حتي دي مسيبتيهاش يا تويوتا !!!

**mahmoud_ali** · 27-03-2014 02:33 PM

انا عايز بس يصححلى معلومه ان التيوتا تقفيل تركى! ده حقيقى؟

**my3fox** · 27-03-2014 02:50 PM

المشاركة الأصلية كتبت بواسطة mahmoud_ali

انا عايز بس يصححلى معلومه ان التيوتا تقفيل تركى! ده حقيقى؟

معلومة صحيحة..... الكورولا 2014 مكونات يابانية و تقفيل مصنع تويوتا بتركيا..... جودة التقفيل أوروبي لا غبار عليه
المصنع ده هو اللي بيصدر الكورولا لأوروبا كلها.....و كمان لمصر بنفس خط التجميع....

يعني حضرتك العربية اللي بتنزل أوروبا هي هي اللي بتيجي لحضرتك كجودة تقفيل....

ملحوظة صغيرة.... الهوندا سيفيك....هي كمان تقفيل تركي من السنة اللي فاتت

**Mohamed.Hany** · 27-03-2014 02:51 PM

المشاركة الأصلية كتبت بواسطة mahmoud_ali

انا عايز بس يصححلى معلومه ان التيوتا تقفيل تركى! ده حقيقى؟

زي ما
مرسيدس تقفيل مصري مش الماني
هوندا سيفيك تقفيل تركي مش ياباني
فلوانس تقفيل تركي مش فرنسي
اوبل استرا تقفيل بولندي مش الماني
الكوروﻻ تقفيل تركي مش ياباني
بس شوف التقفيل عامل ازاي، حاجة رائعة و انا كان معايا كوروﻻ 2011 تقفيل ياباني و شايف ان مفيش اي فرق

**mhkorayem** · 28-03-2014 02:23 AM

المشاركة الأصلية كتبت بواسطة mohamed.hany

قطع الغيار ممكن تكون غالية نسبيا و ده راجع لان العريية لسة نازلة و ملهاش ستوك.
في اخر كلام ليا مع مندوب صديق من داخل تويوتا قالي ان تويوتا ايجيبت صرفت الي الان 100 مليون جنيه مصري و ده لانشاء اكبر مخرن ستوك لقطع الغيار في افريقيا و الشرق الاوسط عشان يقللو ثمن قطع الغيار و سرعة الحصول عليها لارضاء العميل.
حاجة تانية قالي عليها و هي ان مش كل قطع كوروﻻ 2014 متوفرة حاليا و لما عميل بيحتاج قطعة و متكونش موجودة فبيتم شحنها جوي و ليس بحري عشان السرعة و ده اللي بيخلي سعرها عالي.
حاجة برضو حصلتلي لما اشتريت كوروﻻ 2011 فيس ليفت اول منزلت سألت علي فانوسها قالي 4800 و دلوقتي ثمنه 1200 جنيه.
اخر حاجة احب اقولها لحضرتك و هي ان اسعار قطع الغيار كلها بلا استثناء في جميع التوكيلات بقت ناااار عندك مثال صديق لي معاه الفلوانس عمل حادثة :
كبوت 3200
اكصدام 3500
فانوس 2000
ايه رأيك في الاسعار !!

ما هي الفلونس كمان لو بالاسعار دي يبقى افضل حاجه في مصر دلوقتي الالنترا بعد ما بقت بايموبلايزر والسيراتو
اسعار قطع غيارهم اقل من كده بكتيرعلى ما اعتقد
طبعاً التويوتا حاجه تانيه انا عارف بس مصاريف التشغيل بردوا مهمه جداً
ما هو الواحد مش شغال ومطحون عشان خاطر اللي بيقبضه يروح يديه للتوكيلات
الدنيا مليانه حاجات تانيه كتير غير العربيه محتاجه مصاريف
وبصراحه كل واحد بيته اولى بالفلوس دي
والالنترا والسيراتو برضوا عربيات ادائها مرضي ومستواها كويس وتقفيلها نظيف وخاصة السيراتو بالتحديد
مش كده ولا ايه؟؟؟

**Mohamed.Hany** · 28-03-2014 02:41 AM

المشاركة الأصلية كتبت بواسطة mhkorayem

ما هي الفلونس كمان لو بالاسعار دي يبقى افضل حاجه في مصر دلوقتي الالنترا بعد ما بقت بايموبلايزر والسيراتو
اسعار قطع غيارهم اقل من كده بكتيرعلى ما اعتقد
طبعاً التويوتا حاجه تانيه انا عارف بس مصاريف التشغيل بردوا مهمه جداً
ما هو الواحد مش شغال ومطحون عشان خاطر اللي بيقبضه يروح يديه للتوكيلات
الدنيا مليانه حاجات تانيه كتير غير العربيه محتاجه مصاريف
وبصراحه كل واحد بيته اولى بالفلوس دي
والالنترا والسيراتو برضوا عربيات ادائها مرضي ومستواها كويس وتقفيلها نظيف وخاصة السيراتو بالتحديد
مش كده ولا ايه؟؟؟

عربيات ظريفة و كل حاجة ,
بس خد بالك اسعار الكورى بقي نار برضو و اسأل مجرب مراتي معاها النيو اكسنت RB وكفاية انه بيجبرك تعمل صيانة كل 5000 كم و لو معملتهاش بيحاسبك علي مصنعيتها يأما تخرج من الضمان !!! و مفيش صيانة اقل من 500 جنيه لو جيت قارنتها بالتويتا الصيانة كل 10000 كم علي الاقل .
و ملحوظة برضو الالنترا و السيراتو حلوين و كل حاجة بس مينفعش يدخلو في مقارنة مع الكورولا 2014 ممكن اقولك مع الموديل اللي قبله ماشي لكن حاليا شتان الفارق في الاوبشنز و الجودة و الامان و الثبات .
وبصراحة اكتر حاجة بتغيظني في الكورى انه عامل فئات مفيهاش ABS EBD Airbags و يخلي الهاي لاين و اللي قبليها بس اللي فيهم الكلام ده , فهل دول اوبشنز مثلا ولا ايه !!!
ده الكورولا بتنزل من اول فئة مانيوال ب ESP مش هقولك ABS EBD Airbags مش موجودين في الهاي لاين بتاع الالنترا ولا السيراتو