-
( اسأل استشير ) عاوزين نعرف عاوزين نتعلم
-
وانا كمان معاك يا هندسه فى الخدمه لاى استفسار
-
سؤال هام..
ايه هيا الاسباب اللي ممكن تخلي الفيرنا تحدف :fun_10_9_134[1]:
وشششششكرا
-
اكثر من سبب . وكلهم اهم من بعض .
1. زوايا
2. كاوتش
3. جنوط
4. بعد ما الكاوتش اتطبع على اماكنه تم تغيير مكانه فجأه . بس لازم يكون مر عليه بنفس المكان اكثر من 20000 كم. علشان كده بننصح بتغيير شكل المقص كا 10000 كم .
5. مشاكل فى العفشه . اى حاجه تخلى الدوشمه معووجه. زى الشمعدان او المقط معووج او المساعد معووج . او السنتريك الخلفى سايب . اى حاجه تؤدى لان الدوشمه كلها تكون مش مستقيمه فى مكانها .
وكمان بارات الدريكسيون
-
اقتباس:
المشاركة الأصلية كتبت بواسطة moe gawad
اكثر من سبب . وكلهم اهم من بعض .
1. زوايا
2. كاوتش
3. جنوط
4. بعد ما الكاوتش اتطبع على اماكنه تم تغيير مكانه فجأه . بس لازم يكون مر عليه بنفس المكان اكثر من 20000 كم. علشان كده بننصح بتغيير شكل المقص كا 10000 كم .
5. مشاكل فى العفشه . اى حاجه تخلى الدوشمه معووجه. زى الشمعدان او المقط معووج او المساعد معووج . او السنتريك الخلفى سايب . اى حاجه تؤدى لان الدوشمه كلها تكون مش مستقيمه فى مكانها .
وكمان بارات الدريكسيون
الله ينور عليك يا هندسه ..
مسامسر السنترك برده تعمل حدفه .. واله تأكل كاوتش ..
يعني اللي عاوزين نعرفه .. ان برده العجل الخلفي ممكن يأثر علي التوجيه في العربيه .. واله العربيه بتتوجه من قدام بس ..
ولكم جزيل الشكر
-
العجل الخلفى يعمل تعويمه وحدفه فقط فى حالة الضغط على الفرامل المفاجئه . تلاقى السياره بتحدف من ورا . بترمى زى مابيقولو
-
اقتباس:
المشاركة الأصلية كتبت بواسطة moe gawad
العجل الخلفى يعمل تعويمه وحدفه فقط فى حالة الضغط على الفرامل المفاجئه . تلاقى السياره بتحدف من ورا . بترمى زى مابيقولو
افادكم الله ..
سؤال في السريع ..
هل قلب طلمبه البنزين للفيرنا بيتغير دوري مثلا زيه زي السيور واله لما تظهر اعراض ..
وايه هيا اعراض تلفه
وشكرا
-
قلب طلمبة البنزين الخاص بالفيرنا ده فيه عيب بشع . انه بيبوظ كتير .
وده عيب فى موضوع القلب نفسه.والفتره اللى فاتت اكتشف حل للموضوع بيخلى عمره يطول كتيييييييير والحمد لله . بس مش هاقوله الا بعد التجربه اكثر من مره . انا حطيتو فى عربيه ولحد دلوقتى قياس البار زى ماهو الحمد لله منذ اكثر من شهران كاملان ولفتره حوالى 20 الف كيلو ، علشان هى تاكسى فيرنا ، والحل باستعمال قلب طلمبه اصلى بس يخص نوعيه سياره اخرى،
اعراض قلب الطلمبه هى ،
1. رعشه فى السياره اثناء الدواره صباحا لمدة ثوانى قليله ، وتضبط السياره نفسها دون الحاجه الى كبس بدال البنزين
2. خنقه فى السحب اثناء السرعات العاليه
ويجب مع تغيير قلب الطلمبه تغيير فلتر البنزين
-
اقتباس:
المشاركة الأصلية كتبت بواسطة moe gawad
قلب طلمبة البنزين الخاص بالفيرنا ده فيه عيب بشع . انه بيبوظ كتير .
وده عيب فى موضوع القلب نفسه.والفتره اللى فاتت اكتشف حل للموضوع بيخلى عمره يطول كتيييييييير والحمد لله . بس مش هاقوله الا بعد التجربه اكثر من مره . انا حطيتو فى عربيه ولحد دلوقتى قياس البار زى ماهو الحمد لله منذ اكثر من شهران كاملان ولفتره حوالى 20 الف كيلو ، علشان هى تاكسى فيرنا ، والحل باستعمال قلب طلمبه اصلى بس يخص نوعيه سياره اخرى،
اعراض قلب الطلمبه هى ،
1. رعشه فى السياره اثناء الدواره صباحا لمدة ثوانى قليله ، وتضبط السياره نفسها دون الحاجه الى كبس بدال البنزين
2. خنقه فى السحب اثناء السرعات العاليه
ويجب مع تغيير قلب الطلمبه تغيير فلتر البنزين
تمام التمام يا هندسه ..
عاوزين نكون اول ناس تعرف الاضافه الجديده بتاعتك الخاصه بالموضوع ده عشان نطبقها ..
تسلملنا
وتكمله السؤال ..
**** هلي شجره البنزين بكاوتشاتها بكلبساتها برده ممكن تشقق وتتغير ف زمن معين ( عمر افتراضي مثلا )..
طيب اعراضها ايه ...
منك نستفيد
:00020191:
-
شجرة البنزين اعراضها ، زيادة استهلاك البنزين الغير طبيعيه، ورائحة بنزين عاليه جدا داخل السياره اثناء السير ،
وتغيير شجرة البنزين يوجد منها فى السوق طريقتين للشراء
1. اما شراء ماسورة البنزين فقط من داخل الشجره الكامله، وهى المشكله دائما منها ، وسعرها 220 جم ، ومش هاتلاقوها غير عند نافع شارع دمشق او ابراهيم البنا فى التوفيقيه ، والاثنين بنفس السعر ،
وممكن تلاقوها عند سامح بشرى بشارع شبرا بس مش دائمة التواجد هناك
2. شراء الشجره بكافة المواسير كامله، وديه موجوده فى كل محلات قطع الغيار ، وثمنها يتراوح بين 290 و 325 باختلاف المحلات ،
ومافيش منها حاجه اسمها اصلى وكورى والالش ده، علشان فيه اشتغالات كتير فى موضوع الشجره، كلها مصرى ، فلا تترك احد يكذب لمجرد البيع بسعر مرتفع ، كله واحد، زى مثلا الخرطوم الدائم المشاكل الخاص بعلبة الباور، برده نفس الكلام ، فيه واحد يقولك انا عندى الاصلى اللى مش بيبوظ بسعر 100جم ، قوله لا شكرا انا عاوز ابو 40 جم ، حتى لو مضروب ، لانى كلهم استيراد غبور ، مافيش منهم مضروب واصلى ، غير طبعا الخراطيم اللى بالمتر المصنعه تحت السلم ، انا بتكلم على الخرطوم نفسه ومغلف فى كيس بلاستيك ومطبوع عليه علامة هيونداى ،
لواحد فى السوق شاف بلاوى والله يا عاصم،
فيه واحد كل لما عميل يروحله عنده مشكله بسيطه جدا تتعلق مثلا بتغيير زيت فتيس ولا حساس من الحساسات ولا اى حاجه فى الفتيس، يقولو غير فتيس كامل وريح دماغك، حسسنى انى الفتيس ثمنه 50 جم مثلا ، وده كله لمجرد انه متعاقد مع شخص فى بيع الفتايس وبياخد منه نسبه عاليه غير طبعا المصنعيه 350 جم فى تركيب الفتيس،
ده غير الصنايعى اللى عنده كل لما حد يدخولو يقولو الماكينه خفيفه وعاوزه طقم شمبر ،
سائق تاكسى معاه لانوس وهو كان ضابط بالقوات المسلحه وعلى المعاش وعربيته مافيهاش غاز ، اسمه الحاج احمد ، وده عميلى ، من حوالى 7 شهور اتكسر عنده طبق من الاطباق فى وش السلندر ، راح جرى على النجم بيقولو الحقنى عربيتى عامله 60 الف كيلو بي مع انها موديل 2007 واتكسر منها كستبان، قالو هانفتح ونغير الطقم،
ولبسو الراجل بعد الفتح فى طقم شمبر ، وخدو منه 1000 جم مصنعية عمره كامله ، بحجة انهم طالما فتحو الوش لازم يعملو شمبر ، وده كلام الصنايعى اللى عنده،
اقسم بالله العظيم بعد ال 8 شهور الراجل معملش غير 10 الاف كيلو، والعربيه جابت زيت على البوجيهات و جوه البوابه ، بسبب نوعية الشمبر اللى مش مضبوط مع بستم السياره، وطبعا الحجه انى صاحب العربيه هو اللى شاريه ، طيب وهما ركبوه ليه، مطالبوش تغييره ليه ، وطبعا عدى 8 اشهر يعنى الضمان راح عليه ، لا حول ولا قوة الا بالله وحده، والله العظيم لما شوفت كده انا دمعت على عدم الضمير الموجود
معلش انى صدعتكم بس انا فعلا صعبان عليا الراجل ده ، ونفسى اساعده باى طريقه ، لدرجة انى عرضت عليه انى اعمله العمره بدون مصنعيات ، بس هو رافض الموضوع
المعاش