-
على فكرة نفس الموقف دة حصل معايا من اسبوع وعند نفس الراجل من الواضح انه نصاب وحرامى ومعدوم الضمير واللى حصل بالظبط معايا انى كنت راجع من اكتوبر و عند الملف لقيت عيل عندة 17 سنة تقريبا نفس الشخص اللى حضرتك بتقول علية قالى الفردة نايمة بعد مالفيت لقيت نفسي عند بتاع الكوتش الحرامى نزلت اشوف فية اية لقيت الكوتش سليم قلتله ما هو سليم قالى ماانا زودتة و ممكن تلف الدريكسون علشان اكشف علية لفيت الردكسيون ورجعت سمعت صوت الكوتش مخروم قلتله اية الصوت دة قالى دا البلف بينفس قتله ازاى يعنى هو لحق دا كان سليم قبل ما الف الردكسيون قالى معرفش وحس انى اكتشفته لانى شكيت فية وقلتله هو الاخ اللى كان عند الملف دة تبعك قالى فين وعمل نفسة عبيط المهم قلتله انفخ الكوتش انا همشي علية كدة قلة هيبوظ يا استاذ و عايز يشتغل فية بالعافية هو الصبى بتاعه و مش هاين علية يطلع من المولد بلا حمص و انا كان معايا مراتى ووالدتى و مش عايز اتخانق المهم نفخ الكوتش و سيبته ومشيت شوية و رحت مغير الاستبن و رحت لبتاع كوتش تانى بس امين قالى انه حرامى وبينصب على الناس وغيرلى الكوتش الجوانى ب 45 جنية بس لكن الغريب فى الموضوع ان النصاب دة بعد ما حس انى شاكك فية كان مصر اصرار غريب انه يركب الاستبن بتاع العربية تقريبا كان عايزيشغلنى باى حاجة و يخرمه او يخرم باقى الفرد لكن عزائى الوحيد فى الموضوع انه مستفدش منى باى حاجه لانه كان عايز يطلع منى باى مصلحة بس معرفش وكان هيموت من الغيظ
-
انا كل يوم بعدي ادام الراجل ده وعارفه مرة نفس الشاب في الملف كانت الدنيا زحمة ولقيته جاي عليا وبينادي يا بيه يا بيه العجله نايمه فقمت زعقت له وقلت له بتزعق ليه دلوقتي اديك صحيتها وانا ماصدقت انها نامت !!
بص لي وتنح
قلت له انا كل يوم بعدي من هنا وانا ساكن بعديك بشارعين ولو سمعت اي حد هنا تاني بينادي عليا مش هيحصل طيب
دلوقتي بعدي عليه بيسلم عليا كل يوم !!!!
-
-
بتحصل معايا كتير وطبعا بنفض
-
بالله عليكم انا كنت مسافر بره ولسه راجع لو حد عنده حوارات نصب تانيه يقولهالي لاني اول مره اسوق في مصر شكرا
-
حمد الله على سلامتك نورت مصر :)
امشي في الشارع ودن من طين وودن من عجين ولا تسمع لاي حد بيقولك اي حاااااااااااجه يقولك بقه عجله نايمه الاكصدام واقع اي هرتله نفض له واهم حاجه اقفل السنتر لوك وانت ماشي وماتفتحتش الازار للاخر يدوب حته للتهويه وربنا يعينك
-
متشكر جدا يا استاذ bmya علي النصيحه ربنا يكرمك دمت بصحه وعافيه
-
حصلت معايا زمان تقريبا 2001 اول طرق القاهرة بلبيس الصحراوى البنزينة اللى فى الاول ع اليمين واتلدعت يومها 70ج
مش البلد هى اللى وحشة .. دة فى اصناف قذرة اللى مخليانا قرفانين منها ومسوئين صورتها قدام الدنيا بتصرافتهم
قيس على كدة حجات كتير.. الغش كتير اوى.. مش هقول غير( اللهم قنا شر عبادك ممن لا يخافونك)
-
ههههههههههههه
هو لسه فيه حد بيتعمل فيه الموقف ده
ده بقالنا سنين بنحذر منه
Content Relevant URLs by
vBSEO 3.6.0 PL2