الموضوع: مش لاقى فلونس اللون اللى انا عايزه! برجاء النصيحة

المشاركة الأصلية كتبت بواسطة miceg

استاذنا صاحب الموضوع
عملت ايه كلمت الراجل اللي بعتلك تفاصيله عالخاص
ولا أحرجتني معاه :d

أنا مش عارف أشكرك إزاى انا لسه شايف الموضوع من إمبارح لانى طول النهار فى إجتماعات..
وكلمت أ /علاء وفعلا اللون موجود و ان شاء الله هروحله النهارده.

المشاركة الأصلية كتبت بواسطة mostafa magdy

انا المره دي اللي هشكرك و بشكل شخصي .. لأني لو مكان صاحب الموضوع كان ممكن قلبي يقف من الفرحه ..
شكرا يا خالد باشا .. أدامك الله عونا لأسرتنا الكريمه

انا مش مصدق بصراحة! :) و يارب اللى فيه الخير يقدمه ربنا.

المشاركة الأصلية كتبت بواسطة mrashadnt

أنا شايف ان انت تحجز من التوكيل وتستنى تستلم علشات ما تبقاش راكب عربية لونها مش عاجبك ... أنا كان عاجبني اللون الموكا وحجزت واستنيت حوالي شهر ونص واستلمت الحمد لله

شهر و نص! يا قلبك :)

المشاركة الأصلية كتبت بواسطة mostafa magdy

هتبقي غلطت عمرك .. إنك نفسك في لون و أخدت لون تاني عشان تخلص
كل ما هتشوف الفلوينس اللون الفيراني في الشارع هتزعل
أنا من رأيي هتستي و هتلاقيه و تعمل لنا تقرير الإستلام الجميل ..
و أهلا بيك عضو جديد في عائله الفلوينس ..
مبروك مقدما ..

هو ده اللى مخلينى متردد بصراحة وفخر لى أن انضم لعائله فلونس

المشاركة الأصلية كتبت بواسطة ahmedjumaa

للاسف نفس الامر بعد لف وسؤال كل المعارض

وفي الاخر أستقريت علي الفضي وبصراحة بعد المشاهده أعجبني بشكل ما

الله يوفقك

هو اللون حلو و انا مبسوط بيه، بس الفيرانى كان الاختيار الاول

المشاركة الأصلية كتبت بواسطة land_cruiser

بلاش فعلا تجيب لون مش عاجبك . ممكن حضرتك تكلم التوكيل و تطلب منهم اللون ده تحديدا و تستني و حتي ممكن تقولهم انك مستعد تدفع مقدم كبير لتثبيت السعر مثلا

كلمت التوكيل بس قالولى السعر على حسب الدولار!

المشاركة الأصلية كتبت بواسطة heeshooheeshoo

اللون السيلفر من الألوان الجميلة على الفلوانس ولن تندم على إختياره فإن ظلت مترددا فأعتقد من وجهة نظرى تنتظر الدفعة القادمة علشان ماتبقاش ندمان .. على قدر معلوماتى الدفعة القادمة ستصل فى خلال أسبوعين أو ثلاثة
ربنا يوفقك ويتمم على خير
وتقبل تحياتى ،،،

فعلاً السيلفر جميل، بس انا خايف الدفعات القادمة يغيروا الاسعار بحجة الدولار

المشاركة الأصلية كتبت بواسطة mahmoud_ali

مبروك مقدما بس استنى وجيب اللون اللى عاجبك احسن

الله يبارك فيك، شكراً لذوقك

المشاركة الأصلية كتبت بواسطة abdo essa

ممكن اعرف ليه اخترت فلوانس مش عايز اندم

حاجات كتيييير:)

المشاركة الأصلية كتبت بواسطة miceg

طيب الحمد لله
ربنا يكرمك وتستلم على خير
ومبروك مقدمااااااااااا

الحمد لله حجزت العربية النهارده لأن إمبارح المهندسين كانت مقفوله و معرفتش أروح :(
أنا مش مصدق ان الموضوع تم بالصدفه كده! انا كنت خلاص هجيب السيلفر.
بجد يا أستاذ خالد انا مش عارف أشكر حضرتك إزاى على إهتمامك و مساعدتك.