الموضوع: 35 الف يجيبوا ايه

اولا انا شاكر جدا للناس الى سعدونى فى موضوع ال30 الف يجيبوا ايه بصراحة شديدة ملقتش فى الردود الى انا عايزة خصوصا انى بفكر جديا فى الكورسا فقلت استنى شويه احوش و الحمد لله عرفت اوصل الفلوس ل35 و مش عارف لو حد عنندة كورسا عايز يبعها تكون حلتها كويسه انا جاهز و طبعا لو حد عندة حاجة كويسه فى حدود السعر دة انا بردوا جاهز و ان كنت ميال اكتر للكورسا يلا يا جماعة قولوليى ايه رئيكم و ممكن الفلوس دى تعمل ايه :huh:

صديقى ايمن اكيد واضح انى بحب العربيات الصغيرة الهتش باك و على رئسهم الجولف الى انا مش مستعدلها حاليا ماديا فمخليه الخطوة الى جايه إن شاء الله خصوصا دى اول عربيه ليا فكنت بدور على حجات تكون اعتماديه و قطع غيرها الى حد ما مش غاليه اهم حاجة الاقتصاد فى البنزيم فلقيت انى فى الاخر قرارى محصور بين البونتو 1300 شكلها عجبنى ثبتها مش بطال و سعرها كويس و بتنزل اصلا بتكيف و فى اختيار تانى و هو الاوبل كورسا و دة بئى انا مرتحلوا اكتر كفاية انة المانى و فى نفس الوقت موفر 1200 و عربيه معمرة و قطع غيرها مش غاليه زى ما هو معروف عن الاوبل بالعكس مناسبة جدا بالنسبة لعمرها و اخر اختيار هو الابيزا و الهاتش باك ال 1300 و 1000 انا بحب الابيزا بس مش عارف ليه مش حابب الابيزا فى حاجة ان نزل ميت شكل بعد ال موديل بتاع 94 لكن البونتو مثلا هما شكلين منهم واحد ميفرقش كتير عن الاديم وواحد جديد كليا و اسمه جرند بونتو يعنى كمان مختلف و الاوبل كورسا يمكن منزل الا شكلين او تلاتة بردوا يمكن دة فى نظرى نقطة فى صالح الاوبل و الفيات مش عيب المهم دلوقتى انا عايز حد عندة العربيات دى المهم حالتها كويسه و يكون عايز يبيع و مش لاقى حالات كويسه و حتى لو فيه اصحبها رفعين سعرها اوى لدرجة انها ممكن بالسعر الى طلبينة دة اجيب عربيات اعلى فى الفئة السعرية و العمرية انا بردوا بحبها زى الجوليت (عربيه محترمة جدا) و انا بحبها اوى ( بس مش معايا فلوسها ) و فى نفس الوقت اعرف اصدقاء اة تعبوا شوية علشان يجيبوا عربيات نضيفة بس فى الاخر ربنا وفقهم و جابوا حجات زى الاوبل كورسا حالة ممتازة و كانت ب35 و فى مصراوى من فترة بردوا واحد كان عارض واحدة 95 فيها كل حاجة 29 عارف سعر يخض هى كانت تمام اوى بس متورها مش اد كدة خالص من الاخر كانت عايزة متور علشان كدة سعرها كدة بس لقطة بردوا دى عقبال ما وصلت للرجل كانت اتباعت و اهو ربنا يوفق انا مستنى و مين عارف يمكن ربنا يكتبلى حاجة احسن . ملحوظة ( اسف لللاطالة )