يا جماعة انا عايز اعرف انا ازاي ممكن اطلب من واحده اعجبت بيها انها تتحجب عشان اهلي يوافقوا اني اخطبها ولا الكلام ده بعد الخطوبه ممكن ولا امتى
ولا مش ممكن؟؟؟
عرض للطباعة
يا جماعة انا عايز اعرف انا ازاي ممكن اطلب من واحده اعجبت بيها انها تتحجب عشان اهلي يوافقوا اني اخطبها ولا الكلام ده بعد الخطوبه ممكن ولا امتى
ولا مش ممكن؟؟؟
لا مش ممكن اطلب منها كدة لانها لو متربتش اساسا على الحجاب والحشمة
فبعد الجواز هتقلعة بعد الجواز او حتى لو هتلبس الحجابهتلبس حجاب الضيق اللى المتبرجة احسن منة واشرف من وجهه نظرى!!
والله يا بشمهندس احمد انت شايف ان دى شخصيتها وطريقة لبسها
لو عجباك وعجبه اسرتك على كده ماشى
لو مش عاجباكم يبقى سيبها ترتبط بحد متقبلها على حالتها
مع العلم انى لا اؤيد ابدا التبرج مهما كان شكله
وربنا يوفقك ويوفقها
اقنعها الاول لكن ولو اقتنعت فعلا خلاص يبقى تمام
لكن فى الوقت ده ليس لك سلطان عليها هى حره وممكن فعلا اخلاقها كويسه ومؤدبه ولم تجد من يقنعها بالحسنى
هو الحجاب مهم جدا بس مش الحجاب وحده الذى يقنعك ويقنع الاهل
اظفر بذات الدين والمتدينه طبيعى جدا هتكون محجبه لكن المحجبات مش كلهم متدينيى .. فهمتنى
ممكن تكلمها من بعيد و تشوف رد فعلها ايه
لأنها مكن تهاجمك من باب انك تريد تغيرها او لأنك تعتبرها ناقصة أو لأانك تعتبرها غير كفؤ إلا بعد التغيير
كلمها بصيغة عامة و هاتلها نماذج آراء الدين و آراء الناس
و لو هي تفكريها فطري و من غير متأثر بالابتذال اللموجود حوالينا يبقى حتقنع أهلك بيها من غير حجاب حتى و هي كمان حتقتنع بأنها حتتحجب
قرب منها وحاول تتكلم معاها فى الموضوع ده بس بطريقه غير مباشره منعا للاحراج والله جاب نتيجه خير وبركه مجبش نتيجه يبقى اخلع بالطريقه علشان دى اللى هتربى ولادك
المشكلة انا مش عارف اجيبها ازاي ؟؟
وغير كده انا مليش اي علاقة رسمية او غير رسمية بيها يعني حتىلو اتكلمت معاها مش هينفع ادخل في خصوصياتها
يعني مثلا اروحلها وأقولها انا معجب بيكي وعايز اتقدملك بس بشرط تتحجبي ( فاعتقادي انها اكيد هترفض عشان هتحس اني بتشرط عليها)
وفي نفس الوقت انا أمي منقبه وصعب اقنعها بأني اتقدم وبعدين هغيرها
حضرتك عامل موضوع تاني لنفس الموضوع.حيرتنا. الغي الموضوع التاني و خلي واحد فيهم. الحجاب طبعا فرض و حضرتك ستحاسب علي اعمال زوجتك لان الله اعطاك حق القوامة و المسئولية و هي لن تحاسب علي اعمالك يعني لازم تفكر كويس . لكن الحجاب ليس شرطا انها تكون مختلفة عنك . انا كان عندي زميلة كانت غير محجبة لكن لبسها محترم لسه متخرجة. البنت دي كانت مثالية بمعني الكلمة ممتازة و يتمناها اي شخص. محترمة مؤدبة و رغم عدم حجابها لكن اقدر اقول متدينة. يعني بتقرأ قرآن ، تصلي معنا في مسجد الشركة وفوق ذلك عشان محدش يقول عبادات و مظاهر فقط عندها ضمير و علي خلق عال جدا. انا مع اكثر من زميله حاولنا نقنعها بالحجاب طبعا واحده واحده لان عندها استعداد و عارف حضرتك والدتها محجبة عادي لكن كل اهل والدها غير محجبات و لا يحبون الحجاب . بس الحمد لله اتحجبت و بعد فترة تزوجت زواجا تقليديا. لا اعرف الكثير عن زوجها ده مش مهم . المهم انها اتحجبت لنفسها و ليس من اجل احد. لكن القصد انك عارف الفتاة لو زميلتك و عارف اخلاقها مش مشكلة عدم حجابها الان لكن الاهم هل عندها استعداد للحجاب عن اقتناع ام لا. حضرتك لو عايز زوجتك محجبة يبقي تتأكد انها هي تريد الحجاب لكن مثلا لم تقرر بعد يعني تتحجب من اجل الله فقط بارادتها و ليست تضحية من اجلك. لو مش مشكلة عندك انها تتحجب اصلا يبقي انت حر.مسألة تروح تقولها اتحجبي عشان اتقدملك دي طبعا لا تنفع ابدا. كلمها عادي الاول و في وسط الكلام اذكر الحجاب انك تسألها مفكرتيش في الحجاب مثلا و شوف رأيها . في بنات بتتغاظ لو حد كلمها في الحكاية دي لانها هتعتبر ده تدخل في حياتها و كمان خلي بالك انا اعرف واحده تانيه غير محجبة و ليس عندها اي استعداد للحجاب لا من اجل نفسها ولا من اجل احد لكن عادية مش مثالية زي الاخري و اتخطبت و خطيبها و والدته طبعا لم يعجبهما لبسها و كانت تنقضها هي و خطيبها فقالت كلمتها الشهيرة: انت خطبتني كدة و لم تعلق علي اللبس ده قبل الخطوبة و طبعا والدتك هي السبب اذن ليس من حقك ان تطلب اني اتغير.فكر و صلي استخارة
هوا انت نفس الشخص يا احمد اللى كنت عامل موضوع انك تخطب قبل الجيش ولا تستنى؟ ولو انت هل انت قصدك على نفس البنت؟
اخي الكريم الايمان هو ما وقر في القلب وصدقه العمل
والتعليم في الصغر كالنقش على الحجر
وطالما انها لم تحتجب منذ بدايه سن المراهقه على الاقل فلا تنتظر منها ان تقتنع بالحجاب الا ان تصطدم بمواقف وترى عبرات في الحياه تجعلها تخشى الله وتعود اليه
للاسف لا استطيع ان اعطيك رأي بالزواج منها ولكن ما استطيع قوله هو تذكيرك بهذا الحديث النبوي حيث قال رسول الله صلى الله عليه وسلم لا يدخل الجنه ديوث قيل وما الديوث قال الذي لا يغار على حرماته
وهي بكشفها لشعرها واظهار مفاتنها تجعلها سلعه على مرأى ومسمع من الناس
هذه الحديث يخاطبك بأنك لو لم تكن لديك اشكاليه في عدم حجابها فانه لا يجوز باي حال من الاحوال الا اذا كنت لك رأي اخر
بجانب انها ستكون ام اولادك فلو افترضنا انك ستتفق معها بأنك انت من سيتولى تربيه الاولاد اقصد التربيه الدينيه كتحفيظهم للقران واصطحابهم للمسجد .. الخ ولا دخل لها بهم هي فقط تطعمهم وتكسيهم ...الا انها ستكون قدوة لاولادك ومهما فعلت سيثير عدم احتجابها تساؤلات لدى اولادك لانها تعتبر حاله شاذه بالنسبه لمجتمعنا
والقرار قرارك
الحجاب فرض و لكن اللي مش لابسه حجاب مش تبقي بنت شمال او نحكم عليها انها من اهل النار يعني
لو هتعمل مشاكل مع اهلك يبقي بناقص من الجوازه
و بعدين هي مش لابسه حجاب يعني مش مقتنعه بيه و لو خليتها تلبس الحجاب عشان خاطر اهلك يبقي هتلبسه غصب عنها مش بالتراضي و ده هيبقي نفاق و مش هتبقوا مبسوطين
ده رأيي
هقولك على نصيحة عن تجربة ..... سيبك من قصة اخلاقها كويسة ديه ..... لان ببساطة البنت بره البيت قبل الجواز حاجة و بعد الجاوز حاجة تانية خااااالص...... بالاضافة ان الاخلاق ملهاش معايير ثابتة و ممكن تتغير بتغير الوقت او المكان
انما الدين هو الاساس و هو الضامن الوحيد انها تبقى زوجة صالحة ...... من الاخر اظفر بذات الدين ........ و إلا هتندم
و طبعا مش محتاج اني اقولك ان المحجبة مش معناها بالضرورة انها عندها دين .... لان ممكن واحده لبساه لانها اتعودت او اتربيت عليه او علشان الشكل الاجتماعي .... و في نفس الوقت مش متخيل واحده مش ملتزمة بالزي الشرعي عندها دين
لا مش ممكن طبعاً. واللي يعمل كدا يبقى مش عايز يتجوزها ولكنه عايز يستعبدها عبادة ويشكلها زي ما هو عايز...وفي النهاية هيديلها حب "مشروط" وهو أسوأ حاجة ممكن تحصل لأي جوازة.
مع احترامى لكل آراء الزملاء هنا بس بصراحة أنا شايف ان دة عادى ... بنات كتير جدا مش بتبقى محجبة وبعد كدة بتتحجب ومشىمعنى كدة انهم مش كويسين
انا زوجتى اول سنتين اما كنا فالكلية مكنتش محجبة وبعد كدة اتحجبت واحنا فالكلية وبدون ضغط منى ومقلعتوش بعد الجواز ولا حاجة من الكلام دة معالعلم اننا متجوزين من 8 سنين وزيادة
مش بقول انه ميتجوزش محجبة بالعكس لكن قصدى لو هى ابدت استعداد ومقتنعة يبقى مفيش مشكلة نهائى
بس لازم يعرف انها اما هتبقى على ذمته هتبقى تصرفاتها فى رقبته يعنى مينفعش يتجوزها مش محجبة ويقول يمكن بكرة تقتنع
وعلى فكرة فى بنات بتستنى تتجوز عشان تاخد راحتها فاللبس بل وتقلع الحجاب كمان .. انا اتصدمت اما قابلت واحد صاحبى مرة ومراته قلعت الحجاب بعد ما كانت محجبة زمن طويل وبعد ما خلفوا كمان بل الكبيرة بقا انا مرة لقيت واحدة محجبة فى الغردقة لقيتها نازلة البحر بمايوووووووه
الضامن الوحيد هى اخلاق البنت وتوفيق ربنا سبحانه وتعالى فالاختيار للزوجة الصالحة وشخصية الزوج وعدم رضوخه ليها
يا ترى كانت بتصلى بالحجاب ولا من غيرو؟؟
1: اذا كانت بتصلى من غيرو يبقى زى ماكلنا عارفين مش هينفعلها صلاه
2: اذا كانت بتصلى بالحجاب يبقى ليه بتخلعه بعد الصلاه (قمة التناقض)
بس مش معنى كده ان كل واحده حاطه قطعة قماش على شعرها تبقى محتشمة ومحترمة
فى فرق كبير بين المحجبة العادية والمحجبة المحتشمه
مالها البنت اللى فى الصورة
محجبة ولبسها محترم والعفة ماليه وجهها (وشها)
ده الحجاب اللى بتكلم عليه
https://scontent-a-cdg.xx.fbcdn.net/...09844576_n.jpg
لكن ما تجبش حاجه زى الصور الجاية وتقول ماهى محجبة وزى الفل اهو
http://fotos.fotoflexer.com/e445212e...7d5618f75d.jpg
http://fotos.fotoflexer.com/cc1a2074...ad51ca6dea.jpg
دلوقتى حد ممكن يقولى مش باللبس والمظهر اهم حاجة الاخلاق
هرد عليه واقوله الاخلاق مهمه طبعا
ولو كان فيه اخلاق اكيد كانت هتبان على المظهر
يعنى ما تجبليش واد مسقط بنطلونه والبوكسر باين وتقولى مش مهم لبسه ده واد زوق ومحترم اوى
لو كان محترم فعلا كان بان على كل حاجه فيه
كان بان على تسريحة شعره
على طريقة لبسه
على الكلمه اللى بتطلع من فمه(بؤه يعنى)
................................
بعد هذا الكلام قد يرانى البعض متخلفا من العصور الحجرية
والبعض الاخر قد يرانى رجلا ذو نخوة ورجولة
وكل واحد يقول اللى يناسب ذوقه وتفكيره
.....................................
بالنسبة لموضوع زواج الاخ صاحب الموضوع
انا شايف انك تأجل موضوع الجواز دلوقتى خالص وماتفكرش فيه قبل مايكون سنك على الاقل 25 سنه
صدقنى هتفرق معاك جامد لأن تفكيرك وشخصيتك بتتغير كتير فى الفترة دى
واللى انت مقتنع بيه دلوقتى ممكن تقتنع بعكسه فى المستقبل
+ انك هتكون اكثر نضجا واكثر قدرة على تحمل المسؤلية علشان ماتحملش نفسك فوق طاقتها وتبهدل بنات الناس معاك
...................................
ربنا يتوب علينا ويهدينا ويسترنا جميعا
الاخ الكريم طبعا بتصلي بالحجاب. حضرتك ركزت علي النقطة دي فقط . اقرأ المشاركة من الاول للاخر. انا ذكرت ان لبسها قبل الحجاب كان محترم يعني له حدود و ليس مثل الصور اللي حضرتك نشرتها.ثم انها اتحجبت ليس كصاحبة الصورة الأولي تماما لكن معقوله ليست ابدا كالبس المتبرج للصور الاخري التي اري انه لا يصلح حتي في بيت الاسرة امام الاب او الاخوة المحارم.لم يقر احد ان تكون زوجته غير محجبة و لكن هي لم تتحجب بعد.لقد نصحته ان يعرف رأيها اولا و ان كانت تنوي الحجاب لله و ليس من اجل احد.ثم انه هو الذي سأل الرأي فيها فهو اعلم ان كانت مثل الفتاة الاولي ام الثانية. كان فيه موضوعات عن الحجاب في المنتدي و كان رأيي فيها تماما مثل رأي حضرتك . الحجاب للاسف اختزل في قطعة قماش علي الرأس و لا اعرف كيف تنزل فتاة من منزلها بمثل ما نراه من تبرج في الشارع .و الله انها تؤذي عيني مثلكم واشعر بالحسرة علي هذه المناظر.و للاسف معي زميلات متزوجات و محجبات الحجاب الذي اطلق عليه امريكاني يعني ملوش لزمة.
و لن اقول انك متحجر .الحجاب فرض من اجل الله فقط و ليس من اجل النخوة و ليس تفاديا للمعاكسة و لكنه يتوافق مع النخوة و الحفاظ علي المرأة.
الاهم ان انت التكون عايز بنت محجبة مش اهلك لانك انت الحتتجوزها و تكون المسؤل. الموضوع مش فارق معاك دى حجة تانية.
اعتقد انك المفروض تكون مباشر فى الموضوع ده لان رد الفعل حيبين حجات كتير و حيديك فكرة لا باس بها عن معدن البنت.
متطلبش منها ان هي تلبس او تقلع حجاب, اسالها ايه خطتها بالنسبة للحجاب و تصورها ليه فى المرحلة الجاية من حيتها.
و اسمع منها الاول و متتسرعش فى اى استنتجات بدون متسمع و تتاكد انك فهمت كويس القلتهولك و سعتها القرار ليك.
ممكن رجاء و طلب من حضرتك تطلب من الادارة ضم الموضوعين لان اكيد محتارين نكتب و نتابع هنا ولا هناك.عرضك للمشكلة مكنش واضح هناك من الاول و ظهر قليلا مع ردودك علي المشاركات. مشكلتك هناك عن الاختلاف الفكري و لم توضع غير الحجاب و كلامك يدل ان المشكلة في الاهل فقط اما هنا فالموضوع عن الحجاب فقط و مكنش واضح اذا كان يفرق معاك او لا الا بعد هذا الرد . ممكن توضح اكثر ايه هو الخلاف الفكري اللي بينكم. لو فيه خلاف فكري يبقي اصلا ايه اللي عجبك فيها. يا ابني ده انا كان معايا اثنين في الكلية متشابهين في كل حاجة حتي شكلهم و كما توقعت اتخطبوا و قلنا دول متطابقين يعني كل اسباب النجاح حب و توافق اجتماعي كامل و متشابه جدا و كليه واحدة و ظلوا مخطوبين من اول سنة لاخر سنة و كمان سنه بعدها اشتغلوا و بعدين فجأه عرفت انهم فسخوا الخطوبة!!!! و الغريب انهم الاثنين بعد شهور هي اتخطبت و هو خطب و بعدها بفترة قصيرة و الغريبة في نفس الشهر تقريبا كل واحد فيهم قد تزوج!!! طبعا زواج تقليدى. تقوم تبدأها انت بخلاف فكري.و بعدين هو حضرتك لسة عايز تخطبها و بعدين تقنعها بالحجاب. انا حكيت لحضرتك علي البنتين اللي اعرفهم كويس مش غيبة ولا تسلية لكن عشان تعرف هي زي مين فيهم و لو زي التانية ممكن تقولك نفس كلمتها الشهيرة. يعني تجارب الاخرين توفر علينا التجربة لو استفدنا منها. و اقترحت عليك تسألها بشكل غير مباشر عن الحجاب او ممكن لو فيه زميلة تثق فيها ممكن هي تسألها و مش لازم تقولها انك ناوي تخطبها قول لها انك نفسك البنات كلها تتحجب يعني من باب انصيحة و انها هي كبنت ممكن تنصحها و شوف رد فعلها هيكون ايه. لو مش عايزة يبقي البنات كثير و لسة قدامك المستقبل ان شاء الله. ولو عندها استعداد يبقي تشجعها و تشوف و لا تبدأ اي خطوة الا بعد ان تراها محجبة و اكرر لله فقط.
اولا شكرا جزيلا لاهتمام حضرتك
ثانيا بالنسبة للموضوعين اللي انا عملهم انا عملت الموضوع الاول عشان اشوف لو حد مر بالتجربة دي واشوف الامور وصلت معاه لفين ،، بالنسبة للموضوع التاني انا بسأل كل الاعضاء على الطريقة وازاي اطلب منها تتحجب بس طبعا لو الناس حسه انها تاهت مفيش مشكلة من غلق احد الموضوعين
ثالثا بالنسبة لسؤال حضرتك انك ازاي حبتها وانت مختلف معاها فكريا والله الامر مش بيدي أعجب بواحده والتانيه لاء بس الحقيقة ان الحكاية كلها مجرد اعجاب
رابعا حضرتك لو قريتي الموضوع التالت بتاع دخولي الجيش حتعرفي ان موقفي مش قوي اوي عشان اتشرط عليها لاني برده عندي مشاكل كتير
بالنسبة للخلاف الفكري هوضح لحضرتك
مثلا انا اتربيت في بيت مفيش فيه حد بيتفرج على افلام ولا اغاني
اتربيت في بيت دايما في اي مناسبة بيبقى الرجالة منفصلين عن البنات
انا اتربيت في بيت مينفعش اختي تنزل لوحدها بالليل واو تفكر تشتغل في مكان فيه ولاد
اتربيت ان مينفعش البنت تكلم زمايلها الولاد
اتربيت في بيت مينفعش اسلم فيه بالايد على بنات عمي وخيلاني
هيا بقى عكسي تماما في كل ده
بس بردو مش عارف امنع نفسي من التفكير فيها
شايف انك تحاول بطريقة غير مباشرة
لكن متتنازلش عن الموضوع طالما معجب بأخلاق الطرف الاخر
وتبقي نصيحة وحاجة كويسة
اتأكد الاول ان فيه حب واعجااب حقيقي
لأن ناس كتير من اللى اتربوا في بيت متزمت وفيه فصل واضح بين الجنسين في العائلة والوسط المحيط
بيبقي سهل جداً يقعوا في اعجاب او حب وهمي مع اول فتاة متحررة يقابلها في حياتة .. لأنه بيبقى مفيش عنده اي تعامل سابق مع فتاة غريبة عنه
وهيبقى بتتعب نفسك على الفاضي في نزوة
وبعد ماتمر سنه او اتنين تلاقي نفسك مفيش اي حاجه بتربطك باللى بقت مراتك
وهنا بتحصل مشاكل كبير ويحصل انفصال لعدم التكافؤ والتوافق في اي شئ
انما لو كلامك عن الاسره ده مجرد تربية لكن تجاوزت هذه التربية في مرحلة الجامعه مثلاً
يبقى الموضوع ممكن يكون اعجاب حقيقي يستاهل مجهودك في التوفيق بين الفتاة والاهل
تحليل حضرتك منطقي جدا و رائع فعلا
انا فعلا من اهم اسباب مراجعتي لنفسي في موضوع الفصل التام بين الرجال والنساء هوا اللي حسيت بيه اول ما دخلت الجامعه وفعلا دا خلاني اعجب بسرعة بأول بنت كلمتها في الكلية (عشان كده في صراع داخلي جوايا هل فعلا تربية ابويا وامي كانت صح طبقا لديننا ولا كانت زيادة عن اللازم وهل لازم اعمل كده مع اولادي ولا لاء )
بس اعتقد ان مع مرور الوقت واحتكاكي ببنات كتير في الكليه خلاني اتغير شوية من ناحية الاعجاب المتسرع ( بس بردو لسه الصراع الداخلي جوايا ما بين انا صح ولا اهلي صح )
انا متفق تماما مع الرأي دهاقتباس:
المشاركة الأصلية كتبت بواسطة prince91720
Sent from my GT-N7000 using Forum Runner
في الجواز الجاهز احسن من التفصيل ...... اختار شريك حياة متوافق مع طباعك لان محدش بيتغير عشان حد
مش شايف فيها مشكله اطلب منها تتحجب ودى خطوة احييك عليها وتحية أكبر انك تسبها لو رفضت لبس الحجاب اطلع انت بيها لفوق متخلهاش تنزل بيك بالتوفيق
Sent from my GT-S5282 using Forum Runner
انت لسه صغير و فاهم الدنيا غلط (مع خالص احترامي ليك لاني انا كمان كنت صغير و مش فاهم حاجة !)
الجواز مش حب و مشاعر بس ....... و الحب بعد الجواز بيقل بدرجات متفاوتة ...... و كل واحد في سنك بيبق لا فاكر انهم الاتنين اللي بيحبوا بعض زي ما مفيش حد في الدنيا حب قبل كده
بعد الجواز الحياة بتتغير و مجرد ما الحب يقل هتلاقي بصيرة العقل اتشالت الغشاوة من عليها و ابتدت تشوف العيوب بعدسة مكبرة و تنفر منها و من صاحبها
صدقني ....... ما تطلبش من واحدة تتغير عشانك و لا انت تحاول تغير نفسك عشان واحدة لان محدش بيتغير ....... اختار واحدة عاجبها طبعك و طبعها عاجبك ..... غير كده هتعيش تعيس و ممكن تطلق بعد كام سنة
كمان 5 و لا 10 سنين اما تفتكر انك كنت بتحبها كده هتضحك بجد :) ....... انا ياما اترفضت من بنات زمان و الدنيا ضلمت في عيني دلوقتي اما بافتكر باضحك ضحك السنين على نفسي :)
و خلي بالك ..... انت قلت "تتنازل" ..... مش "تغير رايك" ....... بمعنى انك عاصر على نفسك لمونة ...... خلي بالك مفيش حد بيتنازل (في اي حاجة سواء جواز او بيع و شرا او شغل الخ الخ الخ) الا و بيرجع يندم بعد فترة اما يبتدي يتعب من الضغوظ اللي التنازل ده سببها له
اخيرا و ليس اخرا ........ الستات للاسف طبعهم وحش في نقطة التنازلات ....... هتاخدها حق مكتسب انك تتنازل دايما و تنزل على رأيها و ده مش هيكون اخر ننازل ....... و هتبقى عيشتك جحيم و انت حاسس انك مالكش كلمة في بيتك و لا كلمة على مراتك ........
انا محتاج اسمع اراء اكتر لاني كلمت اهلي و رفضوا وبفكر اتكلم معاها وأحاول اغيرها وأقتعها تتحجب