السلام عليكم ورحمة الله وبركاتة


من فترة وأنا بلف وبدور على محفظة بشكل ومواصفات معينة لصانع الامريكى

Tommy Hilfiger






لقيت منها هنا فى مصر بس مش بنفس الكواليتى والتصميم ومتعدل فيها *ومضروبة* قولت مبدهاش واشتريها من برة اصلـــــى وأريح دماغى ,, دخلت على ادفعلى وحطت اللينك وشوفت الدنيا وحساباتهم وكنت عايز استفسر عن المدة وخدمة التوصيل وياترى السعر دة شامل كل حاجة ؟! اتصلت بخدمة عملاء ادفعلى : الصوت مكنش واضح وكان فية صدى صووت *من عندهم* ومدنيش عقاب نافع !!
المهم قبل ماكلمهم كان فية تسجيل صوتى للموقع



Yashry




ودى كانت بداية معرفتى بموقع ياشرى , دخلت ودورت ع المحفظة ولقيتها وطلبتها







وتانى يوم وصلتلى الفاتورة بالتفاصيل وزايد عليها 10 جنية *رسوم الديليفرى *





قالولى التكلفة هتكون زى مامكتوبة ع الموقع وشاملة الشحن والجمارك ويضاف عليها 10 جنيهات *فى حالة طلبك لتوصيلها لباب منزلك* ,, وهتوصلك بعد 10 أو 22 يوما *22 يوم كحد أقصى وممكن أقل*
والدولار ساعتها حسبوا ع 7.29
والجمارك لسعت $ 6.30
وياشرى اخدت $ 8.86




احسن حاجة فى الموقع أنك تقدر تتابع الحاجة بتاعتك أول بأول دة غير بيتبعتلك مسجات ونوتيفيكيشن على الموبيل والايميل .






طبعا الحاجة وصلت فى خلال 14 يومــــا *بالتمام والكمال* وكانت موجودة فى مكتب ياشرى بــ *مساكن الشيراتون* وكانت ممكن توصلى قبل كدة كمان لولا شركة الشحن *واسمها توصيلة* المتخلفة اللى متعاقدين معها اخرووا الاوردر لوجود عطل فنى عندهم –وطبعا استرخمت المشوار ومكنتش فاضى أروحلهم - والحمدلله وصلت بسلامة وبدون أى تقطيع ولامشاكل .





وناوى اكررها تانـــــــى
فى رعايـــــــــــــــ الله ـــــــــــــــة .