دواسة الدبرياج ودواسة الفرامل (مشكلتين)
لوجان 2010 هاف
القصة اني بقالي اكتر من سنة:
انزل الصبح... كله كويس... الدواسات كويسة...
بعد فترة من المشي بالعربية (حوالي ربع ساعة أو أكتر) تبدأ الدواسات تستتهبل !!!
الفرامل:
ادوس: تفرمل
اسيبها: ترجع بس لمبة ال stop في الزجاج الخلفي منورة (والدواسة مارجعتش 100%) يعني بترجع 98% مثلا...
لو حطيت رجلي تحتها وشديتها عليا ترجع سنة بسيطة جدا... واللمبة تطفي والعربية تبقى عادي (عشان لما ببقى واقف على أرض مايلة سنة بسيطة واللمبة دي منورة، العربية بتبقى ثابتة... يعني التيل ماسك في الطنبورة... ولما اشدها برجلي، تبدأ العربية تتحرك)
ده غير ان صوتها خشن وبيزيق...
الدبرياج:
صوت مزعج مع الدوس والرفع... ومشوارها بقى متقطع... يعني مش ناعم... لو برفع رجلي بالراحة من عليها الاقيها تئ... تئ ... تئ .... بتنتش زي ماتكون ملبكة او خشنة...
كل ده بيفضل يزيد طول ما انا ماشي.... لحد ما اركنها...
تاني يوم الصبح.... كله تمام.... ونبدأ نفس القصة بعد ما امشي بيها ربع ساعة او نص ساعة...
ايه المشكلة والحل ؟؟؟
مع العلم اني جربت ارش شحم ابيض على مفصلات الدواستين من جوة (مع اني مش شايفهم كويس)
وجربت كمان wd40 بتاع الصدا...
بيتحسنوا شوية ويرجعوا تاني !!!