شكرا لحضرتك يا أستاذ mesaharaty على المساعدة
أنا مازلت بدور على مكان كويس لتغيير الزيت .. هجرب أروح بنزينة وطنية و هابلغ حضرتك بالنتيجة.
عرض للطباعة
شكرا لحضرتك يا أستاذ mesaharaty على المساعدة
أنا مازلت بدور على مكان كويس لتغيير الزيت .. هجرب أروح بنزينة وطنية و هابلغ حضرتك بالنتيجة.
انا روحت بنزينة وطنية للأسف ماعرفتش ألاقي حد يغير الزيت
للأسف و أنا خارجة من البنزينة بلف عشان أطلع من مفارق لقيت عربيات رحت مهدية
و أنا بعدي جت مقطورة بسرعة وانا بلف خبطت الفانوس اليمين غيرت مكانه و الفلاشر اتكسر تماما
اكتئبت أوي :(
عادى جداً ومفيش داعى للإكتئاب والحمد لله إنها عدت على خير ... وأهى حاجة تاخد شر العين
تعالى شوفى عربيتى شكلها عامل إزاى من كتر الحكات والخرابيش لما كنت لسه بتعلم عليها
معلش ماتزعليش ... قدر الله وما شاء فعل
ده أنا لسه مدى نصيحة على التقاطعات .. بس يللا الحمد لله ، ولا شك ان الحذر لا يمنع قدر بس أهو الواحد بيعمل اللى عليه علشان ضميره يبقى مستريح .
ربنا يكرمكوا يا جماعة بجد هونتوا الموضوع عليا شوية.. أنا هبطل أنزل بيها في الزحمة لغاية ما أحس اني عرفت أنزل بيها وسط العربيات .. بس المشكلة إن الأماكن الفاضية زي قلتها بالنسبالي لأني بسوق فيها كويس جدا .. مجرد ما أطلع على المناطق السكنية مابسمعش غير كلاكسات و نور عالي في مرايتي
على أي حال العربية محتاجة تعديلات ..
بالنسبة للكاوتش لما وديت العربية لواحد في جسر السويس مرضيش يغيره و نفخه على 32 و قالي لا يا دكتورة.. هيا 42 ألف كيلو و هغيرهولك على ال 50 ألف
لسه هغير الزيت ان شاء الله و أتابع مع حضراتكم
ربنا يبارك فيكم بجد انتوا لا تتخيلوا أرائكم تفرق قد ايه معايا خصوصا إني مغتربة و مش معايا غير دكاترة طالبات في القاهرة
قدر الله وماشاء فعل والحمد لله ان مقطوره عملت خسائر بسيطه كده وكلنا بنتعلم من الاخطاء ونصيحة تجمدى قلبك وتنزلى فى الزحمه عادى.
بالنسبه للكاوتش المفروض كاوتش الماروتى بيتظبط على 27 و 32 كتير اوى وحيهبد معاكى فى المطبات.بالنسبه للكاوتش انصحك تمليه نيتروجين عشان متفضليش كل شويه تروحى تزودى بالنسبه للنيتروجين ممكن كل شهر تزوديه ولو زودتى فى بريدجستون ببلاش اصلا.
بالتوفيق
+1111
كلام سليم جداً وأنا قولت لحضرتك قبل كده أسألى الأول قبل ما تعملى أى حاجة فى العربية مهما كانت صغيرة عشان الصنايعية بيفتوا . ظبط كاوتش الماروتى على 27 غير كده يبقى الكاوتش ناشف جداً وكمان خطر على الكاوتش .... والأفضل تملى نيتروجين لعدة أسباب أهمها إن عداد النيتروجين مظبوط 27 يعنى 27 لكن الهوا العادى بيشتغلوا فيه بعدادت أى كلام فحتلاقى ال 32 على العداد المضوب بتاعهم مش أقل من 40 فى الحقيقة .......
أدخلى على أى محل أو بنزينة فيها نيتروجين فضى العجل كله وزودى نيتروجين على ضغط 27 العجلة الواحدة حتتكلف 5 جنيه ...
السلام عليكم
هاستأذنكم يا شباب بناء على الحاجات اللي حضراتكم مشكورين نصحتم بيها أنا هجمع النقاط المطلوبة لصيانة العربية و هاستأذنكم توضحولي تكلفة الصيانات دي و أجرة المصنعية:
1- تغيير زيت الموتور شيل هيليكس الأصفر15w50 و فلتر الزيت.
2- تغيير زيت الفتيس شيل 80w90 و تغيير الفلتر.
3- تنظيف الريداتير ووضع مياه زرقاء.
4- تغيير فلتر البنزين و سير الكاتينة و الدينامو و البلية.
5- تغيير بوجيهات و أبلاتين و كوندنسر و فلتر الهواء.
6- تفريغ العجل و ملئه بالنيتروجين على 27.
7- حاجة كمان أنا محتاجة أوطي الدبرياج لأنه عالي جدا و كمان محتاجة أعالج إن العربية بتدور من سادس أو سابع مرة.
بإذن الله تعالى هاروح بكرة أعمل الحاجات دي ف محتاجة دعمكم لأني مش عارفة أي حاجة عن الأسعار
جازاكم الله عني كل خير