هيونداي نيو أكسنت 2010 أوتوماتيك

**confidential** · 30-03-2014 11:59 AM

صباح الخير ..

انا معايا نيو أكسنت 2010 أوتوماتيك عامله حوالي 175000 كيلومتر .. كنت طالع بيها من يومين الإسكندرية وفي اول الطريق بدأت أسمع صوت خفيف من ناحية العجلة الأمامية شمال، الصوت زي خبط بس خفيف جدا، وبعدين وانا راجع من الاسكندرية الصوت كان أعلى حاجه بسيطة بس في حالة بيعلى فيها .. لما اكون ماشي بسرعة مثلا 100 كيلومتر/ساعة وأشيل رجلي من على دواسة البنزين والحمل يزيد قدام .. سؤالي بقه: عاوز اعرف ممكن تكون مشكلة ايه علشان لما اروح اكشف عليها ابقى متوقع والميكانيكي ميشتغلنيش ؟
انا اسف طولت عليكم
صباحكم عسل
أخوكم قدريانو

**nodey** · 30-03-2014 12:51 PM

روح اي مركز صيانه شيك عليها للاطمئننان

**confidential** · 31-03-2014 11:08 AM

شكرا للرد ولكن انا عاوز اعرف لو هي بيضة مقص .. اولا اقدر اتأكد ازاي علشان ميضحكش عليا .. ثانيا هل هي بتتباع لوحدها في العربية بتاعتي دي ولا لازم اشتري طقم مقصات كامل ؟

**lad** · 31-03-2014 05:06 PM

ممكن يكون كوبلن داخلى

**hassan777** · 15-04-2014 06:33 AM

احتمال كبير تكون بليه عجل

**confidential** · 15-04-2014 03:48 PM

ياجماعة شكرا ليكم كلكم طبعا .. بس طلع ان الصليبة هي اللي فيها مشكلة .. لكن مشكلتي اني جبت 2 صليبه وطلعوا مش زي اللي راكبة واضطريت اني اركب القديمة لغاية لما الاقي زيها .. انا نزلت التوفيقية مرتين ولكن كل مرة بتطلع غلط مع ان الراجل بيأكدلي انه بايعها لناس كتير وركبت عادي يعني