الموضوع: اخيرا اللادا نيفا رجعت مصر من تانى وبسعر مفاجاة

أنا شايف إنها غالية شوية

غالية وباب واحد ونفس الشكل القديم لو ب 40000 تبقى معقولة او اجيب واحدة مستعملة ومشدودة ومش هتزيد عن 18000

و هى سيارة مشهورة بقدراتها العجيبة على الطرق الوعرة و التى لا تتناسب أبدا مع سعرها,
فبحوالى 70 الف جنيه فقط, سوف تحصل على أداء مذهل على الطرق الوعرة يوازى ما ستحصل عليه مع سيارة سعرها يتجاوز النص مليون جنيه, لكن مع خسارة طفيفة على صعيد الراحة و الأداء على الطرق المعبدة.

حرااااااااااااااااااااااا اااام عليك انا اختلف بشدة جدا جدا جدا

انا والدى كان معاة واحدة و هوة شغلة فى مناطق وعرة شوية بيقولى عمرها ما نصفتة و بصراحة بيقولى انها اسواء عربية اشتراها فى حيااااااااتة

و بصراحة البليزر كانت ما شاء الله عليها مبتكسفناش والله و كانت النيفا جمبها ولا حاجة

المشاركة الأصلية كتبت بواسطة ahmed1981

أنا شايف إنها غالية شوية

غالية؟!!!
عربية 4*4 1700 سى سى عايزها بكام؟؟!! 5 الاف جنيه؟!
اللى غالى انى اشترى عربية ملهاش لازمة على الطرق الوعرة زى الاكس تريل مثلا ب200 الف!

ا جماعة العربية دي عليا اووم من علي الرض و حرام لو حد بيحب يعمل حنقات و حوادث لقدر الله يشتريها و هو مطمن لانها هي الاخت الصغير للدبابة

بس هي عربية حجر لو انت دائم التحرك داخل البلد كويسة

هتسافر متعديش 120 او 140 بس انا عرفت انهم عدلو نظام التعليق علشان الثبات

المشاركة الأصلية كتبت بواسطة فادى

غالية؟!!!
عربية 4*4 1700 سى سى عايزها بكام؟؟!! 5 الاف جنيه؟!
اللى غالى انى اشترى عربية ملهاش لازمة على الطرق الوعرة زى الاكس تريل مثلا ب200 الف!

برضه شايف إنها غالية شوية

وسؤالك (عايزها بكام؟؟!! 5 الاف جنيه؟!) لن أرد عليه لأني أفضل أن يظل مستوى حوارى بذوق عالي بدون تريقة

يا جماعة السعر ده بالنسبة لبعض العربيات التانية مش كتير ابدا و العربية زي الحجر و شهرة اللادا زي ما بقول دايما الزلطة.

و مميزات العربية في رأيي الشخصي:

1- موتور قوي (بالنسبة للجسم) جسم العربية مش كبير و العربية 4*4 1600 سي سي دايركت انجيكشن يعني معقول في الطرق العادية و اي مشكلة في طريق وعر حتشغل الـ 4*4.

2- حجم مناسب للركنة بالنسبة لسيارة في قوتها.

3- جميع الكماليات.

4- العربية وحش في اي طريق مش ممهد.

5- تكاليف الصيانة فيما بعد اقل من مثيلاتها او أقل من اي عربية 4*4 تانية.

6- عربية مجربة و معروفة من سنين مش زي الهندي العجيبة (مع كامل احترامي لأصحابها).

7- صاج قوي غير بقية الـ 4*4 و ديفندر في الرخصة.

من عيوبها حسب ما اسمع عنها:

1- غير آمنة بعد الـ 120.

2- السيارة عالية أكثر من اللازم و علوها لا يتناسب مع عرض جسمها و لهذا فهي عرضة للإنقلاب.

3- شكل خارجي لم تحدث به تغييرات و لم يتم تحديثه منذ سنوات طويلة اللهم الا بعض التعديلات الطفيفة.

و أريد ان أمثل لكم مثالا عن سيارت ثمنها يفوق اللادا نيفا كثيرا و ادائها امام اللادا نيفا متواضع جدا في الطرق الوعرة عندكم مثلا الهوندا Hrv اول مرة اعرف عنها انها ليست 4*4 كان منذ يومين فقط و ثمنها 110000 و مستعملة بـ 90000 و ضعيفة و ادائها في الطرق الوعرة لن يقترب من اداء اللادا اطلاقا.

و الخلاصة و في رأيي الشخصي ايضاً انه من يدفعه عمله أو ظروفه للذهاب لمناطق واعرة كثيراً و معه في حدود الـ 70000 فعليه باللادا أو لو حد لا تفرق معاه مسألة الأموال فالسوق مفتوح و عندك أكثر من سيارة 4*4 قوية و اقوي من اللادا نيفا و أريح.
اما لو كانت مشاويرك عادية و لا تدخل بسيارتك في اماكن واعرة كثيرا الا للظروف فقط فلماذا ادفع 70000 في سيارة مثل النيفا يا سيدي لو غاوي لادا عندك الكالينا و الـ 110