الموضوع: جهاز كشف اعطال سيات

كابل كشف الاعطال موجود عند ناس كتير منهم ميكانيكية و منهم مراكز خدمه و منهم هواه
الكابل يقدر يكشف علي اي حاجه في السيارة المهم انها تكون مربوطه بوحدة الكنترول الرئيسية و ليها كنترول خاص بيها بيتحكم في عملها

بمعني :-
الابيزا 2001 التكييف فيها و الكاسيت عادي مش تاتش ولا وحدات صوت نازلة اوريجينال زي الكوردوبا 2001 لذلك متقدرش تكشف علي الكاسيت و التكييف في ابيزا 2001 و لكن تقدر تكشف عليهم في كوردوبا 2001

و الفرق هو ان فيه وحدة كنترول بتتحكم في التكييف التاتش في الكوردوبا و كذلك الكاسيت و مربوطه الكترونيا بوحدة التحكم الرئيسية للمحرك و السيارة ecu لذلك يستطيع الجهاز فحصها و معرفة ان كان بها عطل او لا

انا عندي كابل كشف اعطال خاص بأحد الاصدقاء لكن معرفش ينفع عندك ولا لأ لكني استخدمته في موديلات حتي 2006 من فولكس و عندي كابل تاني لسه مجربتوش و مش راضي يشتغل علي عربيتي و لسه بحاول معاه

المشاركة الأصلية كتبت بواسطة tgaber

الاول اشكرك على الرد أنا عربيتي كوردوبا 2008 وبصراحة أنا عندي مشاكل كتير بس زهقت من الميكانكية اللي معندهمش ضمير وكنت عايز اتاكد ان حاجة زي كده ممكن تطلع على الجهاز بس لو حضرتك تعرف حد ثقة قريب من مدينة نصر يبقى كتر خيرك

حضرتك ممكن تطرح المشاكل اللي عندك هنا و احنا نحاول نساعدك فيها مع بعض و لو تقدر تنزل المعادي نتقابل ممكن اكشفلك عليها بالكابل معايا

غير كده معرفش الصراحة حد في مدينة نصر