-
مع كامل احترامي لكل كلام الصنايعية اللي اشتغلوا
بس دة كلام فارغ
العربية خالفة تقسيمة ولازم تتظبط مرة تانية
طالما بتبطل يبقي التوقيت Timing مش مظبوط (توقيت دخول الهوا وفتح الصباب وخروج العادم والحريق ونزول البستم وكمان علي عمودين كامة 16 صمام) لازم يكون مظبوط علي الشعرة بالمسطرة والورقة والقلم زي ما قال م/ايهاب
ولفظ مسطرة دة مش مجاز - دة بجد
تحياتي
-
حبيبي يا هندسة
ماشوفتش ردك وانا بكتب
فعلا كمان زيت الفتيس دة غلط غلط غلط
اوﻻ اعرف اللزوحة الصح من الكتالوج وتجيب زيه بالظبط من اي ماركة او من موزع معتمد قطع غيار فولكس وتجيب الزيت الاصلي
تحياتي
-
اتفضل يا افندم ... موضوع عن كيفية ضبط كاتينة عربيتك
http://www.nilemotors.net/Nile/421030-1400-16-2-a.html
و بالتوفيق لك و للجميع
-
موفــــــــــق إنشاء الله
-
شكرا لكل الرجاله اللى ردت, فعلا كلامكم مقنع ومنطقى, وكلمت الاستاذ الدكتور الميكانيكى ومش مقتنع, ومصمم انها عايزه ظبط كهربا
وشكر خاص للباشمهندس ايهاب, انت فعلا انسان محترم وأكاديمي
الفكره دلوقتى أنا, هاطبع التقرير بتاع المهندس ايهاب وهاروح للميكانيكى وهاخليه يشتغل غصب عن عينه من التقرير ده, وهاراجع عليه وكله هيبان بالتجربة, كل ميكانيكى عامل انه دكتور وكل المهندسين المتعلمين عيال طريه مش فاهمة حاجة
المشكلة انى مضطر امشى عليها كده 5 أيام, عشان اروحله يوم السبت الجاى, هل فى خطر كده للماتور ؟؟
بالنسبة للزيت, الوقت كان اتأخر قوى وانا كنت فعلا جبت اخرى, والمانيوال عندى بيقول كل 30 الف يتزود الزيت مش بيتغير, اللى بيتغتير خالص هو ال دى اس جى 7 نقلات, انا 4 نقلات عادى
أعتقد عشان كان كل الزيت ينزل, كان لازم نبطل العربية نص ساعة مثلا, وبعدين نملا زيت من فوق
والزيت اللى نزل فعلا كان لونه وحش وخفيف, عامة مش القصة دلوقتى, الأهم الكاتينه
شكرا تانى على اهتمامكم, وتابعوا معايا الله يخليكم
-
أعتقد خطر المشي بالشكل دة لأن لا قدر الله مكن تكسر صباب او تعوجه
كمان ريست الكونترول بيبقي فصل الكهرباء والأرضي نص ساعة
اما عن زيت الفتيس لازم ينزل
تحياتي
-
أعمل الى أتقلك يا استاذ كيرلوس
كده أنتا فهمت الاحساس الى كان وصلى ونوهت عنه فى مشركتى ان الميكانيكى بيفتى بس مرضتش اسبق عشان ماتزعلش وانتا كده اظن اتاكدت خلاص
وبلاش تمشى كده قدر المستطاع
وخير ان شاء الله وربنا يوفقك
-
طيب أنا هاحاول اروح بعربية اخويا الشغل, وانا عامة بمشى حوالى 20 كيلو رايح جاى, مش مشوار قوى
بالنسبة للفتيس, هامشى على الزيت ده شوية وبعدين هانزلة وأجيب مصفاة زيت جديدة واغير الزيت كله قريب ان شاء الله
النهاردة وانا سايق العربية جبت بيها 100 والسحب كان ممتاز والغيارات انعم من قبل كده, المشكلة بس لما تقف على N بتلاقى الار بى ام بيلعب (بينزل) وفى رجرجة بسيطة, ولو فتحت النور ممكن تبطل, انما فى الجرى, 100 100
https://www.youtube.com/watch?v=9AhH3CsjHWI
الراجل عمل الكلام اللى فى الفيديو ده بالظبط وعلى فكره ده بالظبط موتور عربيتى BBY ونفس الحوض بالظبط, وكان مثبت الترسين قدام بعض, وظبط عمود الكرنك, ده قدام عينى
الشىء الوحيد اللى عمله زيادة انه فك اول بوجيه, وحط مفك طويل قوى عشان يتأكد ان الصباب نازل مش طالع على ما أعتقد, فأنا برجح المشكلة حصلت فى جزء من فى جزئين بالظبط
1- حصل وأنا واقف انه البوجيه وهو بيشيله, وقع من ايدية على الارض وبعدين شاله وركبه لما خلص, ممكن يكون باظ, أنا اسمع ان لو بوجيه بايظ, الناس تقول العربية متلته, مش عارف اللى عندى ده ينطبق ولا لأ, يعنى تسحب كويس بس ترجرج فى الايدل
2- أو ان البوجيه سليم, بس وهو بيركب السير الكبير بين الكامات والكرنك, فرق معاه على سنه فى الكرنك, لأن ترس الكامات كان متثبت
والله أعلم
-
الاحتمال التانى
بلاش اللون الاحمر فى الكتابه
-
شوف حضرتك بغض النظر المشكلة فين ... لكن فيه مشكلة و المسئول عنها هو الميكانيكي
ممكن تكون الكاتينة مضبوطه لكن مش هنخسر حاجه لو راجعنا عليها و خاصة ان الموضوع بسيط جدا جدا
لو طلعت مضبوطه محتمل يكون فعلا البوجيه ده باظ لما وقع منه و عايز يتغير خاصة ان وقوع البوجيه علي سنه يبوظه فعلا
Content Relevant URLs by
vBSEO 3.6.0 PL2