اقتباس المشاركة الأصلية كتبت بواسطة medo.malek مشاهدة المشاركة
معلش ممكن توضيح اكتر ؟
انا كنت بفكر فى الموضوع ده بجديه ودرسته كويس على منتدايات متخصصه
بدون الدخول فى تفاصيل فنيه معقده
لو اشتريت اللوح الشمسى حيكون غالى جدا لاكن لو اشتريت الخلايا وعملت برواز زجاج بالومتال وقفلت فيه الخلايا حتوفر 300%(انا غاوى اليكترونيات ومتعمق فيها)
طيب ال1 كيلو محتاج خلايا بتقفيلهم يتكلف 1500 جنيه وانفرتر 1.5كيلو بتقريبا 1500
يعنى 1 كيلو كهرباء شمسى يصرف 3000 جنيه و6متر مكعب الواح على سطح مشمس(كده وفرنا 300%فرق الواح وانا عمله على ايدى موفر ارباح يعنى مش تجارى)
النظام يشتغل عمليا 6 سعات فى اليوم المشمس ويضعف حتى يفصل عند غروب الشمس
طيب عايز تشغل 24 ساعه وممكن مع الوقت تستغنى عن كهربه الحكومه كمان
لازم تعمل محطه بطاريات ومتنفعش بطاريات العربيات(العمر قصير لاختلاف بنيه الخلايا)
حتستخدم بطاريات بتقنيه الديب سايكل او الدوره العميقه ودى مصممه انها تتحمل الاف المرات شحن وتفريغ وتفريغ لاقل مستوى بدون التاثر(بطاريه العربيه لو فرغت اقل من النص التفريغ المتبقى بيدمر خلايياها)على عمرها وعمرها بيصل ل7 سنوات والمتوسط 5
اسعارها خرافيه يعنى بتتكلم فى ال200 امبير على ما اتذكر ممكن تدخل البطاريه فى 3000
يعنى لو عايز تعمل سيستم شمسى يشغل بيت 5 كيلو اضرب الارقام دى فى5