الموضوع: برجاء المساعدة: صيانة الماروتي

أولا ألف مبروك على الماروتى وربنا يبارك فيها ويحميها
ثانيا سأحاول أن أرد على تساؤلات حضرتك ويارب أفيدك :
1- زيت الموتور ممكن يكون شيل الأصفر هيليكس وزيت الفتيس ممكن حضرتك تشترى 2 كيلو شيل أو موبيل وتغيرى زيت الفتيس .
2- مقاس الكاوتش الـ standard هو : 12 / 70 / 145 .
3- الكاسيت أنا لى وجهة نظر فيه خاصة بالماروتى وهى إنه نظرا لعدم وجود مكان يتركب فيه الكاسيت فيستحسن إستبدال الكاسيت بما يسمى بالـ GM وهو بيبقى صينى وسعره رخيص ومايزعلش وبيبقى فيه فتحى يو إس بى وراديو إف إم وهيتركب بكل سهولة دون قطع فى التابلوه .
4- لو حضرتك لسه شارية العربية بالحالة دى (42000 كم) يبقى لازم يتعمل الآتى :
تغيير زيت الموتور مع الفلتر - تغيير زيت الفتيس - تنظيف الرادياتير ووضع مياه زرقاء موبيل وبلاش المياه بتاعت الحنفية - تغيير فلتر البنزين - تغيير سير الكاتينة والبلية - تغيير بوجيهات وأبلاتين وكوندنسر (طقم الكهربا) - تغيير فلتر الهوا - الكشف على حالة تيل الفرامل .
ويراعى الآتى :
1- جودة قطع الغيار المشتراة خصوصا سير الكاتينة والبلية وطقم الكهربا .
2- لا ينصح بعمل الصيانة فى التوكيل لأن العربية مش معقدة ولا تحتاج إلا مجرد ميكانيكى شاطر ده فضلا عن إن التوكيل لو عمل الحاجات دى كلها هتبقى ليلة كبيرة قوى وغالية قوى .
أما فى حالة لو حضرتك هتعملى الكلام ده عند ميكانيكى فممكن بالتقريب كده يتكلف أقل من نصف قيمة التوكيل .
تقريبا حوالى 600 جنيه غير شامل تمن الكاوتش والكاسيت .
تمن الكاوتش للأربع فرد حوالى 1200 جنيه .
الجى إم (مش كاسيت) حوالى 80 جنيه .
بالتوفيق وأهلا بأى إستفسار

المشاركة الأصلية كتبت بواسطة mesaharaty

أولا ألف مبروك على الماروتى وربنا يبارك فيها ويحميها
ثانيا سأحاول أن أرد على تساؤلات حضرتك ويارب أفيدك :
1- زيت الموتور ممكن يكون شيل الأصفر هيليكس وزيت الفتيس ممكن حضرتك تشترى 2 كيلو شيل أو موبيل وتغيرى زيت الفتيس .
زيت الموتور شيل هيلكس لزوجته 15w50 وبتحطى 2.75 لتر لو حتغيرى فلتر الزيت وحذارى تحطى نقطة زيادة عن المقدار ده لآنه حيبقى خطر على الموتور وبالنسبة للفتيس شيل لزوجته 80w90 وبتحطى 2 لتر
2- مقاس الكاوتش الـ standard هو : 12 / 70 / 145 .
فيه أنواع كويسة ومجربة زى الهانكوك وال gt الأندونيسى والأسعار حتكون من 260 إلى 300 للفردة الواحدة حسب النوع اللى حتشتريه والمكان وشطارتك فى الفصال ويستسحن تغيرى الأربع فرد لآن كوتش الفبريكة اللى راكب وكفاية قوى عليه 5 سنين شغل كتر خيره وطبعاً بعد التركيب تملى نتروجين وترصصى الكاوتش مع العلم إن فيه محلات بيكون سعر الكاوتش شامل الترصيص وملى نيتروجين .
3- الكاسيت أنا لى وجهة نظر فيه خاصة بالماروتى وهى إنه نظرا لعدم وجود مكان يتركب فيه الكاسيت فيستحسن إستبدال الكاسيت بما يسمى بالـ gm وهو بيبقى صينى وسعره رخيص ومايزعلش وبيبقى فيه فتحى يو إس بى وراديو إف إم وهيتركب بكل سهولة دون قطع فى التابلوه .
أنا شخصياً جربت الأنواع الصينى وكلها مقالب وإنتى وبختك ممكن يبوظ بعد ما تركبيه بشهر ففيه أنواع محترمة زى البيونير وأسعاره تقريباً بتبدأ من 550 جنيه وفيه أنواع تانية أنا عن نفسى مركب نوع جديد إسمه سيمفونى بشاشة عرض فيديو 3.5 بوصة وفيه usb و sd card و aux ومعاه ضمان سنة وسعره 450 جنيه شامل التركيب وطبعاً لازم يتقطع فى التابلوه وغالباً لازم تشيلى ساعة العربية عشان يركب أو ممكن تركبيه تحت التابلوه بإستاند زى ما أنا عامل .
4- لو حضرتك لسه شارية العربية بالحالة دى (42000 كم) يبقى لازم يتعمل الآتى :
تغيير زيت الموتور مع الفلتر - تغيير زيت الفتيس - تنظيف الرادياتير ووضع مياه زرقاء موبيل وبلاش المياه بتاعت الحنفية - تغيير فلتر البنزين - تغيير سير الكاتينة والبلية - تغيير بوجيهات وأبلاتين وكوندنسر (طقم الكهربا) - تغيير فلتر الهوا - الكشف على حالة تيل الفرامل .
وسير الدينامو يتشيك عليه لو محتاج تغيير غيريه
ويراعى الآتى :
1- جودة قطع الغيار المشتراة خصوصا سير الكاتينة والبلية وطقم الكهربا .
2- لا ينصح بعمل الصيانة فى التوكيل لأن العربية مش معقدة ولا تحتاج إلا مجرد ميكانيكى شاطر ده فضلا عن إن التوكيل لو عمل الحاجات دى كلها هتبقى ليلة كبيرة قوى وغالية قوى .
أما فى حالة لو حضرتك هتعملى الكلام ده عند ميكانيكى فممكن بالتقريب كده يتكلف أقل من نصف قيمة التوكيل .
تقريبا حوالى 600 جنيه غير شامل تمن الكاوتش والكاسيت .
تمن الكاوتش للأربع فرد حوالى 1200 جنيه .
الجى إم (مش كاسيت) حوالى 80 جنيه .
بالتوفيق وأهلا بأى إستفسار

كلام زى الفل وأنا كتبت شوية ملحوظات مع تربيط العفشة وظبط زوايا يبقى العربية حتدعيلك ومش حتشوفى منها غير كل خير بإذن الله