تحذير بتاع الكاوتش بشارع اللبينى امام اولاد رجب نصاب وحرامى
أنا كنت راجع من الفيوم بعربيه لانوس ومشيت فى شارع اللبينى او شارع المريوطيه من ناحيه شارع الهرم عشان اطلع الدائرى اتجاه المنيب ولما وصلت اخر الشارع وبالتحديد امام ماركت ولاد رجب وجدت شاب تقريبا 17 سنه بيقولى الفرده اليمين نايمه وده عند الملف وأنا كان معايا اولادى فى العربيه وبمجرد ما لفيت وجدت بتاع كاوتش امامى ودخلت عليه بالعربيه وقلتله زودلى العجله قعد يقولى تعالى يمين واعدل ولخمنى دقيقه او اتنين وبعدين قالى ديه فيها خرم قولتله اعمله قعد يلخمنى تانى ولما نزلت قالى فى خابور ب 15 جنيه امريكى وفيه 10 قولتله اعمل الكويس وقاعد قدام العجله هو والصبى بتاعه ومعاه واحد ثالث وفوجئت فى لحظات انو عمل 20 خرم وقالى الحساب 300 جنيه قولتله ازى وصلهم 250 جنيه واتدهمله وبعدين راح يكشف على العجله الثانيه وقالى ديه فيه اخرام ولما قعد قدمها بدا يشتغل لقيت الموضوع بيكبر قولتله انا مش معايا غير 70 جنيه وفوجئت بيه عمل 16 خابور وخد 70 جنيه وقالى يبقالى 50 جنيه وانا هدفعها من جيبى لصاحب الورشه ويريت تجباهالى عشان متازنيش وبعدين انا مشيت وانا مضيق جدا ولما قابلت احد اصدقائى قالى ده نصب عليك عشان فى ناس كانت كتبه نفس الموضوع على النت .
قولتله انا مش هسيب حقى واخدت معايا ناس اصحابى وقريبى عدد 15 راجل وروحنا تانى يوم الساعه 10 مساء ووقفنا قدام المحل وقلنا للموجودين مش هنسيبكم الا لما ناخد حقنا وبعد مناوشات جالى واحد وقالى انا صاحب المحل شوف انت عايز ايه وانا انفذه وقولتله اديلى 300 الى دفعتهم وهات فرده جديده وانا اتحمل الفرده التانيه وبالفعل اخدت منه 650 جنيه لانه معندوش كاوتش . لا يضيع حق وراءه مطالب .:S_thum1[1]: