الموضوع: العفشة ... مرار طافح ... طلب مساعدة

النهاردة روحت للعفشجى عشان الطارة عندى بأت ذى المربا أقل هوا من ايدى يجبها يمين وشمال .
انا كنت غيرت طلمبة الباور عشان صوتها كان عالى وجبت بتاعت الاوكتافا وشغال بيها .
وبعدين قولت اروح للعفشجى عشان موضوع البوش دة عشان يكشف على الاسكاترا .
قالى يا استا انتة محتاج اسكاترا عشان بتاعتك التروس الى فيها بقى فيها رجلاش قلت فى بالى ماشى راح قالى القطمة كمان فى بوش ومش نافعة .
قلت شكلها كملت الفلوس الى كونت محوشها عشان التابلوة راحت على العفشة .
عموما انا مسكتش وقولت لاة انا لازم اعمل حاجة .

روحت مطلع التلفون بعد ما قالى ان الاسكاترا ب 600 جنية ومكلم الناس الى معايا تافوناتها بتوع قطع الغيار فى اسكندرية .. اسكندرانى بقى .
سألت العالمية فى الدخيلة قالى الاسكاترا ب 350 باور ذى الى عاندى
فكلمت الاستاذ الى فى القبارى عشان عندة كذا عربية ابيزا والراجل دة شغلة تمام اخر حاجة بس مبيقولش على فلوس غير لما تيجى تشترى . قالى عاندى كذا نص هات الصنايعى وفك الى انتة عايزة بس انا كنت سالاتة من فترة على الاسكاترا قالى 500 جنية
... طولت عليكما

الاسكاترا باور لابيزا 94 تعمل كام عشان دة قال 350 والتانى 500 والصنايعى 600 ؟
ممكن اعرف ان الاسكاترا التمام اذاى ولا دى على التجربة ؟
القطمة ... اجيب العمود لوحدة ولا اجيبها كلها وتعمل كام كدة او كدة ؟
لازم اجيب الحاجات دى 94 ولا مفتوحة معاية لحد 99 وبولو كمان ؟

هوة كان قالى على التابلوة 1000 بالعدادات .. اجيبة ولا كتير علية ؟ وانه موديل افضل لحد 99 ؟

اخر سؤالى والله ..

العربية عندى فى اخر شهر لما كان حد بيعد على الكنبة وزنة تقيل كانت العربية تنزل ماتتلعش .
روحلت لعفشجى حطلى كوتشة . ولا كان حاجة حصلت
النهاردة العفشجى التانى قالى لاة انا مش بحط كوتشة انا بعمل حاجة اسمها جلبة !!
بحعلى المساعد بحتة ماسورة كدة بيرفع بيهل اليايات .

النتيجة بعد التجربة

العربية علت بس بقت ناشفة قوى فى الحفر والمطبات لو مخدتهاش بشويش وبسمع صوت رزع وخبط جاى من ورا دة كدة عادى ولا اية ؟

انا عارف ان طولت بس اعمل اية . كرمك الذايد عن الحد هوة الى مطمعنى [gdwl]فيكوا [/gdwl]. حتة اسكندرانى كدة فى الاخر :)