المشكلة باختصار العربية علشان اوصل 100 في العداد لازم اضغط والارب ام بيعدي 4 وبيقرب من 5 علشان تعدي وعلشان اعدي 120 حرب داخل العربية وصوت عالي جدا وار ب ام بيعدي 6 وصوت عالي جدا مش عارف دا من ايه
عرض للطباعة
المشكلة باختصار العربية علشان اوصل 100 في العداد لازم اضغط والارب ام بيعدي 4 وبيقرب من 5 علشان تعدي وعلشان اعدي 120 حرب داخل العربية وصوت عالي جدا وار ب ام بيعدي 6 وصوت عالي جدا مش عارف دا من ايه
نوع العربيه فين؟ ؟؟
اعتقد انت مشغل الاوفر درايف
اعرض تفاصيل اكتر عن سيارتك .... نوعها موديل من نسيات مانيوال ولا اتوماتيك ... عشان الاعضاء يقدروا يفيدوك
نوعها اية و اخر صيانة امتى ؟؟؟؟؟؟؟؟؟ حجات تترتب عليها الى انتا بتقولة
العربية نيسان صني 2006 اوتوماتيك ؟؟؟؟؟؟ مستعملة الشراء من اسبوع .... نسيت اقول ان استهلاك البنزين قياسي
والله هو فيه حاجات كتير قوي ممكن تكون السبب
بس خلينا نفكر بشكل منطقي..
السبب حاجة من اتنين
1 - خليط الهوا والوقود ضعيف أو مش كفاية
2 - فيه مقاومة عالية للحركة مخلية العربية مكلبشة
بالنسبة للسبب الأولاني فممكن يكون سببه مشكلة في حاجة من دول:
1- بوجيهات قديمة أو نوع غير مناسب للموتور
2- حساسات الخليط
3- فلتر البنزين مسدود
4- فلتر الهوا مسدود
5- التاكيهات أو الصمامات محتاجة تتظبط
6- الرشاشات تحتاج تغيير
7- لخبطة في تقسيمة المحرك
8- مشكلة في الكمبيوتر
بالنسبة للسبب التاني فممكن يكون عندك مشكلة في حاجة من دول:
1- ضغط الهوا في الكاوتش أقل من المطلوب
2- الفرامل قافشة
3- زيت الفتيس ناقص
4- مشكلة في محول العزم بتاع الفتيس
زي ما حضرتك شايف... الأسباب كتير.. وكلها ممكن تكون سبب في ضعف السحب وزيادة استهلاك البنزين
ده غير ان فيه احتمال تكون فاصل الأوفر درايف.. يعني لمبة الـO/D Off منورة في التابلوه
...
راجعت الطابلون لقيت فعلا مكتوب كدا ده غير ان فيه احتمال تكون فاصل الأوفر درايف.. يعني لمبة الـO/D Off منورة في التابلوه طيب ودا حلة ايه ؟
أبدا... اطفي اللمبة من زرار الأوفردرايف اللي في دراع الفتيس
انت كده مخلي العربية تمشي لحد التالت بس.. الرابع إنت مش مخليه يشتغل
لو عايز معلومات أكتر عن الأوفر درايف وفايدته... ادخل على الموضوع ده:
http://www.nilemotors.net/Nile/41299...post3875493522
...