-
لى زميل سرقت سيارته سيراتو 2012
بالاضافه الى حوالى 10000 مرتبه وعدد 2 موبايل موديلات حديثه
اتصلوا بيبه ودفع 30 الف جنبه 5000 للوسيط
والمبلغ ادفع فى كوم السمن وهى احدى اكبر البؤر الاجراميه وبعد لما راح سلم الفلوس
قالولوا روح اسحب المحضر اللى انت عملته قالوهم انا مش عامل محضر قالولوا انت عامل محضر ورقمه كذا
وبعدها ها تلاقى السياره فى مكان محددينه له وبالفعل راح للمكان اللى قالولوا عليه وجد السياره
ابتسم
لوسمحت تكتب ملابسات عمليه السرقه لعلى وعسى نتعظ منها
-
ربنا يستر احنا بنحاول نشوف حد يروح بدالنا
سترك يارب
العربية اتسرقت من تحت البيت بليل
-
لو عندك حد مرخص سلاح خليه يروح مع بباكى برده حفظ لاى غدر وروحو فى عربيتين
-
هيا مشكله السيراتو ان سرقتها سهله جدا والنترا كمان
-
ابن عمي تعرض لموقف مٌشابه وراح دفع الفلوس وقالولة عربيتك مركونة فى المكان الفلاني وراح لقاها فعلا ، بس لما بيرجع يفكر انهم لففوه 5 ساعات فى محافظات ويعدي ترع وحتت مقطوعة وياخدوا منه الفلوس وميلاقيش عربيتة موجودة (طلعوا فعلا عند كلمتهم ولقى العربية مكان ما قالولة) فتخيلي لو العربية مكنتشي موجودة كان ساعتها هتبقى خسارة كبيرة
اللى اقصدة لازم تشوفوا حد ناشف (بلطجي بقى معلم واحد مدقدق ) المهم حد يعرف يسلك معاهم حتى لو هياخد الف او الفين المهم انتوا متحتكوش بيهم مباشرة
-
ياريت تقولي ملابسات السرقه لان اكيد هتبقي موجوده في كوم السمن والجعافره والقشيش ودي بؤر اجراميه العربيات بترووح علي هناك في الزراعات قولي العربيه اتسرقت فين ويمكن حد يفيد
-
عربيتى لسه كانت مسروقة فى الجعافرة ودفعت 15 الف واخدتها فعلا بس بعد لما كسروا فيها حاجات من جوه علشان كانوا عاوزين يسرقوها
-
لو العربية في برج العرب انا اعرف وسيط هناك يضمنلكوا ان العربية ترجع انا عربيتي اتسرقت و كانت في برج العرب وروحتله بالفلوس و اخدنا العربية
-
شرط اساسى
اللى هيروح هيكون معاه موبيل ب 50 جنية
ميكونش لابس ذهب و له فضة ميكونش لابس ساعة يعنى من الاخر الفلوس و 50 جنية و الموبيل القديم دة و ميروحش بعربية علشان متتاخدش
وربك يستر
-
حسبي الله و نعم الوكيل
اي بلد دي الي البوليس قاعد نايم فيها و الناس بتدور علي طريقة تجيب عرابيتها
ربنا معاكي و مع اهل بيتك و يا رب المشكلة دي تعدي معاكم علي خير
لا نملك الا الدعاء لكي
Content Relevant URLs by
vBSEO 3.6.0 PL2