الفتيس الـcvt يعتبر من التكنولوجيا المتقدمة حاليا... وبكل تأكيد مفيهوش الأوبشن بتاعت الأوفر درايف دي
...
عرض للطباعة
شكرا علي المعلومات القيمه دي
شكرا للمعلومات القيمه دى ............... والفيتيس الاستبترونيك ايه معلوماته بالنسبه للشرح .
معلومات مفيدة كتر خيرك
الاستبترونك والـcvt يعتبروا من التكنولوجيا الحديثة في صناديق التروس (فعليا الـcvt مفيهوش تروس)
وإذا كان عندك أي زراير في الفتيس فالهدف منها تغيير طريقة السواقة ونقل الغيارات .
وزي ما قلنا قبل كده.. الأوفردرايف يعتبر دلوقتي تكنولوجيا قديمة ورخيصة
بجد الله ينور
معلومات قيمة جدا
وفعلا الواحد أستفاد معلومات جديدة مكنش يعرفها بصراحة
جزاك الله خيرا
الف شكر علي المعلومة الجديدة
تحياتي لك يابشمهندس احمد
بس انا زعلان منك لانك مامرتش علي موضوعي الجديد
الخاص بشرح دورة الوقود رغم اني بعتلك رسالة هنا وهناك
خلينا في موضوعنا
عربيتي فيكترا اوتو اربع غيارات
وعندي زرار مكتوب علية s يعني sport
ودة بينفعني لما اشد مع حد بياخر النقلات
الرابع في الوضع الطبيعي بيجي علي 80 مع زرار s الرابع بيجي علي 120
وطبعا عدد اللفات بيكون زيادة عن المعدل الطبيعي
معلش انا شايف كلامي عكس كلامك علي ارض الواقع
ومعاية واحد قريب معاة لانسر cvt
فيها تعشيقة ds
ودي علشان تاخر نقل السير في المرحلة الخاصة به
وايضا عدد اللفات زيادة
مستني ردك للحوار
أنا آسف يا بشمهندس عمرو... الحقيقة أنا دخلت على الموضوع من فترة بس لما لقيت الفيديو طويل شوية قلت أشوفه على رواقة
بس أنا ماقدرش على زعلك... والنهارده قعدت مخصوص وشفت الفيديو... ورديت على حضرتك هناك :)
نيجي لموضوع الغيارات...
طبعا .. موضوع الأوفر درايف مش موجود في كل الفتايس الأوتوماتيك...
فكرة الزرار بتاع الأوفر درايف في إنه يشغل أو يفصل حركة الترس الرابع... بمعنى إنه يحول فتيس عربيتك من 3-سرعات إلى 4-سرعات والعكس.
أغلب العربيات اللي هتلاقي فيها تكنولوجيا الأوفر درايف يابانية أو أمريكية... إنما في أوروبا على حسب علمي ما استخدموهوش كتير
بالنسبة لزرار الـSport اللي عند حضرتك فهو بيغير برمجة الفتيس بحيث يخلي العربية تنقل على دوران أعلى زيت ما حضرتك وصفت... إنما ما بيفصلش حركة ترس من التروس.
طبعا نظام الـSport أفضل من فصل الأوفر درايف... لإن عدد النقلات المستخدمة أكتر من الأوفردرايف وبالتالي هتاخد تسارع أعلى وتوفير أكبر في الوقود.
الزرار اللي ممكن يفصل واحد من التروس عندك هو زرار القيادة على الثلج.. وغالبا هتلاقي مرسوم عليه علامة نجمة الثلج السداسية
http://www.kolumbus.fi/~w496119/xw/newag.jpg
النظام ده بيفصل حركة الغيار الأول علشان العربية تطلع بالراحة والعجل ما يلفش بسرعة نتيجة العزم الشديد ، والتالي العربية ما تعومش منك على التلج.
...