حصريا بالصور والفيديو ,, السلوك المستخدمة في التوصيل واهميتها !!

**moh_elnahas** · 30-07-2014 02:08 PM

الكاسيت ما فيهوش مخرج rca هل بيتعمل فيه حاجه ولا محتاج اغير الكاسيت
و هل ينفع اخد الكابل اللى رايح على السماعة اعمله مدخل لل جى ام

**S O P H O S** · 10-08-2014 11:26 PM

بسبب الموضوع ده
امبارح لسه واحد فتوكيل عاوز يبيع ليا مجموعة الوصلات الرديئة دي
علشان فكرت فجي ام قولته بكام قالي ب 100 جنيه افتكرت موضوعك علطول
وبسبب الموضوع ده قولتله لا وفهمت انه حوار

**medo555** · 24-08-2014 10:25 AM

ممكن بعد اذنكم تجديد الصور
لأنه معظمها مش موجوده
و شكرا جدا للموضوع المحترم و المفيد جدا

**Moe86** · 24-08-2014 11:33 PM

المشاركة الأصلية كتبت بواسطة moh_elnahas

الكاسيت ما فيهوش مخرج rca هل بيتعمل فيه حاجه ولا محتاج اغير الكاسيت
و هل ينفع اخد الكابل اللى رايح على السماعة اعمله مدخل لل جى ام

اغلب الجى ام فيهم مدخل لسلوك سماعات عادية, المشكلة ان السلوك دى مش هتنقل نقاوة الصوت من الكاسيت زى الrca و السبب فرق الطخن اللى بيبقى 4 اضعاف

**mwanted** · 28-09-2014 07:46 PM

انا نزلت امبارح شارع نجيب الريحاني عشان اجيب سلك كهرباء سويدي 10 مم شعر معتمد ... وطبا لفيت شوية حليون لان الناس قالتلي محدش هيفتحلك لفة بس الحمد لله ربنا كرمني بواحد واضح انة مشهور هناك اسمة (دياب)
خلف سينما كوزموس بعد اشارة عماد الدين في برج (الفاروق) اشتريت 7 متر وكان المتر تقريبا ب 11 جنية علي ما افتكر
وبعدين مينفعش اكون هناك ومعديش علي التوفيقية روحت عند ارخصهم بصراحة حسيت ان المحل علي قدة شوية والعمال اللي هناك معدومي الخبرة زي حال ناس كثير هناك وبعدين عديت علي محل وكيل بايونير هناك اسأل علي التويترات البايونير قلي الشركة منزلتش تويترات اللي في السوق مضروبة او صيني ان صح القول ب 120 جندي وبعدين دخلت علي وكيل سيمفوني في المول عندة طبعا كل الموديلات بس في حاجات اسعارها رفعة شوية يمكن عشان الطلب عليها يعني ال640 عامل 670 جنيه وال 400 عامل 520 جنية وبرة عامل 560 تقريبا وهناك قالولي في مضروب من السيمفوني موجود برة كثير ومعلقين صورتين للاثنين الاصلي والمضروب بس بصراحة انا لما دققت في الصور مش لاقي فرق هههههههههه .. ممكن تكون اشتغالة الله اعلم
وبعدين روحت لباب اللوق عشان سلك السماعات بردو المحلات بتبيع باللفة لقيت محل بيبيع ميكرفونات الجوامع والحاجات دي لاقيت عندة سلك اسود تخين في فردتين الواحدة بيقولي 3 مم والسلك من برة مكتوب علية sound speaker واداني المتر علي 7 جنية .... وبس خلاص

**Abo-Yousef** · 29-09-2014 01:48 PM

الله ينور يارجالة .. دلوقتى انا عندى عدة صوت مكونة من :
1- كاسيت بايونير DEH-X1650UB
2- سماعتين كينوود 500 وات
3- جي ام سيمفونى 640 وات 4 تشانل
4- بازوكا بايونير 1300 وات
وهركبهم فى عربية 128 .. وعلى حسب الموضوع الجميل ده .. كده هجيب السلوك كالأتى :
- 7 متر سلك السويدى 10 مللى ( كهرباء ، ارضى )
- 4 متر سلك سماعات 3 مللى
- 2 وصلة RCA ماركة ( Gold Plated )
- 4 متر سلك 2 مللى لوصلة الريموت
هل كده تمام وصح ولا في حاجة زيادة عن اللزوم بالنسبة لوصلات ال RCA اجيب 2 ولا واحده بس بالنسبة ان الجي ام 4 تشانل وهوصل عليه سماعتين وبازوكا وهل السلوك كده تمام ولا كتير ؟؟ ارجو الافادة .. وشكرأ

**Abo-Yousef** · 07-10-2014 01:31 PM

للأسف اشتريت سلك 10 مللى وطلع المصمت وده مش هينفع وجبت وصلة rca جولد بليتد من ادريان ب 50 جنيه طولها 5 متر وملقتهاش فى راديو شاك ..
دلوقتى انا محتاج 8 متر سلك شعر 6 مللى
وسلك السماعات حوالى 2 متى يكون 2.5 مللى مثلا ؟؟
وسلك البازوكا حوالى 4 مللى ؟؟
وعايز فيوز للجي ام اجيبه منين ؟؟
ارجو سرعة الرد لان الحاجة مركونه عندى بقالها فترة

**mwanted** · 07-10-2014 06:58 PM

بص ياباشا عشان متحيرش نفسك هات ورقة وقلم وقسم الورقة الي قسمين
1- عدة الصوت
اللي هي عبارة عن
*كاسيت *سماعات *بازوكا *جي ام
2-الوصلات
* كابل الكهرباء اللي جاي كن البطارية للجي ام علي طول ويفضل (10مم شعر سويدي معتمد) هات من 7 الي 8 متر عشان تاخد منة للارضي كمان.
ودة هتلاقية عند واحد اسمة ( دياب ) في نجيب الريحاني عند اشارة عماد الدين خلف سينما كوزموس في برج الفاروق. عشان متلفش كثير لان مفيش حد هيفكلك لفة ب 970 جنية لائم هيديك سلك مضروب
*2 وصلة RCA ماركة ( Gold Plated )
*وصلة الريموت من الكاسيت للجي ام ودة ممكن تكون اي سلك شعر لانة بينقل اشارة وكربة خفيفة جدا ملهاش لازمة
من 4 الي 5 متر
*سلك سماعات ودة حسب تقديرك الشخص بالنسبة للاطوال . وكل لما يكون السومك او المليميتر اعلي هيكون افضل
وبالنسبة للفيوز هتلاقيها موجودة عند بتوع كماليات السيارات او الفينيش ومفيش اكثر منهم

**Abo-Yousef** · 08-10-2014 01:13 PM

تسلم ياغالي

**Abo-Yousef** · 09-10-2014 12:09 AM

بالنسبة للفيوز هل ده ينفع ؟؟ الفيوز ده انا اشتريته من عند واحد بتاع الكترونيات هو عبارة عن زى وصلة كده وبيتحط جواها فيوز وادالى فيوز 6 امبير هل ده ينفع يتوصل عليه الكاسيت والجي ام على البطارية ولا ضعيف ولو ضعيف يحتاج فيوز كام امبير ؟؟

الموضوع: حصريا بالصور والفيديو ,, السلوك المستخدمة في التوصيل واهميتها !!

LinkBack

أدوات الموضوع

عرض

-

-

-

-

المواضيع المتشابهه

حصريا : شرح فك وتركيب فلتر بنزين كيا سيراتو بالصور والفيديو

حصريا نيـسان جـوك بالصور والفيديو .. فى أقوى وأدق تقرير وافى وشامل عن مواصفات السيارة

((بالصور والفيديو )) جسر ( جانتر ) سويسرا

حصريا بالصور والفيديو والمواصفات .. رسميا وصول نيسان قاشقاى الى مصر

مقابلة شهر سبتمبر (تفاصيل بالصور والفيديو)

الكلمات الدلالية لهذا الموضوع

المفضلات

المفضلات

ضوابط المشاركة