لا حول ولا قوة الا بالله
ان شاء الله خير وترجع العربية سليمة
عرض للطباعة
لا حول ولا قوة الا بالله
ان شاء الله خير وترجع العربية سليمة
اللهم اك الحمد والشكر يارب
الحمد لله ربنا كرمنا وردلنا العربيه :)
اول حاجه بحب اشكركم كلكم جدا على الردود والمساعده والدعوات
جزاكم الله خيرا ويارب ما حد فيكم يحصله اى مكروة
ححكيلكم بقى على اللى حصل :)
الحمد لله انها رجعت ربنا كان حاسس بيكى
احكيلنا بقى اللى حصل
ححكيلكم على الشرطة الجميله بتاعتنا اننا بلغناهم بالمساومه وقالولنا مش حينفع نطلع كمين فى المكان ده عشان الطريق سريع ومش حنقعد نجرى ورا بعض !!!
ده غير انهم قالوا لزوجى لهفه المواطن دى هيه اللى بتطمع الحرامى لكن انتو طنشوا خالص ومتردوش عليه واحنا حنلاقى العربيه حتى لو بعد شهرين تلاته !!! على اساس انه مش ممكن يفككها ويخليها خرده
ما علينا
ده غير المعامله الغير ادميه اللى اتعاملها فى القسم ومديريه الامن عشان هو ملتحى وطبعا طول الوقت ها ياعم الشيخ مبسوط من الثورة .. ها يعم الشيخ اخبار الاخوان ايه .. ها يعم الشيخ احتاجتلنا فى الاخر ولا لا !!! مع انه منطقش باى كلمه .. مجرد مواطن مصري بيطالب بحقه اللى ضاع وقعد ملطوع فى القسم للساعه 2 بليل
المهم زوجى الحمد لله قدر يجيب ناس من 4ونص يعرفهم واتفق انهم يروحوا لوحدهم
وكان واحد منهم عنده تاكسى عشان لو لا قدر الله حصل حاجه يقول انه سواق تاكسي عادى احنا منعرفوش عشان ميتخدش فى الرجلين . كتر خيره انه رضى يروح اصلا
واحد منهم خاف يروح اللى هو المفروض كان حيرجع بالعربيه بعد ما نستلمها :)
زوجى راح معاهم وخبى علينا عشان منقلقش
الكوميدى فى الموضوع
انه اتصل بالحرامى قالوا انا ايه اللى يضمنلى انك تدينى العربيه
قالوا ياباشا انا عاوز الفلوس
وممكن اديلك ارقام ناس سرقتها قبل كده اتاكد انى رجعتلهم العربيه ^_^ بقوا اصحاب الظاهر عشان طلع حرامى امين ورجع الحاجه هههههههه
خلينا فى المفيد
زوجى من الساعه 9 للساعه 12 مبيردش وكنسله بس
وفى الاخر قالى اقفلى عشان احنا متراقبين O_o
ابتدا الفيلم الاجنبى
فضلوا على اتصال بالحراميه (خدوا بالكم انه مطلعش حرامى دول عصابه عشان الناس اللى بتقول نطلع نكتفه وناخد الفلوس ^_^ )
مش اقل من تلات عربيات متابعه زوجى من ساعه ما شافوا عربيته لحد مكان التسليم اللى طلع فى االاخر
((( بنها )))
وطبعا كل شويه يوقفوه عشان يتاكدو ان مفيش عربيات وراه ولا بوليس
وانه لوحده مع التاكسي
طبعا هما طولوا المشوار قوى عشان يتاكدوا انه مش معاهم حد
وفى الاخر نزلوا زوجى من العربيه (كل التعليمات دى على الموبايل)
وخلوه يعدى الشارع
ويسيب الفلوس تحت طوبه معينه لقى تحتيها الرخصه وكتالوج العربيه
طبعا زوجى حط الفلوس ومستنى التعليمات (مفيش اثر للعربيه يعنى لو كانوا عاوزين يخلعوا كانوا حيخلعوا)
قالوله عدى اركب العربيه ولف يو تيرن وحنكلمك
اتصلوا تانى (جوزى كان سامع صوت الفلوس وهيه بتتعد ) اطمنوا ان الفلوس مش مزورة وان المبلغ مظبوط
عشان انا ناصحة وكنت بقول لزوجى مهو ممكن حد يحطلهم 5 الف جنيه بس ^_^
اللحمد لله والشكر لله دلوه على مكان العربيه وفعلا راح لقاها
بس طبعا سرقوا الاستيبن والعده وكسروا الكونتاك والتابلوه معرفش ليه
بس كده :) ربنا ما يكتبب اللى شفناه على حد ويسترها علينا كلنا
المشكله دلوقتى ان جوزى عاوز يهاجر ويسيب البلد D:
صدعتكم معايا بس كتر خيركم والله وشكرا لكل الناس اللى عرضت عليا مساعده
جزاكم الله كل خير
لا اراكم الله مكروها فى عزيز لديكم
لا حول ولا قوة إلا بالله العلي العظيم
أسأل الله العلي العظيم أن يخفلكم خيرا وأن يأجركم في مصابكم وأن يخلفكم خيرا منه
والحمد لله الذي بنعمته تتم الصالحات أن رد إليكم ضالتكم
وحسبنا الله ونعم الوكيل فيمن سرقها وفيمن أعانه على ذلك
والله حضرتك من 16 عشر يوما كسر زجاج سيارتي وسرقت محتوياتها وذهبت للقسم لعمل مذكرة فقد , واتفرجي على المعاملة , أيضا بسبب اللحية
نسأل الله العفو والعافية لنا ولكم وللمسلمين والمسلمات ,
اه ونصيحه لله
اى حد بعد كده ينزل من عربيته فى اى مكان
لازم يعمل الجادون "مسوجر" مش عارفه هيه ليها اسم تانى ولا لا اعذرونى
كذا حد قالنا الجادون لما يتقفل كده مهما الحرامى حاول يدور العربيه مش حتدور غير بمفتحها
وفى حاجه سمعنا عنها لسه حنسال فيها ان العربيه متدورش غير لما تربط حزام الامان
وطبعا عمر الحرامى ما حيفكر يربط الحزام
كلها حيل بنحاول فيها نحمى حاجاتنا فى بلدنا الجميله
:)
الحمد لله