بجد والله انا و بقرأ الذكريات هنا و تجارب الاعضاء بستغرب من اللي بيقول من الشباب انه مافيش شغل (و منهم اخويا نفسه) طب ما تشتغل و تطمرمط و يطلع عينك امال عايز تكبر ازاي؟
بجد والله انا و بقرأ الذكريات هنا و تجارب الاعضاء بستغرب من اللي بيقول من الشباب انه مافيش شغل (و منهم اخويا نفسه) طب ما تشتغل و تطمرمط و يطلع عينك امال عايز تكبر ازاي؟
الموضوع دا المفروض يتثبت فى كل فرع من فروع المنتدي
دا فعلا المفروض كل الشباب الصغيره يقروه ويتعلمو منه
ربنا يبارك للجميع فى صحته وماله ووقته
انا كنت باتدرب في المصانع في الاجازه , ده أيام كلية الهندسة , خصوصا كمان ان تخصصي ميكانيكا انتاج
من المصانع اللي فاكر اني اتدربت فيها :
شركة المعادي للصناعات الهندسية (مصنع 54 الحربي) ده اللي بيعمل المسدس حلوان
مصنع النصر للسيارات
مصنع 200 الحربي , ده اللي بيصنع الدبابه الامريكية m1a1
مصنع قادر
مصنع صقر
اتدربت في ورشة لتصنيع المنتجات المعدنية
علمتنى الحياة .
زمااااااااان كنا مشهورين بالقطن المصرى (طويل التيله) . وكان ضرورى عناية القطن اثناء نموة في الأرض .... فكانت الجمعية الزراعية تكوّن مجموعات أطفال (ايون أطفال) لفحص كل شجرة قطن على حده وإزالة الأوراق التي تحتوى على عدوى (الدودة) حتى لا تموت الشجرة كلها .
فكنا نتجمع الساعة 6 صباحا للذهاب للحقل (لمؤخذة الغيط لأخوانى الفلاحين)...... وفى نهاية يوم شاق يحصل كل واحد منا على 2 جنيه ونص .
في الذاكرة:
كنا نمشى للغيط حوالى 5 كيلو وأحنا بنغنى ونهزر طول الطريق والكل مبسوط وفرحان.
كنا بنلعب ألعاب جميلة في فترة الأستراحة (لمؤخذة ساعة الغداء) أفتكر لعبة الطواقى كانت رائعة.
كنت أكتر واحد متدلع في العيال كلها .... عشان أخويا كان رئيس المجموع(لمؤخذة الخولى لأخوانى الفلاحين ) ...ههههههههه.
أشوفكم في حلقة قادمة
ياااااااااااااااااااااااا دين النبي يا جدعان علي دي قصص وحكايات بجد ابطال وليكوا مني تحيه عسكريه و 21 رصاصه d:
انا بقي اشتغلت شويه من وانا ف اعدادي وبدايه الثانوي فشوي الذره كنت بروح اشتريه جمله واشوي علي أول شارعنا
كان مكسبها مجذي وكويس بالنسبه لطالب اعدادي
بعد كدا ف الثانوي الدنيا وقفت شويه عشان الدراسه "وياريتني فلحت فيها" ورجعت ف الجامعه اشتغلت في مجال الموبايلات وكنت واقف ف سنترال اخويا وانا اخويا الصغير اللي كنا ممشينه لحد ما خلصت الجامعه وعملت شويه دراسات وسافرت الخليج اكون نفسي للأسف مكملتش ف اي سكه م اللي كنت هاويها..
المشكله الوقتي اني حاسس ان انا مستفدتش من كل دا بخبره كافيه ومش عارف دا من ايه ولا تهيأت بس !!
مساكو بيضحك جميعاً وشكرا لصاحب الموضوع
موضوع رائع جدا للتثبيت و الى المفضله
ده الواحد طلع مرفهه جدا
وهو ده المغزي من التجارب اللي الاعضاء كتبوها وكل قصص الناجحين في الحياه
الجهد والتعب هو اللي بيوصل للهدف
وبمناسبه الموضوع ده في فيلم لويل سميث اسمه pursuit of happynes
هو فيل مش جديد بس كنت اول مزه اشوفه من قريب بيحكي قصه شخص اسمه كريس جاردنر ده واحد قابل مشاكل كتير في حياته وزوجته انفصلت عنه وسابتله طفل وواجهه ازمات كتير لدرجه انه اتطرد من الشقه اللي كان مأجرها وكان بينام في الحمامات العامه لحد لما بقي مليونير
طب يا جماعة انا عندي فكرة مشروع
انا كنت جايب عجلة تمام وعربية شالتني بيها وكرهتها وكل ماشوف عجلة بادغدغها
المهم جاتلي فكرة اني انزل العجلة اجرها للعيال واهو نجرب
الربع ساعة 1.5
أساعة ب 5
وهالدء يوم الخميس باذن اللة ونجرب
تنصحوني بقي اعمل دعاية ازاي
مع العلم ان مافيش حد هنا بياجر عجل
ﻷ ﻷاقتباس:
المشاركة الأصلية كتبت بواسطة far!d
محل اية دانا بفكر تحت البيت
انا لسة صغير يا باشا
موضوع جميل وفكرنى بزمان... والدى برضه كان ممانع انى اشتغل فى الاجازة... بس بصراحة انا كنت عايز اشتغل علشان ابقة راجل مجدع وكسيب زى ماكنت بشوف فى الافلام... ابتدين من و انا فو تانية اعداى وكنت بشتغل فى مصنع بتاع حلاوة طحينية وبعين اشتغلت كهربائى وبعديها سباك ثم ميكانيكى ثم كهربائى سيارات ثم آخر حاجة بقة كانت كهربائى تانى لغاية ما اتكهربت من كوفريه فى كلية زراعة جامعة القاهرة ومن بعديها وانا بخاف من الكهرباء.... طبعاً الخبرات دى كلها افادتنى فى حياتى العملية كتير كمهندس فى الرى ... يعنى مثلاً كنت من حوالى ١٠ سنيين كنت ماسك حملة السيارات وكنت مهندس غلس علشان مفيش حد من السواقين بيعرف يطلع باى مصلحة من ورايا وكنت بقعد على راس الميكانيكى وهوا بيعمر المواتير كنت انا اللى بجيب كل قطع الغيار... بصراحة موضوع اكتر من رائع وفعلاً فكرنى بايام زمان
الموقف اللي وعدتكم أحكيه ..
كان ظروفي زفت الصراحه و عشان كده أضطريت زي ما أتكلمت قبل كده أشتغل في " جراند ليموزين " و رئيس الورديه مكانش مقصر معايا .. والله نفسي أشوفه تاني الراجل ده إسمه الفولي .. بس أسمه الأول مش فاكره !!
كلم أكتر من واحد ..
في مره بعد ما الكافتريا شطبت .. الساعه 2 تقريبا كنا بنريح شويه عشان في الساعتين الباقيين بنمسح المكان كله ..
لاقيت واحد بينده عليا .. و بعدين واحد زميلي جالي يقولي في بيه عايزك !!! بيه و عايزني أنا , غريبه !!
روحت لاقيت واحد كباره أوي كده .. قالي عامل أيه يا مصطفي و كرمش حاجه و حطها في أيدي !!
مبقتش عارف أخدها ولا لأ .. و قلت لأ شكرا ربنا يكرمك حضرتك .. أنا شغال و الدنيا تمام قالي هو ده شغل يا دكتور !!!
كان رئبس الورديه " الحاج الفولي " كانوا كلمتين يقولهم لأي حد ربنا مديه شركه ولا مصنع و لا بنزينه الواد ده دكتور و مش بتاع بهدله ..
المهم خدت الفلوس و كانوا " 50 جنيه " .. و روحت المكان اللي بنغير فيه اللي هو هو المكان اللي بنستريح و نصلي و ناكل و نشرب فيه اللي هو أوضه 3 متر في 3 متر .. و فضلت أعيط و أنا حاطط أيدي علي وشي .. للدرجه دي !! واحد بيعطف عليا !! يا نهار أخبر !!
المهم روحت البيت و أديت ال 50 جنيه لأختي الصغيره ..
و محدش يعرف الحكايه دي الوقتي غيركم أنتو و الراجل المحترم اللي كان بيحاول يساعدني ..
شكرا و نلتقي في الحلقه القادمه .. علي رأي الباش مهندس Salodas
يا باشا ده مصدر فخر ليك انك تحكي و تحكيه كمان لاولادك والله والله الواحد فينا لو اتولد في بقه معلقه دهب ولا حيحس بالنعمه اللي هوا فيها و لا حيقدر غير المحتاج
انت راجل جدع و شهم و دكر انك شلت نفسك و اشتغلت و متعتبرهاش اسائه او ذكريات سيئه الحمد لله ربنا عدلها من عنده ولا ايه؟؟
ربنا يزيدك من فضله و نعمه كمان و كمان
يااااااااااااااااااااه
شكرا لصاحب الفكره ولكل اللى شاركو
فعلا اطنان من الذكريات نزلت على الواحد
انا مش هخبى عليكوا اصلى اتمرمط قوى والرصيف خد منى كتير
واكيد لازم اكتب واقول
بس اللى شاغل تفكرى بشكل فظيع دلوقتى ( ابنى الغالى ) اعمل معاه ايه
مش قادر اخد قرار عشان كده مش عارف احكى ملحوظه :( انا حبيت ابويا الله يرحمه اكتر واكتر بعد ما خلفت) عشان حسيت بحب الاب لل أبن عامل ازاى مع ان ابويا كان ميت وانا عندى عشر سنين
انا جاى جاى معاكو ان شاء الله بس مش عارف اكتب والله من كتر التفكير فى الباشا بتاعى
انا اشتغلت امن شركة في مدينة نصر
واشتغلت تايم شير
بس كانت ايام ربنا ما يخليني اشوفها تاني
الحمد لله ع كل شيء
بعد كل المأسي اللي وضحتها في المشاركات اللي فاتت ..
حاليا أنا طبيب بشري عمري 27 سنه فقط .. تخصص أطفال بمستشفي أبو الريش الجامعي ..
بحضر ماستر في نفس التخصص ..
معايا دبلومه تغذيه رياضيه .. و دبلومه في التعامل مع الإصابات ..
بشتغل في إستيراد المكملات الغذائيه بقالي أكتر من 6 سنين متتاليه " كشغلي الخاص "
واخد توكيل أكتر من شركه أمريكيه و ألمانيه و سويسريه ..
أمتلك - بفضل الله - 5 stores لبيع المكملات الغذائيه بالشراكه من أصدقاء لي ..
أمتلكت حتي الان 4 سيارات بفضل الله .. أولهم الفنتازيا و أخرهم الفلوينس فيس ليفت ..
كل ما قمت بذكره لا يحمل إلا معني واحد .. بما إن حضراتكم جميعا شاركتوني المأسي السابقه من حقكم أن تعلموا ان الله كافئني خير مكافئه .. ع الأقل بزوجه صالحه و بنت زي القمر .. لسه مولوده من إسبوع بس ..
الحمد لله كما ينبغي لجلال وجهه و عظيم سلطانه ..
الحمد لله عدد خلقه و رضاء نفسه و زنه عرشه و مداد كلماته ..
شكرا لصاحب الموضوع للمره الألف .. شكرا لكل واحد شارك و شكرا لكل واحد شاركني أنا شخصيا حكاياتي اللي أنا عيشتها .. اللي مفيش ولا واحده فيهم تشبه بعضها :) ..
اشكرك على الموضوع الرائع ... وقصه كفاحك نموذج مشرف لكل الشباب ليتهم مثلك
بالنسبه لي
لم اعمل ابدا في اي مجال سواء كانت ايام الدراسه او في الاجازة وكنت اتمنى ان اعمل كي اكتسب خبرات في الحياه ولكن اعاقتي حالت بيني وبين ذالك والحمد لله على كل حال
الهدف من رغبتي في العمل هو اكتساب الخبرات وليس تحسين مستوى المعيشه
ولكن ما يجعلني اشعر بالفخر تجاه نفسي
اني كنت احصل على اعلى الدرجات في المدرسه دون ان اقدم على درس خصوصي واحد حتى اخر لحظه انهيت فيها المرحله التعليميه في الجامعه
ففي الثانويه العامه على سبيل المثال حصلت على 91 بالمائه في الصف الثاني الثانوي دون ان اقدم على اي دروس خصوصيه بما فيها ماده الرياضيات التي تحتاج لدرس خصوصي بالفعل فكل اصدقائي كانوا يأخذون درس خصوصي في هذه الماده الا انا الوحيد الذي لم يقدم على ذالك وحصلت على 50/50 الدرجه النهائيه في هذه الماده
وكنت اتمنى ان ادخل كليه هندسه قسم الكترونيات ولكن لظروف ما لا داعي للافصاح عنها دخلت القسم الادبي وغيرت طموحي من هندسه لكليه التجارة وفي النهايه دخلت كليه الاداب ! نصيب
الفكره التي اصبوا اليها في قصتي هو رغم اني لم اعمل واساعد ابي في مصاريف الاسرة الا اني وفرت عليه الكثير بعدم اخذ مصروف يومي منه وعدم الاقدام على الدروس الخصوصيه .... الخ حتى في الجامعه لم يتعدى مصروفي 100 جنيه في العام كله فكانت مصاريف المواصلات لا لشيء اخر هههههه لاني لم اقدم على شراء اي كتاب يوما من الايام ولم اذهب الى الجامعه الا ايام الامتحانات فقط
اما في الوقت الحالي فأعمل في مجالين فقط وهما (التدريس وهي الوظيفه الحكوميه التي من الله علي بها بعد تخرجي مباشرة من الجامعه فقد تخرجت سنه 2012 وبعدها بحوالي اربعة اشهر جائني جواب التعيين بعد التقديم في مسابقه توظيف 5% التي اعلنها الدكتور مرسي بارك الله فيه وفك كربه هو وسائر المعتقلين وسوف اسرد موضوع له ان شاء الله بخصوص هذا الشأن واما الوظيفه التانيه هي الفوركس ولكن تركتها منذ عده اشهر وربما اعود اليها مره اخرى)
وفي النهايه احاول تزويج نفسي بما املك من المال وما سوف املكه ان شاء الله
فقد حصلت حتى الان على 5 الاف جنيه من الفوركس و 3 الاف من التدريس اي ان الاجمالي 8 الاف جنيه قمت بتحصيلها بنفسي دون مساعده الاخرين والحمد لله وما زال الكفاح قائم
شكرا لمشاركه حضرتك ...
وطبعا حضرتك بتتكلمي من خلال قلب وعطف وحنان الام على ابنها
بس خلى بالك !!!! مش كل الناس اللي هيتعامل معاهم ابنك بعد كده ... هما انتي
مش كلهم هايخافوا عليه كده
والله شفت شباب زي الورد كانوا بيعيطوا بالدموع مع اول مشكله تقابلهم في الشغل
حضرتك ممكن تخليه ينزل في الاجازه مع حد معرفه
مثلا الحلاق بتاعكوا
مثلا نجار معرفه ويكون امين
وهكذا
صدقيني هيفرق كتير
1- معاك حق فعلا كنت تحس ان عقلنا اكبر من سننا... وفعلا مكناش بنلاقي نفسنا في اللعب
2- وكنت عايز اقول لكل الناس ... لما تشوف طفل سارح بغزل البنات او بيبيع دره مشوي او بيلم خرده او .. او .. او ... بلاش تستحقره
انت ماتعرفش ظروفه ايه .... وياريت لو تتعرف عليه وتساعده ... واديكوا شوفتوا كل الاخوه الاعضاء بقوا مهندسين ودكاتره ومحاسبين
ع الهامش... لما كنت في ثانويه عامه .. كنت ساعتها شغال بائع متجول (بياع ف السوق يعني)
واول لما النتيجه طلعت كنت عايز اجري بسرعه اروح المدرسه عشان اشوف النتيجه بتاعتي
ساعتها كان في ست بنت حلال كده واقفه بتشتري مني ... تصدقوا بالله اول لما عرفت اني في ثانويه عامه ... والله عيطت بالدموع
وماكنتش مصدقه
قالتي روح يابني والله ربنا هايكرمك .. وكمان خد الحلاوه اهيه (50 جنيه طبعا كانت كبيره جدا ساعتها)
والاسبوع اللي بعده جتلي مخصوص عشان تباركلي
سبحان الله ... مش ناسي شكلها لحد دلوقتي
بمناسبه التيبس ... في بدايه شغلي كنت برفض اخد التيبس ده ابدا وكنت بعتبره انه حاجه زياده عن حقي ... بس بعد كده قالولي ان الزبون بيكون مبسوط من الشغل وراضي عنه ف عشان كده بيدي تيبس واحنا كمان مش بنطلبه بنفسنا .... ف بعد كده بقيت اخده بصراحه
طبعا من كلام حضرتك نفهم انك موافق من حيث المبدأ ان ابنك يشتغل في الاجازه
بسم الله ماشاء الله
قصتك دي عالميه بصراحه
وتتعمل افلام ومسلسلات وكتب وكل حاجه
ربنا يوفقك
الموضوع فعلا لمس حاجه حلوه جوانا كلنا
ياريت لو في حد عنده تجربه يححكيها
واللي ماعندوش ياريت يقولنا هل لو كان اشتغل اثناء الدراسه كان الموضوع هايفرق معاه بعد التخرج ولا عااااااادي ؟
موافق بس مش هشغله حاجة يحس فيها بإهانة ومرمطة
نفسي أشغلهم (عندي 3 ربنا يخلي :) حاجة محترمة يكسبوا منها عيش ويتعلموا منها يعتمدوا على نفسهم وتكون مشرفة في نفس الوقت
لذلك بفكر أنميهم من دلوقتي في مجال الكمبيوتر والإنترنت وأحاول أعلمهم مجالي في تصميم المواقع والتسويق الإلكتروني والربح من الإنترنت عموما يعني مثلا أعملهم موقع لبيع سلع معينة أونلاين ويمسكوه أو يصمموا هما مواقع بنفسهم ويبيعوها وهكذا ، مش عايز أشوفهم بيتمرمطوا ويتهانوا ويشتغلوا عند الناس زي ما كان بيحصل معانا لأن الظروف غير الظروف والزمن غير الزمن
لكن طبعا التخطيط حاجة والواقع غالبا بيبقى حاجة تانية خالص ! وممكن يطلعلي واحد منهم على الأقل ويعملي فيها محمد رياض مع عبد الغفور البرعي ويقولي: (لن أعيش في جلباب أبي) هههههههههه
والله أعلم الأيام مخبيالنا إيه
ما شاء الله بارك الله فيكم جميعا قصص كفاحكم تستحق كل احترام. كثير وليس كل الشباب الان عايز يكسب من غير تعب. قصص حضراتكم دروس في الحياة و بجد يا ريت تتحول لافلام او مسلسل بحلقات منفصلة. و الله الافلام و المسلسلات دي اكثر شئ مؤثر و للاسف القدوة من ابطالها حتي لو سيئ زي عبده موته ربنا يهديه. لو حد يعرف منتج او مخرج محترم زي محمد صبحي و يعرض عليه القصص دي . هتكونوا قدوة حسنة و علي الاقل بعض الشباب التافه هيغير نظرته للحياة وهيتشجع و يتحمس لفكرة العمل و الكفاح عموما.
من ناحية اخري انا واحدة من الناس ادعو لكل الشباب المكافح بظهر الغيب علي طول ربنا يرزقهم و يوسع رزقكم لما بشوف حد في المترو بنات او شباب بيبع حاجة او امام الشركة بعض الشباب منهم من يبع الفطائر المغلفه من الفرن و عرفنا انه خريج حقوق و اخرون بيوزعوا حاجات نصف مجهزة لشركة مخبوزات زي السينابون و البيتزا و الكعك و البتيفور الجاهز و طبعا السيدات العاملات لا وقت عندهم فبيقبلوا علي هذه المنتجات و الميزة انها باسعار ارخص كتير من محلات المتخصصة زي البيتزا و الدوناتس مثلا. باحب اشجعهم واقول لزميلاتي عليهم لو مش شايفنهم و بضائع اخري ممكن الواحد يشتري حتي بس تشجيعا لهم و الان ايضا السوريين بيعملوا حلويات شرقية تحفة و خفيفة رغم الغربة وظروفهم الصعبة لكن واضح انهم بيحبوا الشغل و بيبحثوا عنه.انا مش بتكلم عن محلاتهم لكن حتي اللي مش معاهم فلوس بيقفوا بالحلويات دي علي ترابيزة في اي مكان و اكلهم مغلف و شيك و نظافة ربنا يرجعلهم بلدهم و يصلح حالهم و بارك الله لكم و لكل مكافح ووسع عليكم الرزق و علي الجميع.
السلام عليكم جميعا ..... انا متشكر جدا للموضوع اللي لمس قلوبنا والف شكر لكل الردود الأيجابية اللي شجعتني اكمل..... اسمحولي اضيف باقي القصة .... كنت شاركت بيها سنة 2010 هنا في المنتدي كان في استفتاء كانت مدام / نور القمر طلبت استفتاء كل واحد يقيم معدنة وانا ايامها كنت في الصين قبل ما استقر بمكة......
تحياتي من مكة (:
ربنا يحفظ لك اولادك ويكونوا احسن مما تتمنين
لكن اغلبنا يحاول ان ينقل خبراته لاولاده ليتحملوا تقلبات الحياه لان التغيير يحدث فى اوقات يقلب مسار الحياه رأسا على عقب مع ان ما كتبته وسأستكمله للعبره فقط وكل ماكتبه الاخوه فى المشاركات كان مرهق لنا (عن نفسى لم اعش فتره طفولتى وشبابى كما يكون) ولكن نستمتع عندما نحكى لاولادنا ونستمتع ايضا بان ثمره تعبنا سوف تريح ابنائنا بعض الشىء فى حياتهم
تقديرى