 200 الى 250 ج