تم تجربة منظف للـ cd بنجاح

**Ahmed Selim** · 22-09-2009 07:45 PM

السلام عليكم ورحمة الله وبركاته

بقالى فترة لما أعمل أى CD جديد و أحاول أشغله ميرضاش.....و نتيجة لأنى فى رمضان كنت مشغول جداً معرفتش أجرب بمزاج.

المهم النهاردة عملت CD جديد و حاولت أشغله....برضة مرضاش يشتغل.....شكيت الأول فى السيديهاية نفسها مع أنها من نفس العلبة اللى شغالة معايا من حوالى 4 شهور زى الفل.

جبت سيديهاية تانية قديمة شوية و متأكد أنها كانت شغالة قبل كده و بجرب............نفس المشكلة..........آن آن آن.......دش ( موسيقى تصويرية )

يبقى كده العيب فى ال player نفسه.

فكرت شوية و كنت فى طريقى راجع من الشغل.......و عديت على راديو شاك و دورت عندهم على منظف للـ CD و لقيت نوعين......توكلت على الله و أشتريت نوع أسمه JWIN زى اللى فى الصورة و تمنه 95 جم........لو كان مشتغلش كنت هعيط.

بيجى فى العلبة
1- سيديهاية بس مش عادية......فيها فُرش صغيرة ( موجودة فى الدوائر الحمراء فى أخر صورة )
2- محلول لتنظيف السيديهاية بعد الأستعمال.
3- أداة صغيرة لتنظيف السيديهاية بعد رش المحلول.

السيديهاية و زجاجة المحلول

السيديهاية و أداة تنظيفها بعد رش المحلول

السيديهاية موضح فيها الفُرش

بتحط السيديهاية فى المشغل ( ال CD player ) و بتشغل 2 تراك اللى موجودين فيها.....و فيهم تعلميات صوتية مع موسيقى.....ال 2 تراك مكملوش دقيقتين تلاتة.

قابلتنى مشكلة صغيرة......السيديهاية مش راضية تطلع عشان الفُرش بتعوق الميكانيزم بتاع ال player بس بمساعدة business card مع الضغط على زرار ال eject مرتين تلاتة عرفت أطلعها..........لو حد قرر يستخدم نفس المنتج ده يخلى باله من النقطة دى و يعملها على مسؤليته الشخصية.

و النتيجة و الحمد لله 100% :
جربت نفس ال 2 سى دى اللى مكنوش راضيين يشتغلو و أشتغلو عادى.

**Ahmed Selim** · 22-09-2009 08:24 PM

المشاركة الأصلية كتبت بواسطة chato_eg

حمد الله على سلامة ال player
و أنا برضه كنت هأزعل أوى لو الطريقة دى ما نفعتش
بس كنت هأبقى مرعوب لو ما طلعتش أصلا من ال player خصوصا إن موتور ال insert/eject ...مش بيقدر يشتغل بسلاسة غير على ال original cds ...
و بعدين إيه إللى حصل مع وصلة ال aux .....إنت كنت إديتها لعمرو عبد الخالق...بس ما قطعش و طولها علشان هى متقفلة بطريقة المصنع..و كان إداها لك...
لو عايز نروح نركبها عند مجدى كلاريون ممكن آجى معاك لو حابب
لو حابب نحاول فيها سوا برضه ماشى..أنا عندى طقم المفكات الصغيرة
بس فعلا...الصوت نقى جدا....و مريحة فى الاستعمال...

و الله يا هنو الظروف مش مساعدة

لما أكون فاضى يكون هو مشغول و العكس.......و غالباً منظره باعها :)

و حتى لو كنت مركب ال aux......فكرة ان فى حاجة مش شغالة كما ينبغى بتعكنن عليا و تخلينى مش مبسوط لحد لما تشتغل أو تتصلح.....يعنى يوم شريط الأيرباج يوم ما باظ معرفتش أستريح غير لما غيرته بعدها بساعة مع أنى عارف اللى فيها :)

عادة مريحة للعربية بس مش مريحة ليا.............بس معرفش أبطلها.

**أحمد كمال** · 22-09-2009 08:41 PM

المشاركة الأصلية كتبت بواسطة ahmed a.maksoud

عادة مريحة للعربية بس مش مريحة ليا.............بس معرفش أبطلها.

الحال من بعضه طول عمري

**أحمد كمال** · 22-09-2009 10:16 PM

مش انت في الضمان؟

ماتروح تغير شريط الايرباج

و ايه علامة المفتاح دي؟.

**Ahmed Selim** · 22-09-2009 11:44 PM

المشاركة الأصلية كتبت بواسطة chato_eg

كلنا كده...بس لازم تثق فى العربية شوية...حتى لو هى مش مظبوطة 100 %...هتأدى بشكل يرضيك...أنا جربت التيل بتاعها كتير و هو عايز يتغير و ربنا ستر
إنتم عارفين إنها بتطلع لى علامة المفتاح و لمبة ال Airbag بتنور دلوقتى....بس بشكل متقطع...شوية تنور و شوية تطفىء...مع إنى عامل 38700 ...بس يعنى مش قلقان...مع الوحوش عرفت إنه يبقى شريط airbag بالكتير و التوكيل هيتصرف

علامة المفتاح ممكن عشان ميعاد الصيانة اللى فاتت كان بدرى و أتعمل reset للعداد بدرى

لمبة الأيرباج ممكن تكون فيشة مهزوزة ( جرب اللى تحت كرسى السواق لما تكون اللمبة منورة....هز الفيشة و ممكن كمان ترش عليها Silicon Spray و شوف هتطفى ولا لأ )

لكن شريط الأيرباج لو بايظ يبقى اللمبة هتفضل منورة على طول و هتسمع صوت تكتكة من الدركسيون لما تلفه يمين أو شمال.

-

-

الموضوع: تم تجربة منظف للـ cd بنجاح

LinkBack

أدوات الموضوع

عرض

تم تجربة منظف للـ cd بنجاح - انشر الموضوع فى :

-

-

-

-

المواضيع المتشابهه

تم تجربة هديه قسم نيسان (منظف الانجكشن ) من لكوى مولى الالمانى على صنى موديل 2008

الحمد لله تمت بنجاح صيانة الاف للساجا

الحمدالله تمت صيانه 20الف بنجاح مع بعض الصور

تم حل المشكلة بنجاح الحمد لله

تويوتا تستكمل مسيرة التقليد بنجاح!!

الكلمات الدلالية لهذا الموضوع

المفضلات

المفضلات

ضوابط المشاركة