-
افيو ولا لوجان
السياره الافيو افضل ام اللوجان وبالنسبه للوجان والكلاكس الي في ذراع النور عادي ولا بيكتف الواحد وهو سايق واللوجان انا ملاحظ انتشره اليومين دول سريع وفرق السعر بنه وبين الافيو فئه اولي -اولي افيو 94.990 لوجان 81.900 حولي 12000 لللوجان
تم نقلة لقسم المقارنات .
12:59 pm
2014/4/3
1 ب
-
رجاء الرد من مالكي السياره وخصوصا موضوع الكلاكس عادي ولا ايه
-
اللوجان افضل من الافيو طبعا
وموضوع الكلاكس بسيط وهتتعود عليه بسرعة
-
انا افضل لك اللوجان ومش الكلاكس بس لا كمان زرار الازاز الكهربا مش فى الباب لا فى الكونسول
بس دى حاجات عاديه وهتتعود عليها زى بالظبط العدادات اللى فى النص فى اليارس
-
كلاكس إيه بس
طبعا اللوجان ويسلام لو تستنى الشكل الجديد
-
اللوجان افضل والكلاكس هاتتعود عليه
-
اللوجان افضل و الشكل الجديد 2014 رائع رائع
-
-
-
انا هقولك رأي صديق لي يمتلك الافيو
سيارة ضعيفة جدااااا ومش بتستحمل
-
اللوجان الشكل الجديد طبعا فرق كبير بينها وبين الافيو
-
شكرا ع الردود انا كان الي مضيقني موضوع الكلاكس بس خلاص بدم ممكن اتعود يبقي لوجان
-
اللوجان افضل بكتير وخصوصا الشكل الجديد
-
انا معايا اللوجان الكلاكس حتتعود عليه و حيبقي عادي
-
انا رأيي الافيووو طبعاً ... وفرق السعر ده مجاش من فراغ بس الناس بتحب. الحاجة الارخص
اقراء الموضوع ده
http://www.nilemotors.net/Nile/411875-a.html
-
والله انا من رائي لادي ولا دي عربيتن شكلهم ازبل من بعض واداء ازبل من بعض ا ركب لوجن وانتا هاتحس انك سايق شاهين عربية قعدتها زي الزفت الافيو عربية شكل خامات مافيش
نصيحة لوجه الله لو هتجيب حاجة من دي زيرو بي فلوسك ممكن تركب لانسر كلاسيك موديل 2008 او 2009 حجات كسر زيرو او زود شوية واركب كيا سيراتو 2010 كسر زيرو ولو عايز تتأكد من كلامي انزل السوق بص علي الوجان مش موجودة ملهاش سوق وعربية تقيلة في البيع والشراء وقطاع غيار غالية علي شكلها وادئها وخش علي كونتكت كار وشوف اسعارها مستعمل عامل ازاي وبص علي تاريخ اعلان العربية هتلقيها بي 10 ايام وزيادة وماتبعتش لما تشتري عربية اشتري ليك ولي السوق
نصيحة لوجه الله علشان القي الي ينصحني
-
معلش خد النصيحه من حد ركب اللوجن وقعدت معاه على الاقل سنتين . طبعا وبناء على تجربه عده سنوات اللوجن احسن عربيه زيرو بالسعر ده يعني متقوليش عربيه تانيه موديل ٢٠٠٨ مثلا تقارنها بعربيه زيرو ولو هي عربيه مش حلوه مكانش سعرها غلي اكتر من ٣٠ الف في خلال ٣ سنين وكمان مكنتش رطركت في الشوارع.
العيب الوحيد هي لو حبيت تبيعها بعد كدا فلو كنت من هواه تغيير العربيه كل ٣ سنين مثلا فهي حتكون اصعب شويه في البيع غير كدا عربيه جميله جدا ومليانه اوبشنز وطبعا الراي ليك في الاول والاخر
-
اللوجان يا باشا عن تجربة
الأفيو عربية حوادث زي ما بيقولوا ومفيهاش أي وسائل للأمان وعربية ضعيفة جدا ورديئة
موضوع الكلاكس وزراير الزجاج الكهرباء وكل الكلام ده هتتعود عليه فعلا بل إنك هتحبه كمان !
توكل على الله والشكل الجديد فعلا شكل وإمكانيات تحفة بس مفيش منه أوتوماتيك لسة
Content Relevant URLs by
vBSEO 3.6.0 PL2