أحنا نعمل المقابلة في القصر العيني :beated::beatbrick::patch2::36_1_40[1]:
نظام esp /trc موجودين في زرار واحد ،
حضرتك لو دوست علي الزرار مرة واحدة هيلغي نظام ال trc و هيكتبلك تحذير علي الشاشة باللون الاصفر TRC OFF وده بتعمله في حالة ان العربية غرزت منك و عاوز تطلعها ﻷن عمرها ما هتطلع طول ما انت مفعل النظام ده ﻷنه بيحد من قوة الموتور عشان يديك افضل عزم، عشان كدة عملو زرار تقفل و تفتح في حالات زي دي .
طيب و ال esp بيتقفل ازاي ؟ لما حضرتك تفضل دايس علي نفس الزرار مدة اطول بالتقريب 3 ثواني هيلغي النظام و هيظهرك في التابلوه برضو علامة صفرا تانية علي شكل عربية و تحتيها زي حرفين s اللي هي علامة ال esp وده معناه انه مقفول.
يعني حضرتك طول مامفيش اي لمبة من الاتنين دول منورين تعني ان النظامين مفعلين و زي الفل.
الميزة بقي انك تقدر تلغي ال trc و تسيب ال esp شغال لكن العكس غير صحيح .
عشان تشغل اانظامين تاني هتدوس علي نفس الزرار مرة تانية اللمض الصفرا هتروح و يبقي اتفعل.
طيب امتي بيتفعل تاني ؟
لو حضرت قفلت ال trc و ال esp و مشيت و حصل موقف مفاجئ مش هيشتغلو ابدا.
طب افرض فضلت ناسيهم ؟
لما حضرتك بتبطل العربية النظامين بيفعلو اوتوماتيكيا لما تيجي تشغل العربية المرة القادمة.
و كمان لو حضرتك لغيت نظام ال trc فقط بدون ال esp و مشيت بالعربية و سرعتك تخطت ال 40 كم/س بيرجع يفعل اوتوماتيك و اقصد بذلك ال trc .
و علي رأي عادل امام عاوز esp ياخد عاوز trc ياخد هههههه
اتمني اكون افدت حضرتك
موضوع شيق وجميل ومنظم ودائما تقاريرك ممتازة
شكرا على الموضوع والعرض الرائع ويا ريت لو يكون فيه حصر كامل للسيارات المزودة بهذا النظام حاليا في مصر وفئاتها وسعرها بخلاف السيارات الثلاث المذكورة بالتقرير
مع جزيل الشكر
الحصر اللي اعرفه حاليا في فئات ال C segment اقل من 225 الف
فورد فوكس هاي لاين فقط 225 الف
فورد فيستا اوتو 167 الف
اوبل استرا الفئة الاولي 185 الف
اوبل استرا الفئة الهاي لاين 200 الف.
تويوتا كورولا مانيوال 165 الف .
تويوتا كورولا فئة اولي اوتو 177 الف
تويوتا كورولا فئة تانية اوتو 189 الف
تويوتا كورولا فئة هاي لاين اوتو 215 الف
هوندا سيفيك فئة اولي اوتو 190 الف
هوندا سيفيك هاي لاين اوتو 210 الف
سؤال بسيط اهندسة
الفانتازيا فيها زرار تحت الكاسيت كدا مكتوب عليه asr\off
هو الـasr دا إتزان بردو ولا ايه دا ؟
ال ASR هو بالالماني Antriebsschlupfregelung وده هو ال TRC او ال Traction control مش ال ESP يعني هيا كدة مفيهاش ESP وفيها TRC فقط عشان يبقي فيها ESP لازم الزرار اياه يبقي موجود وانا عارف انه مكنش بينزل فيه خالص غير في فئة التوب لاين اللي فيها تليفون سنة 2009 ب 225 الف و مكنش حد بيشتريها خالص, اهديك الفيديو ده بشرح ال ASR وده لا يمت بشئ الي ال ESP :
[youtube]http://www.youtube.com/watch?v=jYEUpZhxrpI[/youtube]
برنس باشا ,
* اشكرك علي اضافة معلومة السيات ليون بس انا مكنش في بالي خالص عشان مبكرهش في حياتي في مصر غير حاجتين ال DSG وال Turbo وهما الاتنين فيها فعمري مبصتلها و لا هبصلها .
* بالنسبة للفوكاس انا كنت فاكر زيك ياباشا لغاية مرحت معرض فورميولا اوتوماك و اتأكدت انها بتنزل في الهاي لاين فقط من السيلز و زيادة تأكيد ده البروشور للنسخة المصرية من التوكيل محدث 2014 عشان خاطر عيونك :
http://nileup.com/up/uploads/nilemotors_13962041221.jpg
*السيفيك بقي انا شفتها بعنيا الاتنين في التوكيل فيها VSC في الفئتين زي الكورولا بالظبط.