3 اسئلة ,, صوت خشونة ,, نقلات فتيس ,, كوبلن داخلى

**hamisa08** · 30-03-2014 03:56 PM

عندى يا جماعه تلات استفسارات

اولا : صوت خشونة وبيعلى معايا على السرعات العالية لما بدوس فرامل الصوت بيختفى دة ممكن يكون بلية دبرياج صح ولا اية ؟؟

ثانينا : النهاردة وانا جاى على الزراعى الفتيس بياخد الخامس بصعوبة ولما اجى انزل من خامس لرابع مش راضى خالص ياخد النقلة غير لما اجيب تالت واديها رابع طبعا دة كلة وانا دايس دبرياج ومسبتهوش اية دة ؟؟

ثالثا : اعرف ازاى ان كبالن الداخلية عايزة تتغير ؟؟ والعفشجى بيعرفها ؟

انا خايف ليشتغلنى ويقولى غيرهم عشان ياخد مصناعية اكتر وخلاص مع العلم انا عندى كوبلن خارجى محتاج يتغير

واخيرا العربية هيونداى اكسيل

**hamisa08** · 31-03-2014 11:36 AM

متااابع 25 مشاهدة و مفيش اى ردوود

**hamisa08** · 03-04-2014 12:06 PM

طب حل اى مشكلة واحدة بس على الاقل

**alalfi** · 23-04-2014 03:52 PM

الكوبلن الداخلي كان عندي مشكله فيه وغيرته (تقريباً راس الكوبلن بتبقى بايظه) ولو بصيت فيها تلاقي فيها زي حفرة كده .. أهم أعراضه بتسمع صوت طقطقة لما تلف الدريكسيون وانت بتحضن عشان تركن وصوت تزييق في الملفات خصوصاً المنحنيات الشديده .. والعربية بتنتش منك خصوصاً في السلانسيه وعلى التاني زي ما يكون حاجة خبطت تحت الفتيس ..

**Ghost2** · 25-04-2014 10:14 PM

الكوبلن الداخلي مفيش مشكلة في تغييره .. الما بالنسبة للفتيس .. وارد ان ده يحصل معاك لو علبة البلوف باظت .. لو زيت الفتيس متغيرش في معاده .. او الفتيس سخن اوي و دورة التبريد مش قادرة تبرد فا حصل عيب في علبة البلوف و دي بتتغير لوحدها و بتشتريها استيراد و متجبهاش جديدة .. بس و انت بتجيبها تحلها من على فتيس راكب في نص عربية .. هي صعبة شوية بس ممكن