صوت السماعات مش طبيعي

**احمداحمدعيد** · 27-03-2014 04:59 AM

تحياتي لحضراتكم وارجوا ان يكون هناك حل لمشكلتي وهي بإختصار صوت سماعات العربية بيكون تمام ورايق جداااااااااا قبل ما أدور العربية مجرد ما افتح كونتاك العربية السماعات بيكون فيها زنة رخمة قوووي ومزعجة ومش عارف اية السبب وإية الحل ارجو التفضل بشرح حل لمشكلتي وخالص تحياتي دوووما لحضراتكم

**baherhassan30** · 27-03-2014 06:57 AM

راكب وصلات الكهرباء .. ولو العربية قديمة شوية .. شوف الكندنسر

**dr.hazem** · 27-03-2014 07:10 AM

لو بوجيهاتك عاديه ركب نوع بمقاومه ولو مراحش الصوت بتركب فلتر على كهرا الكست
واتاكد من سلوك البواجي واسلاك الارضي....
تحياتي

Sent from my mobile using Forum Runner

**Amr_Azab** · 27-03-2014 03:38 PM

أعزل أسلاك البوجيهات من عند الآطراف بشيكارتون حراري
وركب مقاومة للكاسيت من عند اي محل اليكترونيات
لان الزنة دي نتيجة تسريب شحنات كهربائية

**samaty** · 10-04-2014 09:21 AM

لو عايز حل جذري ونهائي لكل المشاكل دي
روح لأي حد بيصلح راديو قولله عايز عمود فيرايت بتاع ايريال راديو أو لو إنت عندك أي راديو قديم ممكن تجيبه منه هتلاقيه صابع زي الفحم بس جامد مش بيتكسر بسهولة زي الفحم وكمان الباور سبلاي بتاع الكومبيوتر فيه منه 6
هتجيبه وتروح لأي حد بيصلح مواتير كهربا تقولله يلفلك عليه سلك 30 معزول ( متورنش)
هتروح لأي حد بتاع قطع غيار الكترونيات وتقولله عايز مكثفين 10000uf/16v أو أعلى
دلوقتي عندك الملف والمكثفين
السلك اللي علي الملف بيكون معزول هتقشر طرفه بسكينة علشان التوصيل
المكثف هتلاقي رجل منه جنبها خط أسود هتوصل الرجل اللي جنبها خط أسود مع اللي زيها من المكثف التاني ودي هنسميها الأرضي لأنها هتوصل بسلك الأرضي بتاع الكاسيت اللي بيكون لونه أسود
الرجلين التانيين للمكثفين هنوصلهم ببعض ونوصلهم بسلك من الملف وهنسميهم الخرج وهنقطع سلك الكهرباء بتاع الكاسيت اللي بيكون لونه أحمر ونوصل باللي رايح الكاسيت
أما الطرف التاني بتاع الملف فده بيكون الدخل وهيتوصل بالطرف التاني للسلك الأحمر اللي جاي من كهرباء السيارة
وبكده هتنتهي مشاكل الراديو والتشويش عليه وعلى الكاسيت وكمان مش هيفصل لو العربيه بطلت ودورتها تاني