والدى معاه عربية نوبيرا 2 موديل 2000 اوتوماتك الفتيس فيه زرار باور بيعلم فى التابلوه لو دوست عليه بس مبيحصلش حاجة وفيه فى التابلوه زرار هولد ساعات مبيعلمش مش عارف فايدته ايه؟
عرض للطباعة
والدى معاه عربية نوبيرا 2 موديل 2000 اوتوماتك الفتيس فيه زرار باور بيعلم فى التابلوه لو دوست عليه بس مبيحصلش حاجة وفيه فى التابلوه زرار هولد ساعات مبيعلمش مش عارف فايدته ايه؟
Ds هو اوفر دريف
ده زرار القيادة الرياضية وهو اختصار
sport
لما بتشغله السيارة بتحرق ع الغيار
بمعني ان النقل من السرعة الي النقلة الاعلي بيكون متأخر علي عدد لفات موتور اعلي
وده بيدي للعربية سحب اقوي لكن طبعا بيستهلك بنزين اكتر بكتير
وبيستعمل لما بيبقي حد بيشد بالعربية لأي سبب .... من اول ان واحد بيشد مع صحابة او بيعمل دريفتات .... لغاية لو حد بيجري ورا حد عشان يثبته والعياذ بالله :pirate03:
وطبعا الزرار ده مش موجود غير في السيارات الحديثة والفئات العالية
هذا والله اعلى وأعلم
شرح ممتاز و موضوع رائع تسلم ايدك
طيب بالنسبة إلى زر السبورت اللى فى الفيتيس الستيبترونيك يعتبر زيه برده ؟؟؟؟
تعليقا على الجزء الللي بالأزرق فوق.... الأوفر درايف مقصود بيه يا فندم هو تشغيل ترس الأفردرايف.. وبالتالي تشغيل الترس الرابع اللي بيوفر في البنزين
لما بتظهر في التابلوه لحضرتك العبارة بتاعة O/D off وده اختصار لكلمة (Over Drive Off) فده معناه إن وظيفة الأوفر درايف مطفية والترس الرابع مفصول.. وبالتالي لازم الصوت يعلى لإن العربية شغالة على التالت
الخطأ الشائع عندنا كمصريين إن اللمبة لما بتنور بتنبه حضرتك إن الخاصية دي مش شغالة... مش العكس.. لإنها لمبة إنذار.. بدليل إن لونها دايما أصفر... زي لمبة البنزين.
والمعروف في كود الألوان بالنسبة للعلامات التحذيرية إن الأصفر يستخدم للتنبيه لحاجة ممكن تسبب مشاكل.. بس ما فيهاش خطر
بعكس اللون الأحمر... ده معناه تحذير لحاجة بتسبب خطر على العربية أو خطر علينا.
زي لمبة الفرامل أو لمبة الدينامو أو لمبة الحرارة.
بالنسبة للمشكلة بتاعت الزرار... فأعتقد إنك او رشيت اسبراي من بتاع ( Contact Cleaner) اللي بينضفوا بيه زراير الكاسيتات والأجهزة الكهربائية هيشتغل معاك كويس
ثمن العلية حوالي 25 جنيه.
...
موضوع ممتاز وطرح سليم لموضوع عامل لبس عند ناس كتير ... شكرا لمجهودك
لأ... ده اختصار لكلمة "Snow" أو "ثلج".. وده مهمته أساسا في الدول اللي بتنزل فيها الثلوج علشان ما يعشقش السرعة الأول..
لإنك لو عشقت الأول على الثلج وجيت تطلع .. العربية هتعوم منك وهي شبه واقفة
عموما.. نظام الاستبترونك لوحده يعتبر نظام رياضي.. هو انت محتاج حد يقولك احرق عالموتور؟؟؟
الموتور هيفضل على النقلة اللي انت معشقها لحد ما توصل للخط الاحمر.. وساعتها هينقل للي بعده.
شكرا علي الموضوع
شكرا على المعلومة المهمة اللى كنت فهمة غلط