الموضوع: ياجماعه عندى مشكله على حسب حلها هاتحددلى مصير العربيه

انا مش عارف اعمل ايه اغير ماتور كامل بفتيسه بعفشته بكل حاجته ولا مجرد بلوك يصلح المشكله

اولا : كنت عاوز اسال انا عندى ماتور 1800 cc gsr vtech وللاسف انا جلخت البلوك لانه قفع منى وبتاع وغيرت جوانات والحوار اللى اى حد فاهم فهوندا عارف يعنى ايه تجليخ وتغيير جوانات موتور المهم المكنه بقت تمام وماشى بيها بس خلاص روحت اقيس كبس الموتور من اسبوع لاقيته رايح فداهيه يعنى مش نافع تانى وانا بصراحه المكنه ديه عاجبانى وبالمناسبه انا عربيتى 92 si وفتيس اوتوماتيك فا كنت عاوز اعرف لو غيرت بلوك بس ياترى انا بكده هاحيى الموتور تانى ولا برده مش هاينفع يعنى من غير ادوات التغذيه يعنى ولا اجيب مكنه واريح دماغى وفى النهايه بالنسبه للموضوع ده ياريت اعرف سعره هايكون كام واقدر اجيبه منين سواء شورت بلوك او بلوك او موتور كامل او موتور فاضى من غير فتيس يعنى او عفشه اسعارهم ايه ومنين اذا تكرمتوا

ثانيا : انا الفتيس زى ماقولت قبل كده اوتوماتيك اللى هو الفتيس الكبير وبرده حصلت فيه مشاكل وفكيته وصلحته وغيرت فى شوية حاجات كده بس المشكله لغاية دلوقتى بعد التصليح العربيه بتترعش على الاول يعنى مابتعرفش تأمرك بيها مثلا ولو وقفت فاشاره ولا حاجه لازم تكون رجلك دايسه على الفرامل شويه لغاية لما تسمع صوت الغيار الاول وده بياخد وقت من ثانيه ل 3 ثوانى ولو رفعت رجلك بدرى عن كده ينقل بس النقله وهيا بتيجى بيخلى العربيه تبرجل كده وتترعش وبعد كده بتمشى عادى مع العلم ان باقى الغيارات كلها تمام ( العربيه سحبها معايا مش قد كده )

اسف للاطاله وانا عملته فموضوع جديد لانى مش لاقى اى مواضيع عن الهوندا لسه مستمره ولكن هيا ديه كل مشاكلى فى العربيه وارجو الافاده والرد وشكرا

انا طبعا ما عنديش خبرة كبيرة فى العربيات
بس مش عارف ليه حاسس ان المشكلة عندك فى الكونترول او حساس البنزين لو انت عندك حساس مش سلك . مش الماتور
يعنى رعشة الاول ة رجلك ع الدواسة 3ثوانى معناها ان العربية بتقرا رجلك ع الدواسة متأخر و بتحضر متأخر . و حتة انك ما تعرفش تأمرك بيها اصلا فى الاوتوماتيك عادى بيتهيالى . و لو نقلت على طول بتنقل بس بترعش ة تبرجل دى معناها انك بتدى الماتور بالقفا عشان يشتغل لانه ما كانش حاسس اصلا انك عاوز تتحرك .
اسف على ضعف خبرتى بس كده المشكلة مش ماتور . هاتلاقيها كهربا . كونترول . حساس .