مشكله غربيه فى العفشه الأماميه

**valantino_egy** · 25-03-2014 07:08 PM

السلام عليكم
بفضل الله جبت كارينز 2010 عامله 58 ألف كيلو من 50 يوم بالظبط
العربيه بسم الله ماشاء الله كانت زى الفل ... قلت أروح أشيك على العفشه .. الراجل قاللى المساعد اليمين جايب زيت وعايز يتغير ... طبعا ماينفعش تجيب واحد بس .. جبت 2 جديد من الخضرى فى المنصورة بــ 1100 جنيه ... وغيرت جلبتين مقصات عشان اقفل باب العفشه وما ارجعلوش تانى وفى نفس اليوم بعد ماخلصت روح أظبط زوايا وأرصص بعد ماالراجل خلص لقيت العربيه بتحدف يمين رجعتلو تانى وتالت ... كل شوية نجرب وارجعله .. المهم انها ما اتحلتش برضو .. وع فكره العربيه كانت بتحدف يمين قبل ما أعمل أى شغل فيها ...الراجل بتاع ظبط الزوايا قاللى العربيه ارتفاعاتها مش مظبوطه يعنى اليمين قدام أعلى من الشمال ... واليمين ورا أوطى من الشمال ...رجعت للعفشجى بدل اليايات ورا وقاللى الكلام ده مش مظبوط وروح لواحد تانى هو اللى مش عارف يظبط الزوايا
سبت الموضوع شويه ... قيمه شهر بالظبط ... سمعت اول امبارح صوت من اليمين قدام .. خفت ليكون المساعد باظ تانى
واللى حسبته لقيته .....المساعد اليمين قدام جاب زيت ...فى واحد بيقوللى أكيد مش أصليين
بس حتى لو مش أصليين يبوظ بعد شهر من تركيبه .. مع العلم انو الواحد بيحافظ ع العربيه من المطبات جدا
مش عارف بقى .... افتونا يا أهل الخبره

**abou-yahia** · 25-03-2014 07:14 PM

المشاركة الأصلية كتبت بواسطة valantino_egy

السلام عليكم
بفضل الله جبت كارينز 2010 عامله 58 ألف كيلو من 50 يوم بالظبط
العربيه بسم الله ماشاء الله كانت زى الفل ... قلت أروح أشيك على العفشه .. الراجل قاللى المساعد اليمين جايب زيت وعايز يتغير ... طبعا ماينفعش تجيب واحد بس .. جبت 2 جديد من الخضرى فى المنصورة بــ 1100 جنيه ... وغيرت جلبتين مقصات عشان اقفل باب العفشه وما ارجعلوش تانى وفى نفس اليوم بعد ماخلصت روح أظبط زوايا وأرصص بعد ماالراجل خلص لقيت العربيه بتحدف يمين رجعتلو تانى وتالت ... كل شوية نجرب وارجعله .. المهم انها ما اتحلتش برضو .. وع فكره العربيه كانت بتحدف يمين قبل ما أعمل أى شغل فيها ...الراجل بتاع ظبط الزوايا قاللى العربيه ارتفاعاتها مش مظبوطه يعنى اليمين قدام أعلى من الشمال ... واليمين ورا أوطى من الشمال ...رجعت للعفشجى بدل اليايات ورا وقاللى الكلام ده مش مظبوط وروح لواحد تانى هو اللى مش عارف يظبط الزوايا
سبت الموضوع شويه ... قيمه شهر بالظبط ... سمعت اول امبارح صوت من اليمين قدام .. خفت ليكون المساعد باظ تانى
واللى حسبته لقيته .....المساعد اليمين قدام جاب زيت ...فى واحد بيقوللى أكيد مش أصليين
بس حتى لو مش أصليين يبوظ بعد شهر من تركيبه .. مع العلم انو الواحد بيحافظ ع العربيه من المطبات جدا
مش عارف بقى .... افتونا يا أهل الخبره

المفروض المساعدين ليهم ضمان حاول تستغله
والاعلب مش اصلي
هيه البطاحات اخبارها ايه

**abou-yahia** · 25-03-2014 08:48 PM

خير ان شاء الله

**valantino_egy** · 27-03-2014 03:03 AM

المشاركة الأصلية كتبت بواسطة عمرولبيب

ظبط زوايا فى المنصوره بقى عليك وعلى ابو حطب .. اساتذه بمعنى الكلمه
عفشه فى المنصوره يبقى هلال اللى هو خلف برج المستشارين اساتذه
الخضرى بيني وبينك مبجبش منه حاجه بأحس انهم نصابين جدا
المساعدين اشترى مونرو عليه ضمان سنه
العربيه نوعها ايه ؟؟

الخضرى فعلا نصاب أوى ... وكل حاجه عندهم زياده 50 جنيه وأكتر
فين بقى برج المستشارين ده ..
العربيه كارينز 2010 ... هو فى مساعد عليه ضمان ؟؟؟
ومونرو ده ينفع للكارينز ..
شكرا ع المتابعه يا عمرو بيه مش عارفين نودى جمايلك فين