علمتنى الحياة .
الأسطى علام (شدة وفتحة على حرف اللام) ... هو اشهر سمكرى في المنطقة .
على ما أتذكر رحت الورشة دى في 4 ابتدائى وكمان 5و6 ابتدائى (اصل انا من فيران التجارب الى وزراء التعليم كانو بيجربو فينا الحاجات دى) .
بصراحة شغله مش سهلة وعاوزة صبر وطولة بال (ولازم يكون السمكرى ده حد بيفهم عشان يطلع شغل نضيف... اشتغلت بليه يعنة كنت بناول الأسطى العدة وأمسك معاه الحته الى بيسمكر فيها (باب – جنب – رفرف ..... ) وطبعا تمسك اللمبة والأسطى بيسخن الحته (الأستعدال على الساخن) والأيد التانية يكون معاك قماشة بميه عشان تبرد الجزء المستعدل .
في الذاكرة:
فاكر انى كنت شغال بالصاروخ مرة ... وبعدين حاجة حصلت (مش فاكر) خبط في ايدى وهو شغال وعملى جرح قطعى في رسغ ايدى لا يبعد عن الشريان الرئيسى سوى 7 سم فقط (وهذه من لطف الله).
لا أنصح احد انه يرسل ابنه (الطفل) لمثل هذه المهن الصعبة ... وخصوصا اذا كان الطفل متفوق ومش هيكمل في الشغل ده .
أشوفكم في حلقة قادمة